12

قصيدة مدح في قبيلة عتيبه

الشعر, قصيدة , شعراء, القصايد ارسال إلى Twitter ارسال إلى facebook
  1. طبيبه بيطريه
    05-10-2009, 05:56 PM

    قصيدة مدح في قبيلة عتيبه

    قصيدة مدح في قبيلة عتيبه


    السلام عليكم ورحمته الله وبركاته
    جبت لكم قصيدة مدح فيقبيلة العتبان للشاعر الكبير: ملفي المورقي



    مادام كل قام يمدح قبيلته



    ويذكر مناسبها ويذكر فعولها



    إلي الفخر في مدح ربعي عتيبه



    اللي تسلسل من هوازن أصولها



    ربعي هل التاريخ والعز والفخر



    ليا من دقت للحرايب طبولها



    إلها إسمها الرنان مع ساير العرب



    ليا ضيقت بعض العرب صوتولها



    مثل الجبال الشامخه فالجزيره



    متراميه عرض الجزيره وطولها



    من قو هيبتهم ومن قو باسهم



    كل الديار اللي يبون وصلولها



    إليا ساقو العطفه وسارت جموعه



    مالأرض ترجف من حوافر خيولها



    تمشي برغبتها وتمشي بكيفها



    ما كن إبه ناس من الناس حولها



    لين إنها وسط الجزيره تمركزت



    وشرت على أطراف الجزيره نزولها



    هيلا على ماقال الاول مهيله



    تطول غايتها ولاحدن يطولها



    بحدب السيوف اللي تجاذب قنيبها



    وشلف عريضات وساع دحولها



    ما تأكل الا كل شيخ مجرب



    تخلي عن الخيل الأصايل حمولها



    يوم إنهم هاك الليالي تحدروا



    مثل المزون اللي تدلت ثعولها



    بروقها بيض السيوف الرهايف



    ورعودها العزوه ليا ضاق جولها



    وثعولها البارود عند انصبابه



    والدم من فعل النشاما سيولها



    هذا وأنا ملفي فعايل عتيبه



    ليا من جات المعضلات إرتكولها



    ومن لاذ بحماهم من الخوف يامن



    تضفي عليه عن البلاوي سدولها



    يصير في عيطا قوي حجاها



    تحجي وتذري من دخل في كفولها



    من طيبها ينسب لها عدة اسمى



    أسمى دواليب الدهر ما تزولها



    ذكرت منها البعض والبعض الاخر



    ما أوفي حروف رسالتي لين أقولها



    ذباحة الحايل ولطامة العدا



    حتى نعاتيت الطغاه إشهدولها



    قدم العدا نار قوي جحيمها



    وقدام وجه الضيف زين قبولها



    وإن جاهم الطرقي لقى العود والشبب



    ودلال رسلان تعاقب بدولها



    يكيف الضرمان خنة عبيرها



    أهل الكرم والمكرمات إتعبولها



    وكل السلوم الطيبه من سلومهم



    أسلومهم سارت ونالت قبولها



    كم اصلحوا من مشكله غير الاخرى



    الصلح من بين القبايل ميولها



    ربعي سراج الدين في ظلمة الجهل



    ما تمشي الا ما مشابه رسولها



    قلته وانا شاعر وامجد قبيلتي



    اللي من الحكمه ثقال عقولها



    والشاعر اللي ما يمجد قبيلته



    يا عنك ما ثمن مساع سعولها



    همه ليا غنى القصيد لمصالحه



    يا كل به العيشه ويعرف دخولها



    في مدح ربعه ما تدرهم قصايده



    وفي غيرهم محف سماري ذلولها



    ما يدري الدنيا رحى مستديره



    يمكن عليه تدور ما حال حولها



    واختامها مني صلاة على النبي



    شفيع الأمه يوم يزداد هولها
    ونعم بقبيلتي
    ونعم بكل القبايل والعذروالسموحه منكم


    وابي ردودكم (تقبلوو مروري الهادي )
  2. همسات بدوية
    05-10-2009, 08:15 PM

    قصيدة مدح في قبيلة عتيبه








    صح الله لسانك

    قصيده رائعه

    والنعم والله في ربع عتيبة

    من دون نقص بالقبايل الاخرى

    الله يعطيك العافية

    تقبلي أرق التحايا و أعذبها
  3. نوران العلي
    05-10-2009, 09:39 PM

    قصيدة مدح في قبيلة عتيبه


    بكل فخر انا عتيبيه ..
    قصيده جزله ..يعطيك العافيه
    والنعم منك ومن قبيلتك وكل القبايل والعرب
    مودتي ,,
    نوران فلسطين
  4. روري العتيبي
    05-10-2009, 09:47 PM

    قصيدة مدح في قبيلة عتيبه


    عاشت عتيبة ..كفو ربعي عتيبة من العارض ليا الحرة ..

    روووعة روووعة القصيدة ..وانتي اروع حبيبتي ..

    تسلمين ياقلبي ..
  5. رجه بس رزه
    06-10-2009, 06:45 AM

    قصيدة مدح في قبيلة عتيبه


    والنعم بعتيبه

    تسلمين يا قمرر
  6. طلال الحلفي
    06-10-2009, 07:29 AM

    قصيدة مدح في قبيلة عتيبه


    صح لسان الشاعر ..

    ونعم بقبيلة عتيبه اهل الوفاء والطيب..

    سلمت يمينك على النقل الرائع ..


    تحياتي لك ..
  7. طبيبه بيطريه
    06-10-2009, 07:47 AM

    قصيدة مدح في قبيلة عتيبه


    تسلمون حبايبي
    نورتو صفحتي
  8. كبرياء الكون
    06-10-2009, 08:13 AM

    قصيدة مدح في قبيلة عتيبه


    ذباحة الحايل ولطامة العدا



    حتى نعاتيت الطغاه إشهدولها


    ونعم بقبيلة العتبان وبكل القبايل

    صح لسان قايلها وناقلها
  9. والاس
    06-10-2009, 09:16 AM

    قصيدة مدح في قبيلة عتيبه


    يستاهلون العتبان

    ماضي وحاضر

    تحياتي
  10. د. تركي الحربي
    06-10-2009, 05:04 PM

    قصيدة مدح في قبيلة عتيبه


    ويناشد(ن) عنا ويا مشتهينا
    حنا عتيبه نصرة الحق والدين
    اطيب اسلوم(ن) للمراجل حوينا
    ولاينحكي هرج(ن) بليا براهين

    وسبعه انعام في الهيلا عيال عمنا شبابه وتسلمين على القصيده الرررررررروعه وماعليكم قصوووور
12