انصحني بس لا تجرحني

حوارات ونقاشات جميلة - الاختلاف في الرأي لايفسد للود قضيه ارسال إلى Twitter ارسال إلى facebook
  1. جريحة آلوقت
    22-09-2009, 07:54 PM

    انصحني بس لا تجرحني

    انصحني بس لا تجرحني


    مرحبا
    صباحكم / مسائكم غلا ..
    .
    .
    اتمنى من الجميع قبل لايكتب اي رد يراعي مشاعري
    ويحترم ذاتي ... يعني اللي ماعنده شي يفديني ياليت يسكت
    <<<<<<<<<<لاتستغربون من اسلوبي بس يمكن هذا المنتدى المليون اللي اطرح فيه مشكلتي
    وياخذونه بطريقه سخيفه وبا استهتار شديد
    انا ما ابي منكم شي غير <<<نصيحة اخ/اخت للأخته...
    راح اسرد لكم قصتي با اختصار::::::::::::::::
    .
    .
    ابو محمد
    هو اول واخر رجل عشقته
    وثاني رجل احضنه بعد ابوي واحس با امان
    يصير ولد عمي ربيت بحضنه كان ومازال لي الاب والاخ والصديق
    بس زادت صفه وحده لما كبرت وهي الحبيب
    فرق الاعمار بيننا حيل كبير بس عمره ماشكل علي او هز شعره
    لاني اعشقه بكل مافيه ..
    عمره
    7
    7

    7
    7
    تقريبا 35 سنه وانا عمري 19 سنه
    صدمه صح ^__^
    بس امووووووت على ثرى الارض اللي يطى عليها
    وفيه صدمه ثانيه بس استنو خل اتكلم لكم عنه
    شوي.. .. ..
    هالشخص عذبني عشقه الا قولو موتني
    والمصيبه ادري انه يعشقني اكثر مني
    تدرون وين مشكلتي ..وليه ماقدرت حتى انساه او اتناساه
    لاني تعبت ادور فيه عيب واكرهه لأجله

    ليته راح وخانني ويروح بذنب الخيانه
    ليته كذب علي ويصد عنه القلب
    ليته لعب علي واكرهه لانه لعاب
    ليته جرحني ..
    .. ذبحني صدقه ووفاه ذبحني عشقه المفضوح
    وصوته المبحوح وكلامه اللي من عقبه عشقت الصمت بعد ما اختفى حسه
    اه ياوين ذاك الزمان ..
    وياوين ذيك الليالي .. تعالو بسترجع معكم احداث قصة حب دام له 18 سنه




    البدايه ..
    في اليوم الواحد والعشرون في الشهر السادس لسنة 1412 ه
    انا انولدت وانولد معي حبه .. هههه هذا اذا ماكنت اخطط اني احبه وانا في بطني امي ..
    طفله حالها حال غيرها ... بس فرقها عن هالخلق كانت عاشقه وهي طفله
    على ذمة الناس كنت ماغيب عن حضنه وحده يلاعبني ويضمني لصدره حييييييييل يهتم وهو مايدري مسكين بيطيح بشباكي
    كان شاب ابفهم اللي كان بعمره ليش يقعد بالبيت عشان طفله؟؟؟!
    علقني فيه اصلن كنت ماشوف غيره لاني من وعيت على الدنيا كبرت بحضنه ولما بديت اميز لقيته قدامي
    يالعنبوووه بس بفهم كيف علم طفله انها تعشق !! من صغرها وهي ماتدري انها عاشقه
    خخ تدرون لاقعدت اتذكر حركاتي وانا بزره اضحك على نفسي واقول والله اني كنت بزره بس ملكعه
    بس وقتها ماكنت ادري ان هذا اسمه عشق كنت اتصرف بكل عفوية الطفوله ..
    يعني مثلا .. لما اكون العب ومنسجمه بلعبتي ويجيبون طاريه
    والتفت بقووووه << ماكنت ادري انه عشق
    ولما يتصل وينادوني واجي طايره بكلمه ماكنت ادري ان هذا شوق
    ولما يجي من السفر وماروح اضمه واتحراه هو يجيني ماكنت ادري انه ثقل وتغلي
    ولما يكون نايم ذاك اليوم ومايلعب معي ولما يصحى ما اجيه
    ماكنت ادري ان هذا عتب
    ولما كنت اغلي واحترق لما يجلس مع الرجال او يلاعب البزران ماكنت ادري ان هاذي غيره
    ولما يروح مشوار واقعد اتحراه ماكنت ادري انه انتظار
    ولما اروح اتعلم للساعه وانا بثالث ابتدائي ماكنت ادري ان هذا اهتمام
    ولما يجي يودعني واضيق ماكنت ادري انه حزن
    ولما احبس دموعي عنه ماكنت ادري انه مكابر
    بس ياكيف علمني اعشق وياكيف قدر يروض احاسيس طفله
    .
    تدرون وش اكثر شي كان يذبحني ؟؟1
    لما يناديني ويوقف ويثني رجوله ويصير طولي وقدامي ويضمني ويبوسني ويقول:: انا بمشي تبين شي !!

