مدح باهل الاحساء...... فديتهم

الموضوعات العامه التي لاتندرج تحت أي قسم من أقسام المنتدى ارسال إلى Twitter ارسال إلى facebook
  1. تعبت إشتاق
    27-08-2009, 10:28 PM

    مدح باهل الاحساء...... فديتهم

    مدح باهل الاحساء...... فديتهم


    السلام عليكم

    ... تعالووووووو شوفوا شالمدح الي مادحينه في الحساويه
    ... صج لهم الفخر واحلى فخر
    .. .. تفظلوا





    والله ونعم فيكم يا اهل الأحساء


    .. ايش عليكم .. يا الحساويه
    .. يا مهندسين …. أو مدرسين.. او رتب في .. العسكريه
    .. والسيارات ... تموتون .. في الكابرس
    .. بشرط .. بيضه من بره .. ومن .. داخل .. عنابيه
    .. ايش عليكم .. يا الحساويه
    .. عندكم ... عين ام سبعه.. عندكم ... عين الجوهريه
    .. عندكم .. جبل قاره .. مع .. سوق
    .. القيصريه
    .. وكلامكم .. تمطونه .. مط
    .. صاير مميز .. وله .. نغمه .. موسيقيه
    .. ايش عليكم .. يا الحساويه
    .. في .. اعراسكم .. تحبون ... العنيه
    .. البنت مهرها .. اربعين .. والثيب.... بعشرين.. وشويه
    ... وعمتك ... وعساها .. ما حبتك
    .. واجب ... تحب راسها ... وقت .. الصباحيه
    ايش عليكم .. يا
    الحساويه ..
    .. حريمكم .. اما .. معلمه .. أو .. جامعيه
    .. توفر .. لك .. القرش .. تحطهم .. في ... جمعيه
    .. وتعينك .. يشهد الله .... ما هي .. رديه
    .. ايش عليكم .. يا الحساويه
    .. فيكم .. صفات الطيب .. و ناسا اجتماعيه
    .. فيكم... كريم النفس.. و فيكم .. قوي .. الشخصيه
    .. وصدقوني .. لو ادور .. كل السعوديه
    .. ما راح .. القى مثلكم .. يالحساويه
    ايش عليكم .. يا الحساويه

    ******
    كيف تعرف الحساوي؟؟



    -1 اذا صلى الفرض وانتهى من صلاته... وانتهى من التسبيح التفت على اللى في
    يمينه وسلم عليهم والتفت على اللى في شماله
    وسلم عليهم


    -2 اذا شافك وقابلك في الطريق سلم عليك سواء كان يعرفك او ما يعرفك


    -3 اذا جاورته ما لقيت من وراه اذيه , يعني ارقد وامن


    -4 تلاقيه بسيط , طبيعي , سموح , وسيع صدر , وعلى نياته


    -5اذا طق عليك الباب عطاك سله فيها ارطب خلاص او غر واذا جى وقت الصرام ما
    نساك من التمر الزين


    -6تلاقيه غارس في بيته فسيله وتشوفه مهتم فيها بنفسه


    -7 تلاقي عنده سيارتين , الاولى كابرس يروح عليها الشغل , والثانيه سوبر حق
    طريق مكه


    -8 تلاقي طموح ابناءه اذا تخرجوا من الجامعه انهم اما يصيرون مدرسين في
    الحكومه او مهندسين , وازيدك من الشعر بيت .. كل واحد منهم
    يبي يتزوج مدرسه ويسكن في شقه لحاله


    -9 اجتماعي من الطراز الاول , يعني ما تمل من سوالفه
    -10 يزعل لكن قلبه ابيض بسرعه ينسى وعلشان كذا ما تلاقيه حقود .. واذا كان
    حقود يعنى شاذ عن القاعده


    -11 اذا شاف شي غريب
    اول مره يشوفه او يسمع فيه .. قال .. الله شذاذا ..


    -12 اذا قلت له... على كيفك... رد عليك وقال... ما يحصل


    -13اذا جاء شهر رمضان طق عليك الباب وعطاك صحن هريس من طبخ ام عياله

    وتلاقيها
    متنغصته حق زوجتك


    -14 اذا طلع تقاعد... تلاقي طموحه عماره في الخبر او الدمام... ومزرعه في
    الحسا فيها بركه سباحه .. وتنور حق المندي


    -15 يخاف من العين .. علشان كذا تلاقيه يقول لك .. قول ما شاء الله


    > -16 اذا كان ساكن في الدمام , الخبر , الظهران , الجبيل او اي مدينه اخرى ,
    وجا ء يوم الاربعاء حرك ونزل الحسا , و فوق كذا يحب يقضي العيد يم اهله
    وجماعته هناك..


    -17 ما ينساك في العزايم والمناسبات , يعرف الاصول وكريم


    -18 اذا شميت ريحة المشموم ' الريحان ' في بيتك اعرف ان زوجته كانت تزور
    زوجتك


    19 يستانس وينبسط الى من شاف له ناس من اهل الأحساء


    مع أطيب تحية
  2. صادق النية
    27-08-2009, 11:38 PM

    مدح باهل الاحساء...... فديتهم


    يستاهلوا الحساوية هالمدح...

    وسلمت يديك ...
  3. الغيرانه
    28-08-2009, 01:22 AM

    مدح باهل الاحساء...... فديتهم


    يسلموووو
    والله صادقه بكل اللي قلتيه
    فددددددددددديت دريتي الحسا
    ((حساويه وافتخر))



    وشكرا
    مع تحيات الغيرانه
  4. بعيد اديار
    28-08-2009, 02:41 AM

    مدح باهل الاحساء...... فديتهم


    يساتهلون اهل الحساء يعطيك الف عافيه
  5. شموع الذكري
    28-08-2009, 03:36 AM

    مدح باهل الاحساء...... فديتهم


    يسلموووووووووووووووو

    تحياتي
  6. تعبت إشتاق
    12-09-2009, 12:38 AM

    مدح باهل الاحساء...... فديتهم


    يسلموووووووووووووووو


    اسعدني مروركم يالغلا

    عسانا ما ننحرم من ردودكم
  7. حكاية احساس
    12-09-2009, 12:42 AM

    مدح باهل الاحساء...... فديتهم


    يستاهلوون المدح والله

    لان تعبت اشتاق منهم


    واخوووووووووووووي بعد