123456789

رواية / حكم القدر..كامله

قصة كاملة - رواية كامله جميلة للكاتبه ارسال إلى Twitter ارسال إلى facebook
  1. تلمح بنظراتي بقاياك
    28-09-2009, 06:17 PM

    رواية / حكم القدر..كامله

    رواية / حكم القدر..كامله


    كل شي مقدر و مكتوب

    وش مصير قدري

    تعالوا معي ...


    حكم القدر




    الجزء الأول


    كل شي منثور عالأرض ودور عالشي ضايع ..


    دخل عليها عمها سلطان: عبوره أنا خابرتك دفوره بس مو بهذا شكل ...

    عبير دمعة بعيونها: عمي ورقة تعبير الأنجليزي ضايعه ..

    سلطان يمسح دمعتها قبل ماطيح: عبوره استودعي الله ...

    عبير: استودعتك الله ورقتي التي لا تضيع ودعائه ..

    سلطان ببتسامة: طيب قومي معي ونرتب هالحوسه لي عملتها ...

    عبير ترد له الابتسامة: اوكيه ..

    بعد ما رتبوا الكتب واخيرا عبير حصلت الورقة: عمي حصلتها ..

    سلطان: يالله شدي حيلك وهالله هالله بشهادة ...

    عبير ببتسامة: إن شاء الله ...

    خرج سلطان بعد ماتطمن على بنت اخته .. ورن جوال عبير ..

    أمل: الو ..

    عبير: هلا والله اموله ..

    أمل: وشلونك وشلون دارسة وياك ؟؟؟

    عبير: حمدلله .. أنتي وشلونك ؟؟؟

    أمل: بخير ياقلبي يالله حبيبتي حبيت اخذ اخبارك .. أشوفك على خير ..

    عبير: تلاقين الخير ..


    خرجت عبير من غرفتها ونزلت تحت وشافت بصالة تلفزيون جدها عبد الكريم وجدتها سعيده سلمت عليهم ..

    الجد: علامك يابنتي مارقدت للحين ..

    عبير: قلت اسلم عليكم .. ومره وحده ارقد ..

    الجده سعيده بحنان: زين يا بنتي اكلتي لك شي ..

    عبير: ايه يالله تصبحون على خير .. وهي تسلم على راس ويد جدها و جدتها ..

    الجد و الجده: وأنت من أهل الخير ..


    صعدت عبير فوق لغرفتها .. دخلت الحمام الله يكرمكم وتوضت وصلت ركعتين ودعت من كل قلبها ..


    ياربي

    أنك تغفر لي وترحمني


    ياربي

    أنك ترحم أمي و أبوي


    ياربي

    أنك ترضى علي ..


    قريت من الورد اليومي وبسته وحطيته بالمكتبة ..طبقت شرشف صلاة هو وسجادة وحطيته بالمكان المخصص .. و

    نسدحت عالسرير وتخيلت أمي بجنبي تخفف همومي والامي ..

    ومن كثر ما اتخيل نمت ..


    0oOoOoOoOoOoOoO


    ساعة 7:00

    بتوقيت لندن وبتحديد في المطعم ..


    رازن: هيك يا رامي تعلقني فيك بعدها تتركني ..

    رامي: رازن أنا قلت لك من قبل اني جاي هنا لدراسة والحمد لله انتهيت منها .. وراح ارجع للسعودية لأنه راح ارتبط ..

    رازن: وأنا ببتركني وترتبط بوحده ثانية ..

    رامي: اوعدك إذا وصلت للسعودية راح اخبر امي واتجوزك ..

    رازن ببتسامة: صدق ..

    رامي: صدقين يا حياتي ..

    خرج رامي بعد ما طيب رازن بكلمتين وخلاها تذوب البنت خلقه ذايبه فيه ..


    بعد مرور يوم


    ترن

    عبير صحت من المنبه اللي صوته مزعج وطفته .. وشافت ساعة 5:57pm‏ دقيقة .. فزت من سرير وعلى طوال عالحمام صلاة الفجر فاتتها .. إلا صلاة ماتحب تفوتها .. بعد ما خرجت من الحمام خذت شرشف صلاة ... وصلت السنة والفرض .. وحصنت نفسها ولبست مريولها وشعرها اللي واصل لحد ركبتها .. مشطته ولفته وحطت المشبك .. ولبست جوارب وجزمتها الله يكرمكم .. وتلبس عباتها وخذت شنطتها وخرجت ..


    في صالة الطعام


    عبير ببتسامة تسلم كالعادة على راس ويد جدها وجدتها: صباح الخير ..

