123

الإنسان / إما يؤثر .. او يتأثر؛؛‎

الموضوعات العامه التي لاتندرج تحت أي قسم من أقسام المنتدى ارسال إلى Twitter ارسال إلى facebook
  1. تخفي غلآها
    03-10-2009, 02:35 PM

    آلإنسآن / إمآ يؤثر .. آو يتأثر؛؛‎

    الإنسان / إما يؤثر .. او يتأثر؛؛‎


    { مدخل

    يارب تهديني قبل لحظة الفوت
    وتغفر ذنوبي ياكريم العطايا ..
    اشكيك هم داخل الصدر مكبوت
    وأيامي اللي بالخطايا ملايا ..!
    أنلاذ بك من كان طايع ومبخوت
    في من يلوذ المرتكب للخطايا ..!
    رحماك لامنا صحينا من الموت
    وإليا وقفنا عند بابك عرايا ..!




    ........... : اف ياربي احس حالي مخنوقه..!
    * : شفيك ؟
    .......... : مادري .. احس إني متضايقه مره
    * : طيب من ايش ؟
    .......... : مادري مافيه سبب
    * : وش مافي سبب !!
    اجل تدرين اكيد جايتك عين ..
    توني سامعه عن شيخ يمدحون قرايته على المعيونين
    < مسوية روحها فاهمه الحين /

    /


    من منا ماقد سمع هالحوار قبل كذا ..!
    او حتى في بعضنا قد عاش الوضع ..؟
    /
    /

    كثير مننا عايش هالحاله ومرينا فيها فترات .!!
    طيب ماقد فكرتوا ليه ؟؟ أو وش السبب ؟؟
    اغلبكم بيجاوب:
    مافي اسباب ..

    وانا أولكم!!
    بس حاولت ادور اي مسبب لهالضيقه المفاجئة
    اللي تجينا واللي في نظرنا انها من غير اسباب .!



    لاحظت اشياء كثيره احنا غارقين فيها
    لين صرنا نحسها عادي ..!
    من ضمن هالاشياء وهي اللي راح احكي عنها بهالموضوع ..!
    الاغاني !!
    مزاميرالشياطين ..!

    قال عليه الصلاة والسلام
    ( ليكونن من أمتي أقوام يستحلون الحر والحرير و الخمر و المعازف
    )
    /

    /
    انتم زيي ؟؟


    تحسون ان تعلق الناس للاغاني بهالفتره ..
    مو نفس تعلقهم فيها قبل كم سنة ؟؟



    * تلقون الواحد اول مايشغل جهازه
    اول شي يسويه يروح لمجلدات الاغاني ..!

    * يدخل النت
    ع طول يدخل ع المفضله يفتح مواقع الاغاني ..!
    لا واذا عجبتنا اغنية ..!

    : فلانه سمعتي اغنية المطرب الفلاني ؟
    اللي نزلت بالبومه الجديد ؟
    :لا ماسمعتها .. زين علمتيني توني ادري انه نزل البومه ..
    :اجل خذي اللنك اسمعيها يالمفهيه وعطيني رايك فيها ..


    << اللي يشوفها يقول هي مغنيتها
    يوم انها تحرص كل هالحرص انها تاخذ رايها


    * نغمات الجوال ..

    * نغمه انتظار الرد "صدى"

    الاغاني ماشيه و تدهر .. والملك يحسب ..
    فوق ما اننا احنا نسمعها قاعدين نسمع غيرنا
    زيادة ع ذنوبنا قاعدين نكسب ذنوب الخلق ..!
    لا ونجاهر فيها ..
    والرسول صلى الله عليه وسلم قال
    [كل أمتي معافى الا المجاهرون

    واحنا بالسياره بالجامعه السماعات ع اعلى شي اغاني ..!


    ماحد منا مايعرف حكم سماع الاغاني !! صح ؟؟
    ولاحد ينكر تحريمها ..!
    بس احنا غفلنا عن هالشي .!!
    او نقول تغافلنا وتساهينا عن الموضوع ..!

    طيب صح تناسينا حكمها ..!
    معقوله نسينا عقاب سامعها بعد !!؟
    رصاص مصهور يصب بالاذن !!



    /

    /

    خلونا نتخيل شوي ..!
    لو احد منا نقط عليه نقطه من صمغ المسدس الحار
    وش بيسوي ؟؟
    بيقوم الدنيا ولا يقعدها ..!
    طيب نتخيل هالمره شي اشد
    لو انكب عليك مويه مغليه او شاهي حار وش بيصير؟؟.
    استنفار كامل ..!