    تذبحني هذيك الابتسامه وارد بعفوية الاطفال..
    لا مابي شي ..
    يالله مع السلامه
    ويروح ويسكر الباب ..
    واوقف نص ساعه ساكته عندي امل يرجع لين اسمع صوت السياره
    والبس القناع وابتسم وادخل على اهلي وانا مستانسه
    كلهم بضحكه يطالعوني ويقولون ::
    راح
    ارد ايه راح .. واسكت لانه علمني الكتمان !!
    تدرون وش اكثر موقف اذوب عنده
    لما كان يناديني ويجلسني بحضنه وجهي عند وجهه ويسولف اذكر زين وشلون كنت استحي واصد ماقدر اطالع عيونه ههه
    كنت اقرأ بعيونه سالفة عاشق وادري انه يحبني بس( انا بزر ما افهم ) هذا كان عذري ..
    اتذكر...
    لما كنا كلنا نسهر للفجر وهو يقعد يسولف وينكت وكل كلمه يقولها يطالعني ... واضحك<<<<<< تراك ماكنت تضحك بس لاني احبك اضحك
    يصلون الفجر وكلن يروح غرفته الا انا
    يقول لي روحي نامي اقول مابي نوم >>اكذب ميته نوم بس مابي اروح ابي اقعد عنده
    لين يتغافلني النعاس ويوديني غرفتي اذكر
    كنت ما اشبع منه !!
    ..
    كنت اعشقه ولا كنت افهم اللي بداخلي له ........!
    لين كبرت وفهمت كل شي وصارحني بحبه ..
    اللي اساسا كان مفضوح والكل يدري به حتى امي وابوي
    وعرض علي الزواج وهالكلام ار له سنه تقريبا وهو للحين ينتظر مني رد
    والله لو اكتب من هنا لبعد 100 سنه ماوصفت ربع حبي اللي بقلبه
    ......
    اكيد تبون تقولون تزوجيه ...
    بس فيه مشكله جدا كبيره
    الرجال كان متزوج وانا تقريبا بثاني ابتدائي وطلق زوجته اللي ما كان يحبه او يحسه زوجه
    وبعد 10 سنين طلاق اضطر انه يرجعها عشان عياله
    وهي الحين عايشه معها وعياله اعمارهم تقريبا 13 سنه وواحد 12 سنه وبنت ماكملت شهر
    يعني لو بقرر اتزوجه بيكون فيه احد يشاركني فيه وانا بصراحه ما اتحمل هالشي
    وبنفس الوقت احبه وهو اكثر وصعب ابعد عنه ...
    ولا ادري وش الحل !!!!!!!!!
  2. جريحة آلوقت
    22-09-2009, 07:57 PM