    الجد عبد الكريم: صباح نور .. تعالي افطري ..

    عبير بستعجال: مشكور جدي يالله عمي سلطان تراني تأخرت ..

    سلطان وهو يشرب مويه: مشينا ..

    بعد ما سلمت على جدي وجدتي أنا وعمي سلطان .. خرجنا وعلى طول عالسيارة ..

    عبير بخوف: عمي ادعي لي ..

    سلطان ببتسامة: الله يوفقك .. عبوره .. سؤال ما عرفتيه روحي للسؤال اللي ...

    عبير تقاطعه: ايه انتقل لسؤال اللي بعده وبعدها أرجع للي ماعرفته ..

    سلطان وهو يوقف سيارة: شاطره ..

    عبير تنزل: مع سلامه ..

    سلطان يبتسم لها: بالتوفيق يارب ..

    دخلت عبير مدرستها ..


    بشركة عبد الكريم و أولاده


    الجد عبد الكريم: ياسالم أنت درست المشروع زين ..

    سالم: ايه عمي بس يحتاج توقعيك ..

    الجد عبد الكريم: زين اتصل على الأستاذ مساعد ..

    سالم: إن شاء الله ..


    بعد ثواني دخل عليه ولده مساعد البكر: أمر ..

    الجد عبد الكريم: استريح .. وأنت يا سالم تقدر تشوف شغلك ..

    سالم: بالإذن ..

    الجد عبد الكريم: اسمع يا استاذ مساعد ابيك تدرس المشروع زين وإذا في أي اختلاءت تقدر تخبرني ..

    مساعد: إن شاء الله ..


    في مدرسة الثانوية المتطورة برياض


    صفاره تعلن عن دخول إلى لجان ..

    أمل: يالله عبوره ..

    عبير وهي تأخذ قلمها وأغراضها: يالله مشينا ..

    دخلوا وكل وحده من طالبات على لجنتها ..


    بعد توزيع الأوراق على طالبات .. الكل يحل .. واللي يفكر .. واللي يسرح .. واللي مو داري عن شي ..

    وأخيرا مرت ثلاث ساعات ... وعبير مترددة تسلم ورقتها .. بس بعد عشرين مراجعة راجعت على ورقتها كل شي تمام ... توكلت على الله وسلمت ورقتها ..

    خرجت من لجنة وهي مبتسمة وبطير من الفرحه .. ويضومنها صديقاتها ..

    عبير: ههههههههههه خنقتوني وخروا ..

    أمل ببتسامة: وخروا وخروا عن الأميرة عبير ..

    بعدوا البنات عنها وحضنتها أمل: ها كيف الاختبار اليوم ؟؟؟

    عبير ببتسامة: الحمدلله .. أنتي كيف حليتي ؟؟؟

    أمل: أكيد ..

    بعد مرور ساعتين من هبال البنات .. اللي تهرج وتكتب بالمذكره .. واللي تسولف واللي تغني عبير داخت منهم ..

    عبير وتشوف بساعاتها: اوف ساعة 11:00 تماما ...

    بهاء: عبوره والله راح توحشيني ..

    عبير: وأنا أكثر ..

    وسلمت على كل وحده فيهم ... خرجت وأنا مصدعه راسي شوي وينفجر ..

    عبير وتدخل سيارة: سلام ..

    سلطان: هلا والله تو مانورت سيارتي ..

    عبير: منوره بوجودك ..

    سلطان: ها بشري كيف الاختبار ؟؟؟

    عبير: حمد لله ..

    نامت عبير وهي تقول لعمها هممممم ...

    سلطان: عبوره اصحي عبير وصلنا البيت ..

    عبير: اوكيه ..


    دخلت الفيله سلمت على جدتي وطلعت فوق بغرفتي بدلت ملابسي ولبست بجامه مريحه للنوم لونها وردي أعشق هاللون لدرجة غرفتي لونها وردي ..

    وانسدحت يوم شفت المكيف بارد نمت ومدري شلي صار بدنيا من كثر تعب نمت ..


    في رياض بمطار الملك خالد


    رامي توه وصل لدار سلام ..

    واستقبلوه أبوه أحمد .. وعمه سلطان .. وشباب يحيى .. وياسر .. ومشعل .. وضاري .. وأخوه سامي ..


    رامي يحضن أبوه: وحشتني يبه

    أحمد أبو رامي الولد ثالث ل عبد الكريم: والله أنت أكثر ...

    بعدها استلموه شباب حضن وتصفير الخ ... .


    خرجوا من المطار .. شباب بسيارة .. ورامي وسلطان وأحمد بسيارة ثانيه .. وكلهم متجهين فيله الجد عبد الكريم ...

