اليوم الوطني... للمملكه العربية السعودية
اول شي اسمعوا المقطع وبعدين انزلوا...
............................
صباح / مساء الخير والامن والامان ياوطني الحبيب ..
يوافق يوم غدا الاربعاء 4 / 10/ 1430 ه
اليوم الوطني للمملكه العربية السعودية
كل عام وأنت بخير ياوطني
كل عام وأنت وطن الاسلام
كل عام وأنت وطن الخير والعطاء والحب والنماء ..
بمناسبة هذه الذكرى العزيزة علينا ..
أرفع أسمى التهاني والتبريكات ..
لمقام سيدي ووالدي خادم الحرمين الشريفين الملك عبد الله بن عبد العزيز ال سعود حفظه الله ..
وإلى ولي عهده الامين صاحب السمو الملكي الامير سلطان بن عبد العزيز ال سعود حفظه الله ..
و الأسرة المالكة
وللشعب السعودي الكريم كافة ..
حفظك الله ياوطني الحبيب من كيد الكائدين وعبث العابثين ..
حفظك الله شامخا ابيا ..
يالله ياللي كلنا نلتجيبه = يا خالق رازق رحيم ورحمان
يالواحد اللي لا ولد لا صحيبه = تغفر ذنوبي كلها سر واعلان
وفق ضمير كل جزل يجيبه = مثايل توزن على كف ميزان
الشعر ياهل الشعر وش حاجتيبه = اليا قصر في واجبه نحو الأوطان
اليوم يوم للوطن نحتفيبه = يبقى لنا ذكرى على كل الأزمان
ذكرى المليك اللي جمعنا بطيبه = من بعد ما كنا خصوم وعدوان
عبدالعزيز اللي كسا الدار هيبه = سطر لها في صفحة المجد عنوان
في مثل هذا اليوم قاد الكتيبه = كتيبة الشجعان ذربين الأيمان
ستين تعداد الرجال الصليبه = في وصفهم ماني مبالغ وغلطان
سارو وعين الله عليهم رقيبه = ليل ونهار ومن مع الله ما هان
خامس شهر شوال صبح حريبه = وعيده في خامس عياده بشامان
نادى المنادي في الرياض العريبه = الحكم لله ثم لك يابن ((مرخان))
واصل كفاحه دون شك و ريبه = من حدها الشرقي اليا حد نجران
على الرضا و الدين كل رضيبه = حتى غدينا كلنا ربع واخوان
في دارنا في مملكتنا الحبيبه =بالروح نفداها شباب وشيبان
اليوم في ذكرى بعيده قريبه = نستذكر الذكرى بشكر وعرفان
بقيادة اللي له فعول صعيبه = هذاك ابو متعب سلالة كحيلان
انا اشهد انه عز من يعتزيبه = وانا اشهد انه للوطن طود واركان
ولي عهده له يدين رحيبه = للجود جود وللوطن درع وامان
الحلم طبعه و التواضع نصيبه = ولاجا نهار الحرب للحرب سلطان
واختامها عد الغصون الرطيبه = اللي تمايل في شجر كل بستان
صلوا على اللي كلنا نقتديبه = محمد المبعوث من نسل عدنان
مساحه حره لكم ايها الاعضاء الكرام..
للتهاني والتبريكات ..
لمشاعركم تجاه هذا الوطن الغالي