    فما بالك ب رصاص مصهور
    يغلي من حرارته ..!!
    ينصب داخل اذنك ؟؟

    تلقون كل واحد منكم لمس اذنه
    بمجرد انك تخيلت الموقف ..!

    //


    طيب ليه نسمعها ؟
    ناقصين ذنوب واثام ؟
    ولا متساهلين العقاب لهالدرجه؟
    وعشان ايش !!
    عشان ساعه ولا ساعتين اسمع بها كم اغنية
    تضيق خلقي وتغضب علي ربي .!!


    ربي ..!!!

    يالله ..!! سبحانك !!
    انعمت علينا ب نعم ما تحصى ..!
    وفوق هذا قاعدين نستغل هالنعم عشان نعصيك ..!!
    السمع ..
    نعمه مايحس فيها الا اللي فقدها ..
    قاعدين نستغله بغضبك يارب..!
    /

    /

    طيب ويننا عن القران ..؟
    نقراه..؟!!
    لا الحمدلله كويس مازال فينا خير ..،
    بس للاسف
    ماعرفنا انه مايجتمع القران والاغاني في قلب واحد ..!
    كلام الله سبحانه وكلام الشياطين ..!
    مستحيل تجتمع بمكان واحد ..!
    /


    /

    طيب فيه منكم بيقولون ..!
    لو تركت الاغاني ,، اللي حولي يسمعونها
    وراح اتأثر فيهم وأرجع ..
    راح اقولكم :
    الانسان
    في هالدنيا شي من اثنين :

    يا أما تتأثر بالناس ..!او تؤثر فيهم ..

    ليه امشي ع كيفهم وامشي معهم ع الغلط ؟
    ليش ماتكون الثانيه .. تؤثر فيهم ..!
    وفوق هذا
    تعلن لهم قرارك ..!
    وراح تكبر بعيونهم ..!
    حتى لو حكوا فيك
    من داخل انفسهم راح يعترفون انك انت اقوى منهم ..!
    ليه هم اللي ع غلط يكابرون ويجاهرون
    وحنا الصح نستحي ونخجل
    الحق معنا .. احنا الصح ..
    واذا فيه احد مفروض يستحي فهو : هم ..! /



    عندنا البديل ..!
    الحمد لله الاناشيد موجوده و متوفره بشكل كبير ..!
    بكل مكان بالنت .. بالتسجيلات كاسيت وسي دي ..
    بقنوات التلفزيون حتى ..!
    كنا نقول ماتجذبنا الكلمات الفصحى
    وطلعت اناشيد باللهجه العاميه وانتشرت بعنف ..!
    /

    /

    اتركوا الاغاني ...!
    اتركوا عنكم الهم و الضيقه ..!

    لاتقولون مانقدر ..!
    بالإصرار و إخلاص العزيمة انك تتركها عشان رضا الله ..!
    صدقوني بتقدرون ..!
    احنا اقوى من الشيطان و إقناعه لنا باننا مانقدر ..!
    ابعدوا كل شي يساعدكم انكم تسمعونها ..!
    الاي بود - الجوال - اللاب توب
    طهروها من الاغاني ..!
    ولو حسيتوا انكم ماتقدرون تستغون عنها مره وحده
    خذوها بالتدريج ..!

    زي حالتي اول ..!!
    حذفت النغمات لاني ماني ناقصه ذنوب غيري
    بعدها شلت اللي بالجوال عشان ماتثقل ع الجهاز
    بعدها جت من ربي و ضاع الايبود
    و قمت حذفت كل اللي بالاب توب ..!
    واخر شي حتى المواقع اللي بالمفضله حذفتها
    ولما قعدت حوالي شهر من حذف المواقع لقيت الايبود
    و ع طول سويت له تهيئه ..!
    وعبيته من الاناشيد اللي ماليه مجلدات اللاب توب (=

    تجربتي بعد تركي الاغاني :
    سبحان الله اول شي واهم شي
    * الضيقه اللي كنت احس فيها
    - طبعا بدون ظروف تمر فيني - زالت ولله الحمد
    * صارت ماتهمني الاغاني ابد ..
    بالعكس حتى اني اتكهرب منها لما اسمعها ك نغمه جوال احد
    او لما تجي ع التلفزيون .. ومن غير شعور القاني اكتم الصوت
    بعد ماكنت اول ماهتم اني اكتمه :)

    * صرت اناقش و انقد المبادئ اللي ماتعجبني
    وخاصه لما تكون شي في الدين
    من بعد ما كنت اطنش واقول بالطقاق

    خلونا نقرب من ربنا
    نتوب ونطلب عفوه ومغفرته..
    ونفكر بحالنا ونطلب جنته ..!
    تقربوا من الله وبتلقون قريب يمكم
    ..!