    وصلوا عاد تعرفوا شغلة الحريم انت ليه تأخرت وليش ما اتصلت علي ومافي سفره ثانيه ومن هالحكي ..

    دخل رامي يبي يروح غرفة عمه سلطان .. صعد فوق بس فجأة ...


    انتهى الجزء الأول


    وش اللي تفجأ منه رامي ؟؟؟


    راح نتعرف من خلال متابعة الجزء الثاني ..


    غلاتكم:

    عبوره الأموره ..



    الجزء الثاني


    فجأة انصدموا ..

    رامي مبهت وفاتح عيونه ولا إرادي نطق: أنتي ملاك ربي نزله من سماء ..

    عبير توها تستوعب أنها ما معها لا طرحه ولا غيره .. والميصبة لابسه بجامه هربت بسرعة ...

    رامي: ظاهر إني احلم .. دخلت غرفة عمي .. اوه متغيره كليا .. بس أثاثها أزرق مع فضي .. مره حلوه .. دخلت الحمام الله يكرمكم وتروشت .. يوه أحس براحه فضيعه ..

    خرجت وأنا لابس ثوب سعودي مع شماغ اليوم بسون ذبايح وعزيمة غير شكل وسرحت في الملاك اللي شفته والله العظيم قمر حتى احلى من القمر .. خرجت إلا وننصدم مرة ثانيه ..

    عبير قامت بس طاحت علي مرة ثانيه لأنو شعرها متعلق بزر ثوبي ..

    عبير: ايي ايي شعري اترك شعري ..

    شماغي طاح وتصنمت يوم شفتها: والله أنك قمر .. حتى القمر قليل بحقك ..

    عبير وجهها الله يرحمه: شعره قطعته اتركني ..

    قطعت شعرها ..

    عبير لا إرادي صرخت: ايييييييي .. بتقوم لكن طاحت علي مرة ثالثه بحضني .. جاتني ضحكه بس مسكت عمري .. يوم شفت وجهها صار كرتون الألوان قيمتها معي .. وماصدقت خبر شردت ..


    ههههههههه هههههههههه هههههه

    نزلت تحت وقابلت أختي أروى البنت الوحيده ل أحمد ...

    أروى: اعترف من وين سر هالأبتسامة ..

    رامي يبتسم لها: سر المهنة .. وين زوجك المخرف ؟؟؟

    أروى تضربه عالكتفه: زوجي المخرف ...

    رامي تذكر الموقف وضحك : ههههههههه هههههههههه هههههه

    أروى غصب عنها ضحكت: هههههههه وش فيك ؟؟؟

    رامي حس على نفسه: ها ولاشي ..

    استغربت منه وصعدت فوق بغرفة عبير ..


    عبير بعد الموقف دخلت غرفتها وقلبها يدق كأنه بيطلغ من مكانه دخلت عليها أروى ...


    عبير: أروى قلبي قلبي ..

    أروى بخوف: وش فيك عبير ؟؟

    عبير تأخذ يد أروى: اسمعي ..

    أروى: ههههههه ظاهر بيظهر من مكانه ..

    عبير ضمتها: وحشتيني ..

    أروى: هههههههههههه وربي أنتي أكثر .. يابنت وش الحلاوة ولابعد لابسه أحمر .. من تبين طايحن اليوم ..

    عبير: كلكم ..

    أروى: ههههههههه ياشين الغرور ..

    عبير بجدية: مو غرور يا ماما .. بالعكس ثقة بالنفس ..

    أروى: أموت على ثقة أنا ..

    عبير: أروى ..

    أروى: هلا ..

    عبير: اليوم أحد جاء ..

    أروى بخبث: ياكثرهم ما شاء الله ..

    عبير: يالله عاد منهم ..

    أروى ببتسامة: أولهم أخوي رامي جاء من لندن ..

    عبير في خاطرها: يعني اللي انصدمت معه هو ماغيره ..

    أروى: يا هو وين سرحتي ؟؟؟

    عبير: ها معك معك ..

    عبير بخبث: ايه واضح .. أقول عبير ..

    عبير: هلا ..

    أروى: شفتي رامي ..

    عبير وجهها صار دهان احمر ...

    أروى: هههههههههههههه فديت اللي ينخجلون ..

    عبير ترمش بتوتر: أروى ..

    أروى: ههههههههههه زين امشي لا تنط علينا خولة وبعدين وش فكنا من لسانها ..

    خولة: وش فيه لساني مدام أروى ؟؟؟

    أروى: يقطر عدل ..

    خولة: احسب بعد .. وحضنت عبير.. عبوره وحشتيني يا المفعوصة ..

