قصيدة الطرقات - سعد علوش

ديوان الشاعر سعد علوش الهاجري
  • ارسال إلى Twitter
  • ارسال إلى facebook
  • ارسال إلى google plus
    1. بيك الحياه
      31-07-2009, 07:03 PM

      قصيدة الطرقات - سعد علوش

      قصيدة الطرقات - سعد علوش


      رائعه هالقصيده وانا اموت فيها




      قصيدة الطرقات - سعد علوش


      في الكبد ليعاتها وفي النفس حاجات
      حاجات ماهيب رغبات وشهوات

      ندم على حزن على مدري شسمه
      اللي يكلمك وتكلمه بسكات

      ياودي اصرخ من اللي داخلي حيل
      وياودي ماتنبس من الليعه شفات

      مزحوم تفكير ومشوش وبردان
      وياخوفي من الغضب والانفعالات

      تعارك الشر والخير فيني
      يأثر على اتخاذي للقرارت

      ثاقب وألاحظ تفاصيل التفاصيل
      كن البشر عري وعيوني مرايات

      أفضال ربي علي واجد وأفضل
      أفضال ربي علي الفقر وأنكارة الذات

      يامجمل الفقر وأشياءه وروحه
      تموت منه تعب وتعيشه ازمات

      يعلمك ضعفك وبأن عقلك
      هو اللي يميزك عن الحشرات

      وتعرف بأن هذا لك وذا لغيرك
      ولاتفكر ولاتكسر حسابات

      الفقر مفيد ..وأشياءه مفيده
      مليء قناعه وقوه وغايات

      يمكن لو إنك غني تطغا وتنسى
      وأتطيش وتطوف الخمس صلوات

      لذلك الحمد لله والثنى له
      على الفقر والمصايب والمسرات

      يمكن أني فقير بس مانيب تبعي
      أجلس ولا أنقاد خلف الإتجاهات

      وإن ما أعجبتني قناعات الزمن هذا
      أنا.. أألف لتفكيري قناعات

      شاعر ويسكن ف مخي ألف شاعر
      ماهم بشعار هالوقت التروفات

      اللي يقولون مافي الشعر نادر
      وإن الشعراء نفس المستويات

      لو أنهم واحد وبتفكير واحد
      ماشفت ناقد ولا معجب وشمات

      الله على هالكلام ومن يقوله
      والله يقطع سياسة هالمجلات

      يعني اللي شعره ملى الدنيا جماهير
      مثل اللي يطلق قصيده سردة أبيات

      لامن سمعت القصيده قلت هذي؟
      سمعتها قبل هذي عشر مرات!!

      يشل.. اخر كلام الشطر الأول
      ويحطه باخر الثاني .. وخذ هات

      قاف متكرر.. ولافكره ولاشي
      يبني القصيده.. على تفكير بنات

      وبه نوع ساذج علشان أيتميز
      يصرخ ويعمل بيدينه حركات

      والمرء عود مايجهل.. لذلك
      هالشعراء يكرهوني -أنا- بالذات

      الله يخليني لشعري وأصونه
      وأحرق به كبود شعار المسجات

      أجذب به.. أذواق حكام الجزيرة
      وأزرعه.. فعقول فتيان وفتيات

      اركبه جن.. وامارسه بجنون
      وأشبعه فلسفات وأبتكارات

      واعلم الجيل هذا وإللي بعده
      جودة الإطاله.. وفن الإختصارات

      و وشلون أحرث صخر فكري وأخلي
      بيني وبين أقرب منافس مسافات

      الشعر في نظرة اغلبهم مصالح
      فلوس وشيوخ وبنات ولقاءات

      وفي نظرتي الشعر روح و روح حره
      ماتخضع لشف.. وأشخاص.. وقياسات

      الشعر ماتقشعر له الأبدان
      وما يسرق من الكلمات.. الكلمات

      تقراه ف عيون شاعره وتحسه
      يفتح له فجلد يدينك مسامات

      ردد قصيدي ياجمهوري وصفق
      وعلمهم إن الغلا ماهو خيارات

      تعال نسرح سوى في شي عندي
      وأخاف لا أبكي؟ وتبكيني العبارات

      حزين جدا ومتعومس وخايف
      أحس كني على مهوي نهايات

      حبيبتي .. إللي أغليها وأبيها؟
      راحت.. وقالت بجي وللحين ماجات

      ما أذكر أني.. مسوي شي لكن
      الحب لا زاد.. يسبب حزازات

      والصبر صبر القلوب البيض وأدري
      يامصعب الصبر لا قد به محاتات

      دمرني الشوق وإستنرفني شعور
      وتعبت أثبت وجودي داخل شتات

      تمر كل الوجيه.. بدرب عيني
      نفس الملامح؟.. ونفس الإبتسامات

      حبيبتي طاغيه وبشكل طاغي
      صديقة الليل واجناب البنايات

      من وين ما أفتر لاهذا وجهها
      على الطرقات وأضواء السيارات

      يابري حالي عليها بري حالي
      عليها يابري حالي عشر بريات

      لأني أحبها.. فعلا وجدا
      ماهي محبة.. رفث.. ولا إتصالات

      أحس كني أبوها أو أخوها
      أدرى عليها من العالم مدارات

      وإللي سواتي.. يحب وخايف الله
      يعرف.. معنى معاناة المعانات

      الحزن في بعض الأحيان إزدواجي
      وجميل.. إذا صار من تجنيب غلطات

      من خلا حاجه لربي عاضه أخير
      منها واحسن دبلات الدبلات

      وانا مابي .. غيرها .. ولا ألتفت له
      السيده .. لا رجعنا للسيادات

      جعل أمها إتوافق إن جيت أخطبها
      تكفون دعواتكم ي أهل الدعوات
      250*300 Second
    2. بيك الحياه
      01-08-2009, 07:51 AM

      قصيدة الطرقات - سعد علوش


      افا محد عاجبته القصيده...يالله مومشكله الناس اذواق ومشكورين عالمشاهده
    3. *مزون شمر*
      05-08-2009, 06:42 PM

      قصيدة الطرقات - سعد علوش


      الله يعطيك العافيه عالطرح الرائع
      قصيدة رائعه لشاعر رائع
      صح السانه ولا هنتي عالنقل
      وتم تنفيذ طلبك يالغلا
      تحياتي
    4. بيك الحياه
      06-08-2009, 11:16 AM

      قصيدة الطرقات - سعد علوش


      منوره ياقمر الله لايحرمني
    5. صادق النية
      06-08-2009, 05:14 PM

      قصيدة الطرقات - سعد علوش


      الفقر مفيد ..وأشياءه مفيده
      مليء قناعه وقوه وغايات

      يمكن لو إنك غني تطغا وتنسى
      وأتطيش وتطوف الخمس صلوات


      الله يعطيك 1000عافية..
      بجد رووووووووووعة ..سلمت يديك على هالنقل..
      ربي يسعد قلبك دووووووووووم
    6. بيك الحياه
      06-08-2009, 05:20 PM

      قصيدة الطرقات - سعد علوش


      منور اخوي تسلم والله
    7. دلع ولع
      19-08-2009, 08:30 AM

      قصيدة الطرقات - سعد علوش


      وانا مابي .. غيرها .. ولا ألتفت له
      السيده .. لا رجعنا للسيادات

      جعل أمها إتوافق إن جيت أخطبها
      تكفون دعواتكم ي أهل الدعوات


      الله يعطي 1000 عافيه

      دمتي بود