    ولاتنسوني من دعائكم

    إن اصبت في شي فمن الله

    وإن اخطئت فمن نفسي والشيطان ..!



    [LEFT • مخرج •

    حياتك لا تمللها
    من ذنوب تضللها ..!
    لأجل هذا ياباغي الراي
    على الطاعات بدلها
    بدلها على الايمان
    بدلها على الاحسان
    قبل وقت لا ينفع ندم
    ومعانق الاحزان ..
    بدلها ولا تسلى ..!
    وفرحه خافقك أولى
    بدلها وشد الحيل
    وشوف الدنيا كم تحلى
    [/LEFT]




    منقول من الايميل..!!
  2. aseefالغلا
    03-10-2009, 02:46 PM

    الإنسان / إما يؤثر .. او يتأثر؛؛‎


    يعطيك العافيه حبيتي

    كلمات في قمة الروووعه



    تقبلي مروري
  3. رشة عطر
    03-10-2009, 03:02 PM

    الإنسان / إما يؤثر .. او يتأثر؛؛‎


    بارك الله فيك..

    كلمات في قمة الروعه ....اعترف انه خانني التعبير لجمال ما قرأت ...


    ولكن من كل قلبي اقول ؛؛

    وفقك الله لكل خير وجعل الجنه مثواك وانار الله قلبك وقلبنا بالايمان وغمرها بطاعة الرحمن ..يالغلا..




  4. تخفي غلآها
    03-10-2009, 04:38 PM

    الإنسان / إما يؤثر .. او يتأثر؛؛‎


    المشاركة الأصلية كتبت بواسطة aseefالغلا
    يعطيك العافيه حبيتي

    كلمات في قمة الروعه



    تقبلي مروري
    الله يعافيك غلاتي...
    اسعدني تواجدك..!!
  5. ‏الإمبراطوره
    03-10-2009, 05:25 PM

    الإنسان / إما يؤثر .. او يتأثر؛؛‎


    جزاك الله خيرا اختي شموخ
    موووووووضوع رائع جدا ومؤثر جدا
  6. كتكوتة لزوزة
    03-10-2009, 05:28 PM

    الإنسان / إما يؤثر .. او يتأثر؛؛‎


    يسللللللللللللللللللللللللللللللمو
  7. ملك الآحساس
    03-10-2009, 05:28 PM

    الإنسان / إما يؤثر .. او يتأثر؛؛‎


    يعطيك العافية يا شموخي زلزلهم على الموضوع الرائع ونتمنا ان تواصل ولا تفاصل
  8. تخفي غلآها
    03-10-2009, 10:56 PM

    الإنسان / إما يؤثر .. او يتأثر؛؛‎


    المشاركة الأصلية كتبت بواسطة كل الهداوه والرقه
    بارك الله فيك..

    كلمات في قمة الروعه ....اعترف انه خانني التعبير لجمال ما قرأت ...


    ولكن من كل قلبي اقول ؛؛

    وفقك الله لكل خير وجعل الجنه مثواك وانار الله قلبك وقلبنا بالايمان وغمرها بطاعة الرحمن ..يالغلا..





    الروعه مرورك غلاتي...
    وياك يارب....والله يسعدك ويعطيك العوافي يارب...
  9. تخفي غلآها
    04-10-2009, 01:19 AM

    الإنسان / إما يؤثر .. او يتأثر؛؛‎


    المشاركة الأصلية كتبت بواسطة سمو الاميره s
    جزاك الله خيرا اختي شموخ
    موضوع رائع جدا ومؤثر جدا
    وياك غلاتي...
    يعطيك الله العافيه..
  10. فجر المحبه
    04-10-2009, 01:30 AM

    الإنسان / إما يؤثر .. او يتأثر؛؛‎


    كلمات قمه في الروعه
    سلمت يمينك غلاي
    على النقل
    يسعدك ربي,,,
123