    عبير بزعل: مفعوصة بعينك ..

    خولة: فديت بنت عمي اللي تزعل ..

    أروى: عبوره انتي وقت الاختبارات ما تأكلين ..

    عبير: إلا والله بس من الخوف ورهبه انقص 5 كيلو ..

    خولة: غصب وبعدين وش الحلاوة ..

    عبير: تسلمين أنتي اللي محلوه ..

    خولة: عيونك الحلوة ..

    أروى: زين يالله مشينا تحت ..


    بمجلس الرجال


    مشعل: هلا والله برامي تو مانورت السعودية ..

    رامي ببتسامة: بوجودكم .. ويسرح ..

    ياسر: ظاهر الحبيب سرحان ..

    سلطان: رامي رامي ..

    رامي: ها وش صار ؟؟؟

    الشباب: هههههههههههه ههههههه

    رامي: وش فيكم ؟؟؟

    ضاري: ما عليك فيهم وخلنا نخرج ..

    رامي: مشينا ..

    خرجوا وصلوا للحديقة ..

    ضاري: وش فيك كلك سرحان ؟؟

    رامي: ظاهر وقعت في شبكة الحب ..

    ضاري: ههههههه ومن هذاي سعيدة الحظ ..

    رامي: عبير ..

    ضاري: بنت عمي حمد الله يرحمه ..

    رامي: ايه .. تصدق ودي ارتبط بها اليوم قبل بكره ..

    ضاري: ههههههه انتظر تخلص من اختبارها .. وبعدها ارتبط فيها ..

    رامي: على ما اعتقد هذا اخر اختبار لها ..

    ضاري: لا باقي اختبار القدرات ..

    رامي بتنهيده: الله يوفقها ..

    ضاري: والجميع إن شاء الله ..


    بعد العشا و السوالف

    بصالة تلفزيون عبير فرحتها ماكملت لأنها مستهمه القدرات

    لما: عبوره وش فيك شايله هموم دنيا على راسك ...

    عبير ببتسامة بهاته: مستهمه القدرات ...

    سحر بحنيه: يا قلبي لا تستهمين خليها على ربك ...

    رغد: عبير عمو أحمد يبيك ...

    عبير: اوكية قامت عبير من مكانها ... وشوي إلا يناديها سلطان: عبوره تعالي هنا ...

    عبير راحت صوب عمها .. ودخلت مجلس الرجال ... تفجأت بعمانها مسوين حفلة لها دخلت والاستريو اللي يغني بغنية

    haapy pe zee te you


    لا إرادي حضنت عمها سلطان وبكت اليوم عيد ميلادها اليوم كملت سنة بدون امها و ابوها تمنت أنها تشوفهم لو ثواني .. بس من شافت نظرات جدها على طول حضنته وبكت تصدقون ماقد بكيت مثل الحين فرغت دموعي كلها بحضن جدي .. وبعدها حسيت بعمري .. بعدت من حضن جدي وسلمت على عمي مساعد وعطاني هديتي وبعد سلمت على عمي أحمد وسعود وعطوني هديتي .. طفيت شموع وقطعت الكيك .. واكلنا من الكيك و العصير .. قعدت معهم شوي وبعدها خرجت من مجلس رجال ما دريت إلا وراسي منصدم بجدار وبدون شعور طاحت الهدايا من يدي وراسي يئن من الألم ..

    رامي بقلق: أنا اسف ..

    عبير: عذرك مو مقبول ... أنت ماتشوف طريقك ..

    رامي بسخرية: أنا ولا انتي يا اخت ...

    عبير بنفعال: لو سمحت أنا مو باختك ..

    رامي بدون شعور نطق: تصدقين على بالي زوجتي ..

    عبير بعصبية: اصلا ما يشرفني اني اكون زوجتك ..

    رامي: ههههههههه ..

    يبي بس يستفزيني خذت الهدايا وفي هدية قريبة منه: الله يشيلك هذا وقتك .. بمد يدي لكن هو مد يده أسرع ..

    وجهي تبخر بقوم بس ساعدني رامي عالوقوف يعني لو احد يشوفنا بهالموقف يفسرون شي ثاني ...

    طلال: احم احم ... نحن هنا ..

    على طول شردت لغرفتي لدرجة نسيت شي اسمه هدايا ..

    ياربي الحين وش يفكني من طلال أكيد راح يفهم غلط .. ياربي ..

    دخلت علي أروى: وش فيه الحلو سرحان ...

    عبير: ابد ولاشي ...

    أروى: عيني بعينك ..

