يا دار وين اللي بك العام

يا دار وين اللي بك العام كاليوم***** ما تقل مرك عقب خبري نجوعي


خال جنابك بس يلعى بك البوم **** ما كن وقف بك من الناس دوعي


شفت الرسوم وصار بالقلب مثلوم **** وهلت من العبره غرايب دموعي


وين الجهام اللي بك العام مردوم**** وظعون مع قدوه سلفها تزوعي


أهل الرباع مزبنة كل مضيوم ****وأهل الرماح مظافرين الدروعي


راحوا لنا عدوان وحنا لهم قوم****ولا ظنتي عقب التفرق رجوعي


وإن صاح صياح من الضد مزحوم**** تجيك دقلات السبايا نزوحي


صفرن يكاظمن الأعنه بهن زوم**** يخلن سكران المجانين يوعي


يركب عليهن باللقا كل شغموم ****فريس والله ما تهاب الجموعي


خيالهم ينطح من الخيل خثلوم **** يوم الأسنه بالنشامى شروعي


ويا شيخ أنا عندك معزز ومحشوم**** ويمضي علي العام كنه سبوعي!!


لاشك قلبي بالوفا صار ما سوم **** لربعي ونا يا شيخ منهم جزوعي


وعيني لشوف الحيف ما تقبل النوم**** والقلب يجزع بين هدف الضلوعي


ويا شيخ أبا وصفك يا مفني الكوم **** يالصاطي القطاع حسن الطبوعي


حلياك حرن يفني الصيد ملحوم**** متفهق الجنحان حر ن قطوعي


حرن علم بالصيد من غير تعلوم **** يودع بداد الريش شتن مزوعي





م/ن
 
أهل الرباع مزبنة كل مضيوم ****وأهل الرماح مظافرين الدروعي


راحوا لنا عدوان وحنا لهم قوم****ولا ظنتي عقب التفرق رجوعي



يسلموووووو
 
كلام فاضي مافهمت شي!!
مع الاحترام ..

حترامي لك ياوضحى المري

بدون زعل هذا رد على كلامك >>> كلام فاضي <<<< شكرا

اخواني الاعزاء ...

قبل اسبوع تقريبا كنت موجود بمحل تجاري .. وكنت احاسب صاحب المحل
وفيه واحد مهوب شروى القارئ جالس وقدامه مجلات شعبيه ..

المهم انه رفع وحده من المجلات ولما شاف القصيد قال :
ذبحونا بالاشعار .. مدري متى بنخلص منها ؟؟؟!!!!!!!!!!!

ورمى المجله على الطاوله وهو زعلان .

انا مالي عليه طريق ولا ابي اتناقش مع شخص رافض فكره الشعر اصلا ..
وبعدين من لبسه تحس انه يسمع اغاني انقليزيه ..يعني انسى الموضوع..
طلعت معي هذي وحبيت اشارك فيها .. وعسى الله يحمي الشعر من اشكال صاحبنا هذا ..


خل القصيد لسحنه الذيب يا شاه
............................ يوم انك واشكالك على الشعر عاله

شرواك عن درب الشعر تقصر اخطاه
.................................. ولا طاب مقعاده ولاطاب فاله

انا اشهد ان مرثّك ماطاب مجناه
................................ وينك ووين المرجله والشكاله

وينك عن فعول الرجال المسماه
............................... يوم السنافي فاز منهو عنا له

وينك من اللي تشرب الدم شلفاه
...................................خطوى غلام باللقى يعتزا له

وينك من اللي شاشه القاف واعماه
................................ وضحّى به اغلى واحد من عياله

وينك من اللي حارب الوقت وادماه
.................................... طيب ولاكن ما تحقق مناله

20 عام تقول ماما وباباه
................................ يا لعنبو من بصولك يا غفاله

استغفر الله والتجي واترجاه
............................... والا الردي يا قلب مالك وماله

خله ولا تطريه يكفيه ماجاه
............................... لاصار واشكاله على الشعر عاله



م/ن
برنس نجد
 
يعطيك العافيه برنس نجد
كلمات روعه .. قصيده جزله
صح لسان قايلها .. ولا هنت ع الذوق الرائع
طبت وطاب منقولك ..
تحياتي ,,
نوران فلسطين
 
عودة
أعلى