12

جتني بحلمي

الشعر, قصيدة , شعراء, القصايد ارسال إلى Twitter ارسال إلى facebook
  1. الاطلال
    30-07-2009, 01:14 AM

    جتني بحلمي

    جتني بحلمي


    جتني بحلمي تسأل الحال وش فيه
    ودها تطمن وش جرالي بالايام

    عقب الغياب اللي مضى مع لياليه
    حالي تدهور واكثر الوقت ما انام

    شفت الحزن بعيونها بان خافيه
    واسترسلت بالدمع من كثر الاوهام

    سألتها ليه الجفا دوم تبديه
    قالت ترا ما هو جفا يابن الاكرام

    لكن واقعنا عسى الله يسويه
    لو صد فيه اهل الهوى طيرهم حام

    اللي منعني عنك حكما اعانيه
    والا انت نور العين والرب علام

    متى على الله نلتقي قولي اوكيه
    قالت ظروف وكل شي له احكام

    قلت اسمعي هرجا على الكل ما ابديه
    هرجا كتمته ما درى فيه لوام

    عهدا عطيتك ياه ماني بناسيه
    لا والذي سواك قايد للاروام

    والهم من فرقاك للحال طاويه
    شوفي بعينك باقي جلد وعظام

    قالت تصبر والصبر دوم يقفيه
    امر الفرج والرب داري بالاحكام

    قلت اوعديني بعدكي ما تعيديه
    وتسعي لوصلي مثل وصلك للارحام

    قالت وعد باعطيك والله ما خليه
    بس اعذر ظروفي ترا الوقت ظلام

    قلت ابشري بس البعد لا تخليه
    يسوقني يابنت في درب الاعدام

    واللي خلقنا ودايم الوقت نرجيه
    اني بوسط القلب باني لك خيام

    وضميتها والدمع سالت مجاريه
    متخالط بالدم من عدة اعوام

    وفزيت من نومي وانا اقول لبيه
    والا السوالف يا عرب كلها احلام

    ما غير اهوجس كل ساعة بطاريه
    مثل الغريب اللي من الوقت منظام

    مدري جفا والا زيادة مشاريه
    وانا ما طاوع كل حاسد ونمام

    ما قول غير الله يرده لغاليه
    واسلى اليا شفته ويبرن الألام






    مما راق لي
  2. حرامي شباصات
    30-07-2009, 01:23 AM

    جتني بحلمي


    جتني بحلمي تسأل الحال وش فيه
    ودها تطمن وش جرالي بالايام

    عقب الغياب اللي مضى مع لياليه
    حالي تدهور واكثر الوقت ما انام



    تسسسسسلم يمينك على احلا ابيات

    يعطيك الف عافيه
  3. نوران العلي
    30-07-2009, 02:15 AM

    جتني بحلمي


    الاطلال

    الابيات رائعه ..
    يعطيك ربي الف عافيه
    صح لسان الشاعر ..وسلمت يمينك.. وذوقك الراقي..
    تحياتي..
    نوران فلسطين

  4. $$ لحظه شموخ $$
    30-07-2009, 02:21 AM

    جتني بحلمي


    قصيده اجمل ما قرات عينى واحلا ما احس قلبى كلمات

    اطربتنى بحساس صادق وعواطف جياشه هنيئا لكل

    .. عاشق احب تحياتى يا ذوق اختكم..

    $$ لحظه شموخ $$
  5. ام غمازات
    30-07-2009, 02:30 AM

    جتني بحلمي


    الله الله ...

    احترت من وين ابدي ومن وين انتهي ..

    ابيات كلها احلى من الثانيه .. تسسسسلم يمناك

    يعطيك العافيه اطربت مسامعنا باللي خطته لنا اناملك .. قواك الله

    تحياتي ..
  6. شموع الذكري
    30-07-2009, 02:35 AM

    جتني بحلمي


    كلمات رائعه تسلم علي الاختيار


    تحياتي
  7. كتكوتة لزوزة
    30-07-2009, 09:16 PM

    جتني بحلمي


    مممررررررررررة روعة
    اللة يجزاك كل خير
  8. الاطلال
    31-07-2009, 12:32 AM

    جتني بحلمي


    الف شكر على مروركم الذي عطر متصفحي بردودكم الرائعه

    ولكم مني كل الاحترام والتقدير
  9. ملكه الحب
    02-08-2009, 02:45 AM

    جتني بحلمي


    يعظيك العافية
  10. العمر مايسوى
    02-08-2009, 03:00 AM

    جتني بحلمي


    يعطيك الف الف الف عافيه من جد روووووعه.......
12