    انصحني بس لا تجرحني


    امممممممممممممم نسيت اقولكم
    اللي حاب يوافيني بالمسجات الخاصه ماعندي اي مانع
    اذا ما وده يقول رأيه هنا
  3. راعي البيج
    22-09-2009, 08:20 PM

    انصحني بس لا تجرحني


    السلام عليكم
    انا اشوف انك مالك ذنب باتاتا
    الذنب ذنب اهلك اللي حرموك من الحنان وخلوك تبحثين عنه في مكان اخر ولا تنلامين هو الملومين ماعرفوو يربوون بنتهم وهذا واضح من القصه اللي كتبتيها ..! يضمني ! يبوسني ! يناديني! يظحك في وجهي ! يقولي روحي نامي ! يقولي ياحلوه طول القصه كانوو اهلك غايبين مالهم أثر وينهم انا مدري؟؟
    الله لايبلانا امين

    عطيني رقمه وانا بكلمه يتزوجك الشرع محلل له اربع وانتهت القصه لاعاد تحطينها في منتديات اخرى

    تشاو
  4. NATACHA
    22-09-2009, 08:32 PM

    انصحني بس لا تجرحني


    يسلمووووووووووووووووووووو
  5. وش الدنيا من غيري
    22-09-2009, 08:35 PM

    انصحني بس لا تجرحني


    أهلين حبيبتي الحب هذا شي لا بد منه يعني كل بنت تحب أو تضحك على نفسها و تقول أحب بس مو كل من حب تزوج اللي يحبه أنا أحب واحد و يموت فيني بس تدرين ليه ما ابيه لأني حسيت مستقبلي معاه راح يضيع
    فكري بمستقبلك لا تفكرين باليوم فكري باللي عقبه و اللي عقبه و شلون بتاخذين واحد متزوج و عنده عيال و هو يحب عياله بدليل رجع مرته عشانهم بعد 10 سنين و حتى لو طلقها برجعها عشان عياله تقدرين تقعدين يوم معاه و يوم من غيره و حتى لو قعدتي معاه باله مشغووول بعياله و كل شوي يسأل عنهم من وجه نظري أتناسيه و قوليله انت مثل أخوي ( حتى لو كانت قويه عليكي ) بس هذا الأفضل و صدقيني بجيك غيره و احسن منه و بتحبيه مع الوقت ما قلت لك هذا الكلام الا لأني احبك
    تقبلي مروري
  6. حره على كف صقار
    23-09-2009, 03:17 PM

    انصحني بس لا تجرحني


    سردك بالقصه رائع اختي ووضحتي كل شي تقريبا لذلك اختي انا ابعطيك اياه الحل اللي يجمد على الشارب
    والله صعب تاخذينه
    اولا العمر فارق كبير ولو تقدم به هالعمر وكبر بتكوني لساتك صغيره وهو كبر
    يعني لو جا عمره 50 تقريبا انتي راح يكون عمرك 34 سنه تخيلي والله صعبه هذي حياة
    فكري لقدام خلي العواطف خاصه هو متزوج كيف بالله على حبك هذا كله راح تتحملي الغيره كيف
    وراح يجيك نصيبك بس مشكلتنا لمانواجهه مشكله نحط ببالنا احنا مراح نقدر نحلها مع انك لو رسمت ببالك انك راح تقدرين صدقيني تقدرين انصحك تاخذي نصيب غيره هذي حياة والاتظني الزووواج كله حب ورمانسيات تراه مسؤوليه ومعاناة
    عمرك 19 حاليا ومرهونه تقريبا اكثر شي لعواطفك يعني مازلتي بالمراهقه لذلك اخذي نصيحتي انا انا عمري 23 سنه يعني يمكن اكون تعديت المراهقه واعرف سنك صح ايش يصير فيه
    ابيك تفكري عدل وتسألي اي اخصائيه عندك المشايخ كثير وعندك ارقام كثير للارشاد تتصلي عليهم ويخبروك الحل
    وهنا راح الكل يعطيك راي وينلحس مخك
    الله يوفقك اختي ويرضى عليك
  7. جريحة آلوقت
    23-09-2009, 06:17 PM

