12

عزة النفس

الشعر, قصيدة , شعراء, القصايد ارسال إلى Twitter ارسال إلى facebook
  1. هداج تيما
    08-08-2009, 11:41 PM

    عزة النفس

    عزة النفس


    لاصار خلك مستحق المسبه
    "سبه ترى العشاق غيرك يسبون

    لابوه لابو الحب من قلب سبه
    "لابو الغرام اللي يحدك على الهون

    يالعن ابو قلب غشيم يحبه
    "ملعون والقلب اللي يغليه ملعون

    اقول من هباك ياخبل هبه
    "الدون مايسلك معاهم سوى الدون

    عز الجفا ولا هوان المحبه
    "ماخوذ من يصير على الذل مغبون

    اظهر قواة البأس والضعف خبه
    "ترى الضعيف ضعيف لاطعم لالون

    الراس ماحد يقطعه غير ربه
    "اقول عز النفس ماقول لك هون

    خله يولي لايذلك بحبه
    "ابعد وتلقاهم على البعد يدنون

    والا انت لو ترقد وبالعين شبه"
    "ابرك من اللي يجرحونك ويسلون

    ياجاهل افهم خذمن العلم لبه
    "اصبر وتنسى والعذارى ينسون

    الرجل عقله دائما قبل قلبه
    "ماهو عمى بالقلب ومفتح عيون

    لاقدموا حبه تقدمت حبه
    "وان وخروا وخرت والعز مضمون

    ترى غلا هالوقت هبه وهبه
    "اغنم هبوب الريح لاتقلب سكون

    لاساعدك حظك تغانم مهبه
    "لاترتهي يجيك يوم ويصدون

    قبل يذبك ناب الأرداف ذبه
    "ترى حلاة الرجل طاعن ومطعون

    كم عاشق خلوه من غير سبه
    "يصفق بكف كف مايدري وشلون

    ماله جدى ياكود دمع يكبه
    "عليه سيف الهجروالصد مسنون

    هذامن اول يوم لو دل دربه
    "مادش في دنيا المجانين مجنون

    لكن تبع قلبه وقلبه لعب به
    "واليوم يبغى عون ماحصل العون

    روض فؤادك يابن الأجواد ربه
    "البيض مايصلح لهن كود فرعون

    والا ضعيف النفس دايم مسبه
    "ودك مساكين البشر مايحبون




    منقول,,,,
  2. *مزون شمر*
    09-08-2009, 12:15 AM

    عزة النفس


    قصيدة رائعه
    صح السان الشاعر
    وتسلم يمين الناقل
    تحياتي لك
  3. غروك وغيييروك
    09-08-2009, 12:49 AM

    عزة النفس


    ترابي

    يعطيك العافيه ع الطررح

    وصح لسان شاعرها ولاهنت


    ننتظر ابداعاتك

    ^_^
  4. هداج تيما
    09-08-2009, 07:57 AM

    عزة النفس


    المشاركة الأصلية كتبت بواسطة غروك وغيييروك
    ترابي

    يعطيك العافيه ع الطررح

    وصح لسان شاعرها ولاهنت


    ننتظر ابداعاتك

    ^_^
    غروك وغيروك الله يطول بعمركويعطيك الف عافيه
    على مرورك العطر الذي نور متصفحي وأضاف نكهه للقصيده بمرورك واطلاعك
    تحياتي..
  5. وضحى المري
    09-08-2009, 10:33 AM

    عزة النفس


    ترابي صح السانك على النقل المتميز
    قصيده جميله ودليل على ذائقة الرائعه
    واشكرك فديتك على القصيده الي من شاني كلك حلا..
  6. دواس الليل
    09-08-2009, 11:03 AM

    عزة النفس


    صحيح من خلاك ودك تكبه
    كبه وكب حبه ولاترجع الدون
    ارفع جبينك للهوى اللي يشبه
    ترى الغلا مرات يرميك مطعون

    دواس الليل
    فديتك ياترابي
    واقول عسى الهوى اللي جاك منه مضره
    تبعد هله واذا بغيتهم يردون

    لك مودتي
  7. رعبوب شمر
    09-08-2009, 11:19 AM

    عزة النفس


    مشكور على النقل

    تسلم يمناك

    ويسلم ذوووقك الحلو

    أبيات مررره حلوه

    تقبل مروووري
  8. ام غمازات
    09-08-2009, 04:25 PM

    عزة النفس


    لاساعدك حظك تغانم مهبه
    "لاترتهي يجيك يوم ويصدون

    قبل يذبك ناب الأرداف ذبه
    "ترى حلاة الرجل طاعن ومطعون

    الله الله الله
    الله الله الله

    قسسسسسم ان القصيده قممممممممممممة .. صح لسانك ,, ولسان شاعرها ..

    كتبت وابدعت ومتعت ..

    يعطيييييييييييك العافيه .. لاتحرمنا جديدك ..

    تحباتي..,.,
  9. هداج تيما
    09-08-2009, 05:39 PM

    عزة النفس


    المشاركة الأصلية كتبت بواسطة وضحى المري
    ترابي صح السانك على النقل المتميز
    قصيده جميله ودليل على ذائقة الرائعه
    واشكرك فديتك على القصيده الي من شاني كلك حلا..
    صح بدنك والله يرضى عليك ويعطيك العافيه
    والحلا مرورك الجميل وتستاهلين القصيده
    دمتي بووود
  10. هداج تيما
    09-08-2009, 05:42 PM

    عزة النفس


    دواس,,رعبوب,,ام قمزات
    كلكم الله يعطيكم العافيه على مروركم الطيب الذي امتعني للامانه
    لكم مني جزيل الشكر...
12