كيف تصبح مثقفا في اسبوووع

الموضوعات العامه التي لاتندرج تحت أي قسم من أقسام المنتدى
  • ارسال إلى Twitter
  • ارسال إلى facebook
  • ارسال إلى google plus
    1. أجمل احساس
      22-08-2009, 02:37 AM

      كيف تصبح مثقفا في اسبوووع

      كيف تصبح مثقفا في اسبوووع



      اتبع الخطوات التاليه وانضم الى عالم المثقفين


      1 البس غتره وامحط اللحيه والشنب

      2 اذاسألك احدمن تسمع قل له فيروزوشاديه حتى لو انك ما تسمع الا لمزعل وسعدجمعه

      3ا ذاقالوالك من شاعرك المفضل قل محمود درويش وادونيس حتى لوانك ماتقراء الال ضيدان بن قضعان وسعد بن جدلان

      4 ابتعد عن المباشره في الكلام واعمد الى <التعفيط>و<التمطيط> وبدل ماتقول في البدايه قل<بادئ ذي بدء>و

      بدل ماتقول وهذايدل على قل <وهذا ان دل فاءنما يدل على> لاتقعد تقول صعبه ومشوارومدري ايش لازم

      تصبر وتحمل ترى الثقافه مهيب سهله

      5 اذا كتبت مقالا فلازم تطعمه ببعض الكلمات الرنانه واللي مالك غنى عنها مثل <الراديكاليه والامبراليه و

      الليبراليه والديماغوجيه والميكافيليه>ولاهوب لازم تحطها وانت تكتب المقال لا...ابد اذا قضى المقال

      فلفزهن فيه كلمه منا وكلمه مناك الين يقضن وان ماكتبت منهن شئ تراك من جنبها في الثقافه

      لوتحفظ سبعمية الف كتاب وتقرأ ثمانميه الف موسوعه وانتبه ليك تقول <الرأسماليه والاشتراكيه

      والقوميه>ترى ذا الكلمات حقات مثقفين منول> اما الحين ماعاد يوكلن عيش

      6 كثر من الكلمات اللي تنتهي ب قراطيه مثل< الديمقراطيه و البيرقراطيه والارستقراطيه و

      الاوتوقراطيه والتيتوقراطيه>واذا انزلقت فخربط لك أي كلمه واختمها ب<قراطيه> مثل

      <التبو قراطيه والخنبقراطيه والخربو قراطيه >ولاتخاف مافيه احديبي يسألك ويقول وش معنى

      ذا الكلمه عشان ماينكشف جهله ويدرون الناس انه ماهوب مثقف

      7 خربط لك أي كلام بس بشرط ان يكون "مبهم" وغير مفهوم واهم شئ اكتب فوقه

      شعر "فلان بن فلان"عشان يعرفون انه شعر حداثي... لايحسبونه مقال والاروايه

      8 انتبه ليك تؤرخ بالهجري حتى لو كان تاريخ المسلمين ترى المثقفين مايؤرخون

      الا بالميلادي ويفضل بعد انك اذا كتبت قصيده حداثيه تكتب الشهر كتابه مهوب

      رقم زي كذا "مارس2007" ابريل"2008" "حزيران2009" اما ذا الشهر

      حق مثقفين بقوه وينصح بعد انك تحط تحت التاريخ اسم عاصمه اوروبيه

      <لندن.جنيف.باريس> حتى لو انك كاتب القصيده في حريملاءاو شقراء

      9 اذاجاء معك مقابله في التلفزيون "حش" في الشعر الشعبي وشرشحه

      حتى لوانك تحبه وقل انه شعر البسطاءوالعامه والدهماءوانه معول من معاول هدم اللغه ولابد من اعلان الحرب

      عليه دون هواده.!!

      10 اذا سألك احد وش الجرايد اللي تقراهن انتبه لاتقول له الجزيره او الرياض!

      عشان مايدري انك قروي ؛لا.قل له الحياة الشرق الاوسط والاقتصاديه حتى لو انك مابعد

      شفتهن "على الطبيعه"بس لزوم الثقافه

      11 اذا قال لك احد وش الاجواء اللي تجد فيها نفسك لا تفضحنا وتقول اذا جلست مع اهلي والا اذا طلعت

      للبر والاذا صرت أضبب!!لا ياحبيبي قل له تأسرني الليالي البيروتيه المقمره وخصوصا في فصل الخريف

      لو انك ماتفرق بين الخريف والمربعانيه.

      12 حاول دايم انك تفلسف وتلف وتدور في كل شئ وفي كل اجابه حتى لو ان الجواب حرفين خله

      عشرة سطور وكثر من الكلمات اللي ماتفهمها عشان مايفهموها الناس ويتأكدون بما لايدع مجال

      للشك انك من كبار المثقفين


      أغسطس/اب 2009

      جنيف

      ههههههالاوتوقراطي هههاي
      250*300 Second
    2. الغيرانه
      22-08-2009, 04:57 AM

      كيف تصبح مثقفا في اسبوووع


      ههههههه
      احلى مثقف وربي