((( احوال المجتمع )))

الشعر, قصيدة , شعراء, القصايد ارسال إلى Twitter ارسال إلى facebook
  1. طلال الحلفي
    30-09-2009, 07:29 PM

    ((( احوال المجتمع )))

    ((( احوال المجتمع )))


    عجزنا نقلب مواجعنا لعل الحظ يتبسم


    . . . . . هموم الوقت واتعابه وغلا الاسعار والطفره


    كريم الوقت بأجحافه يسوق المر والعلقم


    . . . . . بخيل الوقت بأنصافه سعادته دوم محتكره


    يتيم دمعته سالت مع الايام يتألم


    . . . . . حزين وقوته الميا وكسرة خبز مع تمره


    يناظر كل من حوله بيتكلم ومتلعثم


    . . . . . ينادي يايبه وينك ؟ دوام المدرسه بكره


    ولاحد به يواسي حالته حتى ولا يهتم


    . . . . . وصدى صوته يجاوب صرخة اهاته مع الحسره


    يلملم حزنه ويسكت وطول الليل ماتكلم


    . . . . . يتوه ويشهق همومه يئن بضيق مع زفره


    وكريم الوقت بظروفه كثير منه متظلم


    . . . . . فقير عزته نفسه ولا يملك سوى صبره


    اجار وقسط مطوف وحاله حالة المعدم


    . . . . . ديون مثقله ظهره ورعاية بيت مع اسره


    يناظر أول عياله متى بيكبر يشيل الهم


    . . . . . يورث له من الدنيا شقاه اللي كسر ظهره


    ترى رجلا بليا مال يسمى سيف متثلم


    . . . . . يقوله ( علي ابن حمري ) في شطر من قمم شعره


    وغريب الوقت باحواله شباب راح يتندم


    . . . . . شباب ضايع تايه غرامه ماركة عطره


    يتوه بضيعته لاهي على الانغام يترنم


    . . . . . يبذر ماله بيده ويهيم بعالم (السكره )


    وعجيب يا زمن حالك نشوف اوجيه تتبسم


    . . . . . وجيه من البشر لكن قلوب اقسى من الصخره


    هذي هي حالة التاجر كثير المال والاسهم


    . . . . . يصيف غرب (بالنمسا) ويروق لجو سومطره


    وختمت القاف وابياتي واقول الله بهم اعلم


    . . . . . لله في البشر حكمه عليم ونافذ امره



    ,,, اتمنى تنول على اعجابكم ,,,


    وسلامتكم ..
  2. $$ لحظه شموخ $$
    30-09-2009, 07:42 PM

    ((( احوال المجتمع )))


    وصدى صوته يجاوب صرخة اهاته مع الحسره


    يلملم حزنه ويسكت وطول الليل ماتكلم


    . . . . . يتوه ويشهق همومه يئن بضيق مع زفره

    . .. . . . . يصيف غرب (بالنمسا) ويروق لجو سومطره



    قصيده جميله جدا واقع الوقت حيل حلوه

    يسلمو تحياتى $$ لحظه شموخ $$
  3. طلال الحلفي
    30-09-2009, 07:43 PM

    ((( احوال المجتمع )))


    لحظه شمووخ يسلموو على المرور الرائع والرد الجميل ..

    نورتي الموضوع بمرورك المعطر ..

    تحياتي لك ..
  4. @@@فراولة@@@
    30-09-2009, 07:45 PM

    ((( احوال المجتمع )))


    صح لسانك واختيارك ..

    جميل ماخطت به اناملك .. عساك ع القوة ..

    لاتحرمنا من جديدك .. لاعدمناك ..
  5. رامونا
    02-10-2009, 03:39 AM

    ((( احوال المجتمع )))


    الله يعطيك العافيه
    لاهنت على النقل الجميل
  6. ام غمازات
    02-10-2009, 03:39 AM

    ((( احوال المجتمع )))


    طلال الحليفي
    هلا ومرحبا000
    صح لسانك مليووون ولا يكفوون000
    وتسسسسلم يمناك لاعدمناك 000
    احييك ع الذوق الراقي والحس العالي اللي تملكه000
    بس خيوو ياليت تكتب منقوول او اسمك اذا كانت لك عشان حقوق القصيده 000
    يعطيك العافيه 000
    تحياتي000
  7. طلال الحلفي
    02-10-2009, 03:42 AM

    ((( احوال المجتمع )))


    صحة ابدانكم وبعدين مهو منقل ..

    يسلمووو على المروور الرائع ..