12345678

ديوان الشاعر / الداهية محمد جار الله السهلي

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. ღ حلمي وجودك ღ
    18-07-2009, 01:24 PM

    ديوان الشاعر / الداهية محمد جار الله السهلي

    ديوان الشاعر / الداهية محمد جار الله السهلي


    ديوان الشاعر / الداهية محمد جار الله السهلي
    الداهية محمد جار الله السهلي


    الشاعر الداهيه/ محمد جارالله السهلي ..

    شاعر قدم الكثير وما زال يملك الكثير ليقدمه لقلوب عشاقه .
    شاعر بدأ كما بدأ الجميع ولكنه اختلف عنهم بسرعة إحتلال القلوب .
    يتميز شعره بالمفردة العصرية والحديثة , والتي تصل إلى جميع المستويات في المجتمع .
    كما يتميز شعره أيضا بالصورة والفكرة والإبداع الذي نادرا ما نرى شاعرا يهتم بقصيدته مثل شاعرنا .

    نتمنى لكم قرائة ممتعة لديوان شاعرنا الداهية / محمد جارالله السهلي..




    للامانه منقول
  2. ღ حلمي وجودك ღ
    18-07-2009, 01:32 PM

    ديوان الشاعر / الداهية محمد جار الله السهلي


    البارحه من حزنها ضاقت جماهير الهلال
    .وانا على شان الهلال اشعر من البارح بضيق
    شاعر ولا ادري ليه ماجاله على شعري مجال
    .وانا اعشقه عشق الملوك لخدمة البيت العتيق
    اشجعه من قبل لبسي للعمامه والعقال
    .ويصير شعري عقد من لولو وياقوت وعقيق
    بدت علاقتنا من ايام الغزو والاحتلال
    .يعني هو : أول حب واول تجربة واول رفيق
    اجامل احيانا لكن اليا اشغلوني بالجدال
    ..ابلا تردد اتمادى عشق واولع حريق
    اعلن (( هلاليتي )) واماريبه على روس الطوال
    .من قمة الضلع المويق لقمة الضلع المويق
    مع احترامي للجميع من الجنوب إلى الشمال
    .يبقى زعيم الأنديه والمجد والصيت العريق
    ماكنه الا ابداعي بقصيدتي (( أصعب سؤال ))
    .من بحرها لأفكارها لإحساسها العذب الرقيق
    سؤال لايمكن يحلونه ولو طال المطال
    .لو يحذفون اجابتين ويستعينون بصديق
    كن المحال يمر موسم فيه ماحقق محال
    ..وهذا هو اللي صعب نرضابه وفينا مايليق
    ياليله الجمعه تغيرتي عن كل الليال
    .فيك السعاده مرت وتاهت وظل بهالطريق
    بين الضياع وصدمه الموقف وحسرة وانفعال
    ..وصدر يضيق به الزفير اليا تقفاه الشهيق
    اغتيلت الفرحة عبث باللخبطة والاختلال
    ..كنها المحيط اليا انتحر موجه على جال المضيق
    ومن قال لي وشلون والا كيف صار الاغتيال ؟
    .اقوله وانا ابتسم من شدة الحزن العميق
    جانا (( بكيتا )) من فشل أبوظبي والمونديال
    ..واللي محطم منتخب سهلة يحطم له فريق
    وانا اقسم بالله مافيني على الصبر احتمال
    .بارد على عد الأماني وارتوي وابل ريق
    يادوي اتجرد من الواقع واسافر للخيال
    .ويادوي اغفى (( خمسة وعشرين عام )) وثم افيق
    ويصير ذاك اليوم لامن فقت رئيس الهلال
    .(( راشد بن عبدالعزيز )) المجد والفعل الطليق
    وانا اشهد ان لامن ترأس مجلسه نسل الرجال
    .صار الهلال بوقتها فريق عن ميه فريق
  3. ღ حلمي وجودك ღ
    18-07-2009, 01:39 PM

    أصعب سؤال ..

    ديوان الشاعر / الداهية محمد جار الله السهلي


    ( اصعب سؤال ) اللي جوابه للأسف مثله ( سؤال ) !!

    ...................... ما هو تفلسف !! الا موقف صار واسمع " ثاني بيت" :

    البارحه يومه سأل : ( وش ذكرك ذيك الليال ؟ )

    .................. كان الجواب بكل بساطه : ( من متى اصلا نسيت ؟ )

    ادري بان جمع ( الصعوبه والبساطه ) شي محال !!

    .................. لكنها صارت كذا ! واللي (( اهم )) اني دريت :

    ان الحياه فبعد احبابك اذا جف الوصال

    ................. اتعيشها لو تقتنع انك خلاص اصبحت ( ميت !!)

    يا صاحبي لو كل شي يمر بالخاطر يقال

    ................. ما كانت العبره تولجني اليامنك طريت ؟!

