أنا عصيت ربنا إمبارح.........!!!

السلام عليكم ورحمة الله وبركاته



أنا انهاردة ياجماعة مبسوطة جدا


لأنى بصراحة إنهاردة عصيت ربنا


ومهمنيش


جاهرته بالمعصية ومفرقتش معايا



طب وإيه يعنى
المهم اتبسطت وقضيت وقت جميل وخلاص



ايه دا ... إيه دا ....؟؟



مالكم كدا بتحتقرونى بينكم وبين نفسكم؟!!


انتو كمان زييى


أه زيى


أو كنتم زيى


وماتستغربوش أو ى كدا وتقولوا


لالالالالالالالا
داحنا بنحب ربنا واستحالة نحاربه




لاء انتوا حاربتوه وبتحاربوه







طيب عيشوا معايا شوية فى المواقف دى كدا ونشوف سوا
هل إحنا بنحارب ربنا ولا لاء







أنا مبسوطة جدا لأنى ..امبارح شفت حتة فيلم للمثل اللى بحبه
بس كان ايه تحفة كان نفسى أسمعه أوى من زمان
وماصدقت انه اتعرض
*********


أنامبسوط جدا لأنى خرجت مع صاحبتى وقضينا وقت جميل أوى مع بعض
واتفسحنا وعشنا لحظات جميلة أوى
**********


أما أنا مبسوطة جدا لأنى إمبارح اتعرفت على واحد من المنتدى
بعت لى رسالة خاصة وبيطلب منى نتعرف وأنا ارتحت له أوى
وارتحت فى الكلام معاه
أصله بصراحة مواضيعه جميلة وأسلوبه رقيق أوى


***********


أنا مبسوط جدا



كنت فى شات روم واتعرفت على بنت ارتحت اوى فى الكلام معاها



وكلمتها مايك بس صوتها جميل أوى
وقعدنا نتكلم للصبح
*****




أنا مبسووووووطة جدا امبارح سمعت ألبوم المطرب .....
الألبوم تحفة وأغانيه جميلة أوى فعلا كنت هموت وأسمعه
انتو عارفينى بأه
مينفعش ينزله جديد وميكونش عندى


**********



أنا مبسوط
حضرت حتة فرح بس كان إيه ...... ماأقولكمش ...
ع البنات واتعرفت على واحدة كان كل الشباب بيحاولوا يوقعوها
بس محدش قدر غيرى


وع الأغانى ولا العروسة !!
والرقص اللى اللى رقصناه
ولا اللبس ولا ... ولا ......
**********


مبسوطة أوى امبارح كان عيد ميلادى وحضروا لى حتة مفاجأة
كانت حفلة جميلة أوى
والدى جى واختيار الأغانى كان تحفة
ورقصنا كلنا مع بعضينا
********


فرحان لأننا كنا ف رحلة امبارح
وحصل بأه شوية حاجات


اتعرفنا على شلة بنات من هناك وأخدنا منهم أرقام التليفونات
واتفقنا نتقابل تانى قريب


************




انا منمتش امبارح كنت بأتكلم فى التليفون مع زميلى فى الجامعة
لحد الساعة 3 الفجر
وبعديها فضلت لحد الصبح أفكر فى الكلام اللى حصل


وبالرغم من كل الرعب اللى كنت فيه إن حد يصحى ويحس بيا
بس كنت فى قمة السعادة


*********


أما يوم عيد الحب حضرنا حتة حفلة مع البنات صحباتنا
حفلة نستنا أسامينا
وبعديها خرجنا معاهم كل واحد أخد صاحبته وإتفسحوا سوا
واتمشينا مع بعضينا


***********


أنا إشتريت حتة طقم إنما إيه يابنات روووعة
لو تشوفوا استايل البنطلون
ولا لون البضى جنان
مشفتش حد لابس منهم

*****
الواحد فرحان أوى عملنا امبارح حتة مقلب فى مدرس التاريخ
بس ايه...
الراجل كان هيتجنن مننا
*******
اسكتى ... أما أنا فرحانة أوى لأنى امبارح أخيرا قدرتأرد على بابا وماما
وعرفت اتخانق معاهم واخد حقى!!!



********
يتببع بإذن الله
 
thanks3-2.gif
 
عودة
أعلى