12

قصيدة مدح في بني حارث

الشعر, قصيدة , شعراء, القصايد ارسال إلى Twitter ارسال إلى facebook
  1. مرجوج في خدماتكم
    12-09-2009, 04:35 AM

    قصيدة مدح في بني حارث

    قصيدة مدح في بني حارث


    بسم الله الرحمن الرحيم

    قصيدة للشاعر عبدالعزيز الحارثي قصيدة مدح في بني حارث أعجبتني مع أن قصائد مدح القبائل لا تعجب الا ذوي القبيله نفسها الا ماندر مثل هذه القصيدة .

    يقول الشاعر

    الا يالله يارب الخلايق ياعظيم الشان ......... إلاه العرش علام الخفى والسر سبحانه

    بسط سبع وسواهن رفع سبع بلا عمدان ...... يخيب اللي طلب غيره ولا قد خاب طلبانه

    طلبته ستره الضافي طلبت العفو والغفران .... سألته يدمح أذنوبي ويشملني برضوانه

    هذا والليل يازينه مدام يولف الخلان ........... عسى ربي يهني من جمع ربعه وخلانه

    تولفنا على صوتن دعانا والعلوم سمان ........ وجينا حشمة المعرس وأبوه وبدر عمانه

    تجمعنا وجينا وأحسب اني في قصر دسمان .......... على شط العرب ماصكوا الحراس بيبانه

    وأنا ياهل المواقف لاتعدوني من الضيفان ....... أنا ما أعد نفسي غير أخو في حلة أخوانه

    أبتقدم وأرحب وأذكر الله واللعن الشيطان ........ وأعلم وأتعلم وأعطي المعروف والدانه

    الا يامرحبا باللي لهم وسط الضماير شان ........ تراحيب المحب اللي على قلبه على أللسانه

    تراحيب نعطرها بريح المسك والريحان ......... عدد من حج بيت الله وزار وطاف بركانه

    تراحيب كما طعم العسل لا جى من الجبيان ..... عسى السدر المصفى ماخلط سمرة وضهيانه

    ولا يأهل الدلال السيف هاتوا دلة الرسلان ......... ولا يأهل التمر هاتو لنا برحي وروثانه

    نبي نسمر ونتسامر وننسى الهم والأحزان ........ علاج الهم ..؟ في تركه علاج الهم (.نسيانه.)

    مدام الشعر عند اهله ووضحه عند بن عجلان ......... اببني بيت فوق البيت لين يزين بنيانه

    بيوت الشعر أبنظمها وكني نمر بن عدوان ......... أعوم أبحرها وأطلع بلولوه ومرجانه

    وأنا من روس قوم يعشقون الشعر عشق أجنان ......... رياجيل مرابيهم على وزنه وقيفانه

    أنا ربعي نجوم الليل وأهل الخيل والميدان ........ الى دقت طبول الحرب ننزل وسط ميدانه

    أنا ربعي ليا أسطفوا تقول اني بخشم العان ..... طوابير الحرس تحمى الوطن وترد عدوانه

    بن الحارث بن الحارث هل النخوة طوال أيمان ....... الا منا نزلنا للخصيم أنكحل أعيانه

    نقدر من يقدرنا ومن يبغى الردى ينهان .......... ولا يا من تب المعرف عانه والردى عانه

    وحنا نكرم الصاحب وحنا نلطم العدوان ......... بسيف لاضرب راس العدو تكسيه دمانه

    ويكمل الشاعر في مدح قومه

    الى أن يقول

    تواريخ نخلدها وكن اللي حصل ماكان .......... وحنا تحت راية من حمى بالسيف سلطانه

    تحت راية هل العوجى تجمعنا وصرنا أخوان ..... عسى الله يحفظ الدوله من الشيطان وأعوانه

    ونمر الحمد للي عزنا بالأمن الأيمان ........... عسانا كلبونا نجتمع في روضة أجنانه

    تمر أيام وليالي وكل اللي عليها فان .... ولا يبقى عليها الا كريم الوجه سبحانه

    أي والله والنعم في بني الحارث وعذرا أذا بدا منا أي تقصير

    وصح اللسان شاعرها
    __________________
  2. سعد الحارثي11
    12-09-2009, 04:56 AM

    قصيدة مدح في بني حارث


    ,والله ونعم في قبيلة بالحارث وانشالله مافيها قصورررر



    بيض الله وجهك يابووو محمد
  3. مرجوج في خدماتكم
    12-09-2009, 05:02 AM

    قصيدة مدح في بني حارث


    المشاركة الأصلية كتبت بواسطة سعد الحارثي11
    ,والله ونعم في قبيلة بالحارث وانشالله مافيها قصورررر



    بيض الله وجهك يابووو محمد
    تسلم ياذيب على الرد ويعطييك 1000 عافيه
  4. ام غمازات
    12-09-2009, 05:06 AM

    قصيدة مدح في بني حارث


    صح لسانك ولسان شاعرها وتسسسلم يمناك ...

    قصيده بقمة الروووعه والجمال ... تضيع كلمات المدح فيها ...

    لاخلا ولاعدم ..

    عوافي مرجوج ..

    تحياتي..
  5. مرجوج في خدماتكم
    12-09-2009, 05:10 AM

    قصيدة مدح في بني حارث


    المشاركة الأصلية كتبت بواسطة ام غمازات
    صح لسانك ولسان شاعرها وتسسسلم يمناك ...

    قصيده بقمة الروووعه والجمال ... تضيع كلمات المدح فيها ...

    لاخلا ولاعدم ..

    عوافي مرجوج ..

    تحياتي..

    صح بدبك ... مشكووره على المروور ... الروووعه.
  6. أروى
    12-09-2009, 05:44 AM

    قصيدة مدح في بني حارث


    صح لسانك على القصيده
  7. مرجوج في خدماتكم
    12-09-2009, 05:52 AM

    قصيدة مدح في بني حارث


    المشاركة الأصلية كتبت بواسطة >>مجنونة اتكييت<<
    صح لسانك على القصيده

    صح بدنك ....
  8. الصمت عنواني
    12-09-2009, 05:58 AM

    قصيدة مدح في بني حارث


    سلمت يمينك وصح لسان الشاعر

    تقبل مروري
  9. مرجوج في خدماتكم
    12-09-2009, 06:51 AM

    قصيدة مدح في بني حارث


    المشاركة الأصلية كتبت بواسطة الصمت عنواني
    سلمت يمينك وصح لسان الشاعر

    تقبل مروري
    صح بدنك... يسلموو على المروور
  10. ولد عز ومن شافني فز
    12-09-2009, 07:54 PM

    قصيدة مدح في بني حارث


    والله ونعم في بنى الحارث قبيله مافيها قصورررر

    ولايهونن القبايل
    بيض وجهك يابومحمد

    وصح الله لسان الشاعر
12