    شفني قدرت احبس دموعي بس ( دمع القاف ) سال

    ...................... ويا كبرها ساكت ولكن داخل اوراقي بكيت !!

    عمر الحكي ما كان دافي لابتدى بقولة تعال

    .................... لجل اتجاهل رجفة حروفي اليامني حكيت ..

    الحال في بعدك قسم بالله ما اسميه حال

    ............... انوي على الضحكه واحس كلي خطا لاني نويت ؟!

    اتصور انك من رحلت اشوفك لجسمي ظلال

    .................... لا شفته امشي ببتعد واثره معي مهما مشيت !!

    مدام يعني في بحرك لفرحتي مليون جال

    ............... وش فيه موجك ما ركد ؟ قربت اموووت وما رسيت ..

    يرضيك ما عادت معي تفرق اذا جالك مجال

    .................. لاني اقتنعت انك نهايه واني ببطي ما بديت !!

    صرت ( اعقد حجاجي ) اذا جابوك باطراف الجدال

    ...................... وانا قبل لاقالوا اسمك كني : ميت ثم حييت ..

    تعبت اعيش الدور وافتح للمعاذير الخيال

    ................... واتخيل اني جيت في بالك وبانك استحيت ..

    وتردلي كلك (( وله )) وتقول : ( كن البعد طال ؟ )

    ............... ومن الفرح ما عاتبك واقول : ( ياخي مابغيت ! )

    حتى وانا تخيل حشمتك ! لن قلبي لا يزال

    ................. يكرر اسمك داخل اعماقي بنبضه لا سهيت ..

    قلي شسوي فيك ؟ وانت بداخلي اصدق مثال

    ............... للحب واحساس القصيد ان عانق الليل وسريت ..

    ربي يصبرني على الفرقا مدام الحظ مال

    ............... وانت بيجيلك يوم تعرف ليه في بعدك شكيت ..

    واذا بلاك الله وعذبك اشتياقك (( بس تعال ))

    .............. واقرى القصايد في غيابك كلبوها بيت ... بيت ..

    بتدرى ان ( اصعب سؤال ) اللي يجي رده ( سؤال )

    ................ لا قلتلي ( وش ذكرك ؟ ) ثم قلتلك ( متى نسيت ؟ )
  4. ღ حلمي وجودك ღ
    18-07-2009, 01:45 PM

    ديوان الشاعر / الداهية محمد جار الله السهلي




    من بعد ما كنت أحسب إني نسيتك ،،
    مدري شجابك ع البال و ذكرتك ~




    و لا وعيت إلا و أنا قدام بيتك ،،
    ما تقول إني قبل مدة هجرتك ~




    ذا مكاني لا غفا الليل و سريتك ،،
    شف كم لي ما سريت و لا سهرتك ~




    و ذا مكانك لا تضايقت و جفيتك ،،
    و شف كم لك ما ترجيت و عذرتك ~




    و ذا مكان قلوبنا لحظة هويتك ،،
    فيه عمري اختصرته و اختصرتك ~




    واقف و كني من أحزاني بنيتك ،،
    جسر ما بين الزمانين و عبرتك ~




    أتذكر وش خذيت و وش عطيتك ،،
    يوم كنت أنقاض و بحبي عمرتك ~




    و أتذكر ساعة أنهوك و بديتك ،،
    كيف بجروحي عن جروحي سترتك ~



    و كيف بعت أحلام عمري و اشتريتك ،،
    و كيف كنت أشنع هزيمة و انتصرتك ~



    و كيف كنت الملح و لكني رويتك ،،
    و كيف كنت الزيف و لكني ذخرتك ~


    أدري إني جد من قلبي بغيتك ،،
    و أدري إني رغم كل هذا خسرتك ~




    انتظرتك عمر حتى إني لقيتك ،،
    و القهر مدري على ويش انتظرتك ~




    كنت أحبك .. كنت .. لكني سليتك ،،
    و ما بقى سلمته الريح و نثرتك ~



    و انت لا تزعل إليا مني رثيتك ،،
    بعد ما خنت و توفيت و قبرتك ~



    و الله إني لا حزنت و لا بكيتك ،،
    مثل ما عمرتك بقلبي دمرتك ~



    بس تدري ليش عقب غيابك جيتك ،،
    و اهتدت رجلي على بيتك و زرتك ~



    بشكرك على اخر طعونك .. فديتك ،،
    ليلة فراقك نسيت و ما شكرتك ~
  5. ღ حلمي وجودك ღ
    18-07-2009, 01:56 PM

