يابن الغياب .. !

الشعر, قصيدة , شعراء, القصايد ارسال إلى Twitter ارسال إلى facebook
  1. ¬•,أنثى إستثنآأإئيه }
    29-09-2009, 03:40 PM

    يابن الغياب .. !

    يابن الغياب .. !


    هالليل : لمة عاشقين ، وأغاني
    ............. وامال ... ترقى للسما ... في سكينه

    وجه الطريق إيذم سمر المباني
    ............. تاهت مع الظلمه ... خطى عابرينه ؟

    جيتك مواجع في قصيدة عماني
    ............. وارث .. مخاف الله .... من والدينه !

    تعبث به إيدين الزمان : الأناني
    ............. وياما عتق في الثلث الاخر ... يدينه !

    أذكر حنين أمي ل صوت الأواني
    ............. ودلالنا : الصفر / الصغار / الحزينه ،

    ماكنها الا صبح عيد .. وتهاني
    ............. شابت وطاح بتربة الصدر ... تينه !

    قلت أعبر حدود الشقا / للأماني
    ............. وأقطف لها من بهجتي ... ياسمينه !

    كنت الفقير .. المغتني بالمعاني
    ............. طفل غرس في روض شكه | يقينه !

    هذا البلد : نورس حزين ومواني
    ............. فيه الغلابى ... يحتسون ... الغبينه !

    ماقسى من إنك لجل عينه | تعاني
    ............. غير الغرق وأقصى طموحك ( سفينه )

    يابن الغياب إللي يدك .. المحاني
    ............. كم قلت : برد الشوق ... ديني ودينه

    عطني من سنين المحبه .. ثواني
    ............. البعد جوع ... وقوت صبري عجينه !

    شفني حديث الناس قاصي وداني
    ............. شاعر : نسى يطفي ... سجاير حنينه !

    قلبه دلو واضلاع صدره | سواني
    ............. وجروحه الما ... والنخل رمش عينه !

    لو قيل جاني قول : من صار جاني
    ............. هي : سطوة الدنيا / رحيلك / سنينه ؟

    بعدك وحيد وغصن بلواي .. داني
    ............. ضميان عطف ... وصدة الغيم شينه !

    طل الشتا ولاجيتني ... وطل ثاني
    ............. وانا اخفي اوراق الأمل في خزينه !

    لا الصبح قادر ياخذك لي عشاني
    ............. ولا الدرب لك : بستان من قمح وطينه

    قلي : إذا مني برودك خذاني ..
    ............. كيف الدفى يطرق ...\ بيوت المدينه ؟



    نون




    الشاعر \ ناصر بن حسين . . . .
  2. طير القوافي
    30-09-2009, 06:07 AM

    يابن الغياب .. !


    قلبه دلو واضلاع صدره | سواني
    ............. وجروحه الما ... والنخل رمش عينه !


    لو قيل جاني قول : من صار جاني
    ............. هي : سطوة الدنيا / رحيلك / سنينه ؟


    بعدك وحيد وغصن بلواي .. داني
    ............. ضميان عطف ... وصدة الغيم شينه


    صح لسانك ولسان الشاعر

    مودتي
    طير القوافي
  3. روح soso
    30-09-2009, 07:39 AM

    يابن الغياب .. !



    كنت الفقير .. المغتني بالمعاني
    ............. طفل غرس في روض شكه | يقينه !



    صح لسانك ولسان الشاعر ,,.
    والله يعطيك العافيه ,,..