    عبير ما ناظرت ب أروى ما درت إلا وتحكيها الموقف وكأنه حصل توه ..

    أروى: ههههههه يا حليله طلال اثره يحب بنت العم ..

    عبير بعصبية: أروى ..

    أروى تضحك و جوالها يرن ردت وخلته عالسبيكر: هههههههه هلا رامي ..

    رامي: على شنو تضحكين ..

    عبير يوم سمعت حسه وجهها احمر وعيونها ترمش بسرعة ..

    أروى: هههههههههه على بنت عمك هالخبلة عبير ..

    رامي: هاي حدك عاد إلا زوجتي لا اقوم عليك ترى قول و فعل ..

    عبير بطنها مغصها من سمعت هالكلمة شردت للحمام ..

    أروى: هاي عامل لي روميو أنت ... البنت بتموت وسبه أنت ...

    رامي: وش تخرفين أنتي ...

    أروى: أقول مع سلامة ..

    رامي بعصبية: أروى عبير وش فيها ؟؟؟

    أروى: البنت انحرجت يوم سمعت كلامك فهمت الحين ...

    رامي ببتسامة: أها أروى حبيبتي ابيك تجسين نبضها ..

    أروى: إن شاء الله من عيوني ..

    رامي: ايه صح خلي شغالة تنزل وتاخذ الهدايا ...

    أروى: ههههههه أنا اللي بنزل دقائق ... باي ..

    رامي: باي ..

    أروى راحت صوب الباب: عبير

    عبير بخجل: وش تبين ؟؟؟

    أروى: بصراحة مو أنا اللي أبي .. رامي يبي يرجع للندن عشان يتجوز من هناك ..

    عبير خرجت: احد ماسكه يتجوز ..

    أروى بخبث: بتتركينه .. ولا تبين طلال ..

    عبير ما زال وجهها أحمر: طلال مثل أخوي ..

    أروى ببتسامة: و رامي ...

    عبير تعلثمت: ها شنو قلتي ..

    أروى: من قال ها سمع ..

    خرجت أروى .. وعبير تفكر في كلامها .. يوه وش دهالكلام عبير .. لسه بدري عالزواج .. ظاهر هالرامي لاعب بعقلي ..

    أروى نزلت لأخوها: ابشرك نبضها ممتاز ..

    رامي ببتسامة: صدق ..

    أروى: ايه على ما اعتقد سويت اللي علي ..


    أنتهى الجزء الثاني


    تعتقدون طلال بيخبر أحد على الموقف اللي شافه ؟؟؟

    وهل عبير تكون من نصيب رامي ولا ، لا ؟؟؟


    OoOoOoOoOoOoO

    أمانة عالردود الحلوة ...
  2. *مزون شمر*
    28-09-2009, 07:19 PM

    رواية / حكم القدر..كامله


    الله يعطيكي العافيه
    متابعينك ان شاءالله
  3. تلمح بنظراتي بقاياك
    28-09-2009, 07:50 PM

    رواية / حكم القدر..كامله


    تسلمين

    ثانكس فور يو

    ابي ردوووووووود أكثر
  4. *مزون شمر*
    29-09-2009, 12:58 AM

    رواية / حكم القدر..كامله


    عزيزتي
    انت تنزلين اكثر من روايه وتبين ردود ومتابعه
    ركزي على وحده حتى نتابعك
    ونرد عليكي
    ياليت تكملينهم بسرعه حسب القوانين
    ولك كل الشكر
  5. تلمح بنظراتي بقاياك
    29-09-2009, 03:00 AM

    رواية / حكم القدر..كامله


    مزون شمر

    راح اكملها وراح التزم بالقوانيين

    لككل ودي
  6. روح soso
    29-09-2009, 06:58 AM

    رواية / حكم القدر..كامله



    الله يعطيك العافيه ,,
    ننتظر التكمله ,,.
  7. *مزون شمر*
    02-10-2009, 02:15 AM

    رواية / حكم القدر..كامله


    مشكوره
    ننتظرك
  8. تلمح بنظراتي بقاياك
    06-10-2009, 12:00 AM

    رواية / حكم القدر..كامله


    اسفة ماعليه

    بس إذا انهيت راويتي الأولى

    راح اكمل لكم قصتي ثانية
  9. *مزون شمر*
    06-10-2009, 12:04 AM

    رواية / حكم القدر..كامله


    طيب غلاتي
    راح اعطيك فرصه بس لاتطولين علينا
    موفقه
  10. *عبير الزهور*
    19-10-2009, 10:54 PM

    رواية / حكم القدر..كامله


    مشكوره
    متابعه لك
    و ربي يوفقك
123456789