    مع السلامه

    ديوان الشاعر / الداهية محمد جار الله السهلي


    لاصرت بايعني .. اشوفك على خير
    مع السلامه .. دام ما به سلامه !!
    قلت : انتهينا؟ قلت لك : خير يا طير !
    ماني باول شخص يخسر غرامه
    محذرك من قبلها الف تحذير
    لا عفتني بيعيف قلبي هيامه ؟؟
    مانيب ميت لا ! ولا احتاج تبرير
    صح الله لسانك .. ووفر كلامه
    بسمعك .. حبكه .. وفكره .. وتصوير
    وافهم عدل يا مدعي بالفهامه
    وجه الشعر ( ابيض ) ويحتاج تغيير
    ودي تزين هالقصيده ( علامه )
    ماضيك ( الاسود ) بذكره دون تقصيير
    كذا يكون بخد هالشعر .. ( شامه !! )
    يصدق معي تعبير .. ويخون تعبير
    يا ضيعة الشاعر .. بوقت انسجامه !
    يمكن خطا ادونك بالشعر ؟! مير
    لو ما احترمتك ؟ للغرام احترامه !!
    ما كان حبك غير بس طعنتك غير
    علمتني معنى الندم والندامه
    ما جاك مني اي زله وتقصير
    كل ما خطيت اعاتبك .. بابتسامه ؟!
    حسبي على الذكرى اذا هبت عصير
    ما عاد تنفع شرهتي والملامه
    البال ( ضامي ) وقتها والحزن ( بير )
    ( خسرتك ) وهمي ( كسبت ) اهتمامه !!
    والليل فازع لك كذا !! جاني مغيير
    ظلمتني واكثر ظلمني ظلامه
    لا اقبل علي اوحييت صوت المسايير
    وفزيت كل ضيف اقوم بمقامه
    وليا عزم هالليل ( ضيقه وتفكير ! )
    قلي بربك كيف بقدر انامه ؟؟
    ما فيه داعي للعتب والمعاذير
    الغدر ( خال ) الجرح واطيب ( عمامه ) !!
    أما يجيب الله مطر .. تالي وخير ؟
    ولا السلامه ماش مامن سلامه !!
  6. ღ حلمي وجودك ღ
    18-07-2009, 01:57 PM

    & بحة الشوق &

    ديوان الشاعر / الداهية محمد جار الله السهلي


    تعال اغنيلك الموال وغيابك
    للشوق ( بحه ) تميز نبرة اشعاري
    زهبت عذري وردي لابتدى عتابك
    كم لي افكر شقول ان قلت شالطاري
    بقول مشتاق للطعنه من اهدابك
    ومشتاق اكثر لقولة باخذ بثاري !!
    وبقول مليت مدري ملني بابك
    من غبت دونه وقف عمري ومشواري
    مغير اسولف له اللي صار باسبابك
    وارمي عليه الشقا والهم واعذاري
    من غير لا ادري اجي وان قال وش جابك ؟
    قمت اتساقط علي من ( غيمة افكاري)
    لين اتبلل (( وله )) واطير اسرابك
    وتروى عصافير فرقانا من انهاري
    وارد ميت عطش واقلب كتابك
    واقرى حكاية سراب عذب ازهاري
    شفني ذبلت وطفيت وجيت ابحيابك
    عمري دفعته ثمن دربي ومسياري
    اما تخليني احيا فيك وابقابك
    ولا تاكد وفاتي اخر اخباري
    ابك انت مره طرالي احرق اعصابك
    طاوعت فكري عليك وجيت لك ساري
    فكرت ابيعك وابعثر بالمدى اطيابك
    عقلي نواها وقلبي قال انا ( شاري )
    ورديت احسك بصدري واحسب احسابك
    اني زرعتك لقا وابقطف اثماري
    واليوم دام المسا توه تغنابك
    اقررب مدامك لحن تشتاقه اوتاري
    ابعزفك للقصيد اللي تسمابك
    وشب لك داخل بحور الشعر ناري
    واسمعك ما كتبته لين ( ينتابك
    غرور ) واسمع كلام عده اجباري
    لاصرت انا والقلم والدفتر احبابك
    يحق لك لو تقول ان الشعر داري
    ما قلتها قصدي اني اكسب اعجابك
    لكني بهذي ادري ويش مقداري
    الصعب جذاب وانت الصعب يزهابك
    وانا على الكايده يا عاشقي ضاري
    وان جات للجد له لذه ترى غيابك
    شف ( بحة الشوق ) كيف تميز اشعاري ؟؟
  7. ღ حلمي وجودك ღ
    18-07-2009, 02:00 PM