    انصحني بس لا تجرحني


    المشاركة الأصلية كتبت بواسطة فهدنا
    السلام عليكم
    انا اشوف انك مالك ذنب باتاتا
    الذنب ذنب اهلك اللي حرموك من الحنان وخلوك تبحثين عنه في مكان اخر ولا تنلامين هو الملومين ماعرفوو يربوون بنتهم وهذا واضح من القصه اللي كتبتيها ..! يضمني ! يبوسني ! يناديني! يظحك في وجهي ! يقولي روحي نامي ! يقولي ياحلوه طول القصه كانوو اهلك غايبين مالهم أثر وينهم انا مدري؟؟
    الله لايبلانا امين

    عطيني رقمه وانا بكلمه يتزوجك الشرع محلل له اربع وانتهت القصه لاعاد تحطينها في منتديات اخرى

    تشاو
    وعليكم السلام ...
    اول شي احب اوضحه لك اني ولله الحمد وحيدة امي وابوي ومدلعه اخر دلع
    واهلي يحلفون برأسي ومن ناحية الحنان ياربي لك الحمد ما اعاني ابد ابد من هالمشكله بالعكس معطيني اللي يوزع على ديره بحاله
    وثاني شي ياحبذا انك تراعي الفاظك قبل لاتتكلم ..
    انا متربيه احسن تربيه ومو محتاجه تقيم حضرتك للاخلاقي
    ..... ام من ناحية يضمني ويبوسني والخ
    هالكلام كان لما كنت صغيره يعني ماتعديت ال11 سنه
    وبالعكس كأن يتعامل معي بصفاء نيه وقدام الكل ..
    اما من ناحية ان اهلي مالهم دور بالعكس الكل يدري بغلاي له من يومني بزر
    ويشوفون لهفتي له وكل شي كان على المكشوف ومازال
    الحمد لله ماعندي شي اخبيه <<<<وعلى فكره تراه يخاف علي اكثر من نفسه
    ههههههههههههههههههههههههههههه
    وانت تحسب ان الدنيا موقفه على مكالمتك له
    هو يتحرى مني الرد اليوم قبل باكر .. وانا ماطرحت اللي عندي الا اني ابي رأي ناس مجربه وعندها خبره بالحياة
    لا اكثر ولا اقل ........... شي راجع لي احط بمنتديات ثانيه او لا
    طشاوين ... وثانكس على المرور .
  8. جريحة آلوقت
    23-09-2009, 06:26 PM

    انصحني بس لا تجرحني


    حره على كف صقار & وش الدنيا من غيري
    شاكره لكم المرور ونصايحكم اللي اثلجت صدري
    الله يكتب اللي فيه الخير بس ويعين قليبي ..
  9. الغيرانه
    23-09-2009, 07:21 PM

    انصحني بس لا تجرحني


    سلام
    انا من رأيي هذا الشي راجع لك وقبل لاتقدمين على اي خطوة
    لازم تفكرين وتفكرين بالمستقبل شنو راح يكون مصيرج مع هالرجل
    يمكن تكونين سعيدة ويمكن لا
    وعرفي ان القرار اللي راح تاخينه
    راح يكون مصيرج طووووووول عمرج

    وشكرا
    مع تحيات الغيرانه
  10. جريحة آلوقت
    23-09-2009, 07:47 PM

    انصحني بس لا تجرحني


    المشاركة الأصلية كتبت بواسطة الغيرانه
    سلام
    انا من رأيي هذا الشي راجع لك وقبل لاتقدمين على اي خطوة
    لازم تفكرين وتفكرين بالمستقبل شنو راح يكون مصيرج مع هالرجل
    يمكن تكونين سعيدة ويمكن لا
    وعرفي ان القرار اللي راح تاخينه
    راح يكون مصيرج طووووووول عمرج

    وشكرا
    مع تحيات الغيرانه
    شاكره لك المرور
    وكلامك ع العين والرأس