للمدرسه وحشه و لكن ماهي وحشة للكتاب

golden boy

Member
رغم الترابط و الوصل حسيت فالروح اغتراب


ارجع مع صفوف الدراسه و ركابها


للمدرسه وحشه و لكن ماهي وحشة للكتاب


للصحبه اللي ماتناست بالفراق اصحابها


شوقي لجمعتهم كثر ما ينتثر مزن السحاب


كثر حنين المغترب عن ديرته لترابها


في ظل جمعتنا مرح يموت جو الاكتئاب


و في شقاوتنا براءة نختفي بثيابها


يا كثر ماكنا نخالف فالنظام و ما نهاب


حتى قوانين الادارة ما حسبنا حسابها


عودونا نلتقي بعد الاجازة و الغياب


اذا المدارس رحبت و استقبلت طلابها


و الحين صار فراقنا فرقى ذهاب بلا اياب


ما عاد تجمعنا سنين المدرسه بأحبابها


اتذكر اليوم الاخير المر و الفرقى عذاب


الموعد اللي ساعته من قبل كنا نهابها


ودعت كل اللي احتوتني قلوبهم قبل الذهاب


قفيت عنهم و نثرت عيني دموع اهدابها


جبنا الشهادة و افترقنا غصب عنا للغياب

و انتهت اغلى ثلاث سنين مرينا بها


فمان الذكريات اللي صداها باقي ما غاب


يالصحبه اللي ماتناست بالفراق اصحابها



cry
cry
cry
cry
cry
cry

منقوووول
 
عودة
أعلى