    ديوان الشاعر / الداهية محمد جار الله السهلي


    ليت لي حيله واجي واحتال بك
    وليت ما قلت بحياتي ليتني !!
    يابري حالي ليامن مال بك
    التغنج والدلع لا جيتني
    دوم احس انه نعاسك غالبك
    معني رموشك ! وانا عنيتني !
    بس ذا المره ما طاب الفال بك
    جيت ولدرب الجفا حديتني
    لكن اسمع هالشعر وش قال بك
    دام صبت اللي تبي واخطيتني
    الغلا حقك ! ولاني سالبك
    ابسط حقوقك ولو مليتني
    شوف عيني يوم دمعي سال بك
    ضمتك حتى ولو ابكيتني
    وانت رغم اني شغلت البال بك
    سلت مع دمعك ولا ضميتني ؟!
    كان به شي عليه قالبك
    بطلبك حاجه اذا خليتني
    لانويت تحب غيري طالبك
    لا تحبه كثر ما حبيتني !!
  8. ღ حلمي وجودك ღ
    18-07-2009, 02:01 PM

    طمني عليك ""

    ديوان الشاعر / الداهية محمد جار الله السهلي


    يالغايب اللي غابت ايامي معاك
    يا جعل ما جاني من الفرقا يجيك

    استغفر الله !! جعل ماجاني فداك
    حتى لو ان نهايتي .. على يدييك!

    مسامحك .. واللي بقوله في قفاك
    خيرك كثير .. ويرحم الله والديك

    ماصار شي ابلا رضاي الا رضاك
    اللي ماهو فيني وابيه القاه فيك!

    كنت السما في عيني وعيني سماك
    كانت حياتي كلها منك واليك

    كنت بيديني مير مدري من خذاك
    حسبي على تقصيري وحسبي عليك

    علمتني.. وش الحياه من الهلاك
    في موادعك هذا وفي جيتك ذيك

    ياكيف ابلقى شخص يسواني سواك
    كل مانويت انهيك في شخص ابتديك!

    أبدى أقارن مستواه بمستواك
    واخاف لاتزعل وابيعه واشتريك

    والمشكله : رغم محبتك وغلاك
    واني رغم كل شي مشتاق وابيك

    ما هوب من حقي يضايقني جفاك
    ولاعشقك ولالمحك ولاحتريك!!

    لكن ما يخفاني ولا اظن يخفاك
    حقي عليك .. انك تطمني عليك
  9. ღ حلمي وجودك ღ
    18-07-2009, 02:07 PM

    ديوان الشاعر / الداهية محمد جار الله السهلي


    يقول المحبه ويش لو غابوا الاحباب؟
    اقول الجسد من غير نبض وشعور وروح

    يقول النهار يغيب وش موقفك لاغاب؟
    اقول: ان رضيت اسكت يصير السكوت البوح

    يقول الستر سمعه وذكر وفعل وثياب
    اقول: المحب من الوله والسهر مفضوح

    يقول انت قايل لي بسافر بدون عتاب؟!
    اقول:ايه قبل اضيع في وجهك المملوح

    قبل تبدي الاعجاب وابادلك الاعجاب
    قبل تاخذ احساسي وقلبي عبث وتروح

    قبل ينفتح لك بين عوج الحنايا باب
    ويبقى على طاريك طول العمر مفتوح

    قبل لا اتوهق فيك يالصادق الكذاب
    قبل لا اتحطم منك يالمخطي المسموح

    قبل لاتعلقني وترحل بدون اسباب
    قبل لاتعلمني اعد السنين جروح

    قبل يتبعك وانت تمادى جفا وغياب
    قصيدي ودمع عيوني وصوتي المبحوح

    ياليت الزمن يرجع واحسب لجفاك حساب
    وعد ما اتعلق فيك وانساك قبل تروح...
  10. ღ حلمي وجودك ღ
    19-07-2009, 04:27 AM

    ديوان الشاعر / الداهية محمد جار الله السهلي


    الحب .. طفل سكن شعري وهوجاسي
    وفي ظلوعي العوج ربيته وكبرته

    خذاني من .. الوطن والناس وانعاسي
    وابلا قناعه .. تقبلته و بررته


    سلمت أمري إليه وطحت متواسي
    إلين ماصار شي ما تصورته !!


    حبيبتي .. كيف اكذب حزني وياسي
    لو العذر يعذرك قبلك تعذرته !!


    الله يسامحك .. ما قدرتي احساسي
    وانا على شانك .. الاحساس قدرته


    نساني الهم .. غالي ربعي وناسي
    وذكرت ربي .. وقلبي فيك ذكرته


    ودورتي اسهل طريق .. لضيقة انفاسي
    ماكن درب الفرح .. لرضاك دورته


    يا سيدة خافقي ومحطمة باسي
    كم مرة لمت خفاقك وحذرته


    صحيح احبك .. واخاف فراقك القاسي
    وخطاك .. ياما تجاهلته ومررته


    لكني اليوم لا ذاكر ولا ناسي
    ودعتك الله .. وقلبي عنك صبرته


    عساني الموت .. كان بينحني راسي
    ويا جعلي الضيم .. لو مبداي غيرته
12345678