بنت أبوها1
Member
السلام عليكم
كيف الحال ؟ > مدري ليه نسأل اذا ما كان أحد يرد :j:
الموهيم
أقلطوا حياكم ..:k:
شاهي ، عصير ، مويه ؟
-----> شدعوا أبعطيكم مير السؤال واجب:
نخش دغري في السالفه القميلة :k:
والله طفشانه مير قلت لية ما أكتب لي موزع وأتذكر ما مضى
يقولك
((( خلاص الماضي ودعته ،،، محيت ذكراه من قلبي )))
-----> يسلم لي راشد على الابداع :k:
أيه أكمل .. قلت أبكتب عل وعسى أنبسط .. وانتوا مو لازم:n: >> بتنجلد :h:
الطفولة مرحله جميله .. على قولت الشايب
(k: الا يا ليت الطفولة تعود يوما .. لترى ماذا فعل الشيب فيني:k: ))
في الطفولة ما يكون عندك مشاكل وهموم ..
وأهم ما عليك اللعب وتترس بطنك .. :h:
أبقول لكم سالفة صارت لي ..
كنت انا (( لبى قلبي:y: )) وأختي وبنت خالتي ..
متجمعين نفكر بخطه جهنميه نغزو فيها بيت جيرانا :m:
(( على فكره : بنات جيرانا أصحابنا وصديقاتنا .. بس بعض المرات نطفش
ونحاربهم وبعدين اذا خلصت الحرب ... نرد أصحاب:i: ))والساعه كانت 3 العصر ..
يعني امي نايمه ما تدري عنا ..
رحت انا أجمع طابوق عشان أفلق روسهم :n:
.. وأختي جابت المويه ( رشاش المويه )"موية ورد:
وبنت خالتي خطيره صراحتن جابت صابون .. :k:
وألعب يا شيطان .. :m::m:
أهم حرام يكسروون الخاطر ..
أنا واقفه برى بابهم وأطق عليهم بالطابووق عشان ازعجهم ويفتحون الباب ..
وأختي واقفه معاي تستعد أذا طلع أحد ترش عليه المويه ..
أما بنت خالتي ما قصرت رشت الصابون قدام بابهم عشان أذا طلع أحد يزلق على طول: ..
وأستمرينا على أزعاجهم .. لين فتح الباب . .
ونحن على أتم الأستعداد . . "بهدوء:
أختي تجهزت ورشت المويه ... وأنا رميت الطابوق .. وبنت خالتي بعد ما
رشت الصابوون قدام بابهم .. جت معاي وتساعدني في رمي الطابوق ..
وفجاءة
طراخ >> صووت الطيحه .. طبعا نحنا حاطين الصابون علشان يزلقون
ولما دققنا ... هاذي أختهم الكبيره وكانت معصبه :b5b:..
وقسم ما تشوف الا غبرتنا .. :خايف"
واختهم حرام تكسرت من الطيحه والمويه غرقت ملابسها
وراسها مفلوووق من الطابووق ..
نحنا هربنا لي بيتنا وخفنا .. أختهم هاذي عصبيه وممكن تعلم أمي .. عاد يا ويلنا اذا امي درت ..
الموهيم ونحنا في
حيرة من امرنا
.. وعلى أذان المغرب .. جاتنا أمي
امي بكل عصبية :j: : وانتوا وش مسوووين في جيرانا .. الله يفضحكم !!
أختي : يمه .. كنا طفشانين
بنت خالتي : اي يا خالتي .. وحنا قصدنا نضحك معاهم بس
امي بكل عصبيه:j: : تضحكون عليهم بالمويه والصابون والطابوق
أنا ببراءة : يمه .. أسفين .. الشيطان لعب بعقولنا .. >> تسلم لي البراءة:k:
وسبحان الله البراءة مهما فعلنا وسوينا ونحنا بزران ..
هي الي تساعدنا بتخطي المازق .. :m:
واليوم الثاني نحنا مع بنات جيرانا نضحك ونلعب .. :b:
وهذي السالفه صارت وانا لسى ما دخلت الابتدائي خخخ
بس لما دخلنا المدرسه وعرفنا حقوق الجار تفشلنا باللي سويناه :k:
وكثير من المواقف هاذي حدثت ..
لكن انا الحين ماني فاضية لكم
--------> بتنجلد :k:
والسالفة هاذي للمتعة والفائدة
--------> الثانيه أشك فيها .. :h:
تحياتي لكم
الشقاويه
التعديل الأخير: