قصة احلام بنت كلها هبل

×× احلام بنات ×× قصه خياليه بس خطييييره كلها هبال ووناسه

/
\
/
\
/

القصه خياليه مافيها ولاشي من الواقع ..
القصه كلها تتكلم عن 4 بنات كانوا دايم يحلمون
انهم يسوقون .. بس ياحياتي مافي أي قانون يسمح لهم انهم يسوقون الا في البر لووول [طبعا في السعوديه] ..
ونبدا التعريف عن البنات ..
اول بنت من الشله : اسمها نجلاء عصبيه لكن حبوبه وطيبه
وخفيفه دم وماتحب تكتب ابد بس تحب تقرا
ثاني بنت من الشله : اسمها ديما دافوره ماشاءالله دايم يقولون
لها فيك عرق مصري بس مع كذا اذا تكلمتي معاها على طول تدخل قلبك
ثالث بنت من الشله : اسمها مشاعل بارده ثللللجه لابعد الحدود
وعلى كذا حبوبه وفيها رجه زايده وتجيها حالات هستيريه بس تضحك !!!
ونجلاء الوحيده اللي تقدر تخليها تعصب ..
رابع بنت من الشله : اسمها ريم لين شفتيها تحسين انها ضايعه
ماتعرف كوعها من بوعها "يعني راسها من ساسها" هع هع ..
طيب قلبها وعلى نياتها بس تزعل بسرعه وماتعرف تصرف ..
[وكل البنات يدرسون مع بعض في ثالث ثانوي علمي مع انو الدراسه بجهه وهم بجهه الا ديما]

/
\
/
\
/

×× البارت الأول ××

في المدرسه الساعه 8 ونص ..
تو العمه نجلاء تشرف وهي توقف سيارتها الاودي ..
وتتمخطر وهي باليالله تشوف قدامها مع انو بيتها مايبي له
ساعه ونص تأخير مايجي ربع ساعه على الاقل الا هي واصله ..
بس طبعا لزوم الكشخه جايه متأخره عشان تتوقف برا ..
وماتحضر الحصه .. امحق كشخه من جد ..! خخخخخ ..
دخلت وهي بريئه مسكينه ..
شافتها المشرفه وقالت : لا بدري !!
ردت عليها نجلاء بكل ادب وصدق [يعني كذب ونفاق] :
وش اسوي يا استاذه بنشرت سيارتي ...!
المشرفه : كل يوم تبنشر سيارتك ؟؟؟!
نجلاء [ياربي وش ذا الورطه] وقالت وهي تبتسم : عاد اخر مره خلاص انا في ثالث يعني بتخليني
ماحضر الحصه وتفوتني وبعدين خلاص مارح اشوف وجهك الصبوح اللي يفتح النفس من صباح ربي
المشرفه بغرور ماصدقت يجيها هالحكي وقالت : مدام كذا اجل ادخلي خلاص بس
اخر مره وياويلك لو اشوفك مره ثانيه متأخره
نجلاء وهي تكلم نفسها : أيه هين....!
المشرفه : قلتي شي ؟؟
نجلاء : لا لا ابد سلامتك
وراحت لصفها و اول مادخلت ..
ما امادها تقول شي الا ام لسانين اللي هي مشاعل قالت : لا بدري كان ماجيتي ...!
نجلاء عطتها نظره وقالت : ياملحك وانتي ساكته
مشاعل تكمل ولا كأن الاستاذه فيه : والله انا مملوحه بكل حالاتي
نجلاء تكمل معاها : ايه طيب بس اسكتي
الاستاذه : شوو بدكن جيب الكن الشاي والفصفص ؟؟؟
مشاعل : والله مو شينه بس مالي نفس
نجلاء : خليها بعدين يا استاذه
ريم تدخلت معهم : مفطرين يا استاذه الله يكثر خيرك
نجلاء تكمل هبال : وعيالك
مشاعل تستهبل : ويزوجك
هنا الاستاذه تشققت بغت تسيح بس ربك ستر لوووووووول ..
ولا أول مره بحياتها ديما تتدخل معاهم في هبالهم لانها دايم كانت تقولهم احنا بثالث
خلكم مؤدبين وقالت للاستاذه : لك عندي يا استاذه حيتت عريس لوئطه !
نجلاء : وابشرك يا استاذه يشتغل معلم شاورما يعني لا
تشيلين هم
مشاعل : بيساعدك على المصاريف
البنات اللي بالصف : ههههههههههههههههههههههههههههه
الاستاذه عصبت وقالت : يلا كلكون لبررررررا
ديما مسكينه انصدمت توها تتكلم واول مره تشاركهم حديثهم السعيد [امحق سعيد هع]
الا طاردتها الاستاذه وحاولت تتناقش مع الاستاذه انها
اخر مره ومدري وشو بس الاستاذه قالت : بدون نقاش لبرا كلكون
نجلاء ومشاعل وريم الموضوع عندهم ايززززززززي متعودين
كانوا موقفين عند الباب ينتظرون ديما المصدومه تجي معاهم ..
طبعا طلعوا وطول الوقت ديما بس تلومهم : كله منكم انا اللي بحياتي كلها ما كتبت مخالفه اروح للمديره مره وحده
نجلاء طفشت منها : اقول لا يكثر بس وامشي
ومشاعل وريم عايشين جو لحالهم ويقررون انهم خلاص بيزوجون الاستاذه ومتى بيحطون العرس وهذي الحركات
وعلى مين العرس وعلى مين المهر والشبكه وفي الاخير قرروا انهم يتنازلون ويتاقطون ويشترون الشبكه والحمدلله تفاهموا بالاخير بس بقى راي العروس لوووووووووول ..
المهم وصلوا عند المديره طبعا كالعاده جلسوا يتميلحون عند المديره الا ديما المسكينه بس تقول انا مالي دخل كله منهم .. وعدا اليوم على خير وبنهايه الدوام ..
مشاعل بدلاخه : تصدقون اليوم الاربعاء....!
نجلاء بدلاخه مثلها : لا تصدقين توني ادري..!!
ريم : اقول فكونا من دلاختكم وش رايكم نروح نتغدا...؟
ديما : خلونا نروح نتغدا في ماك "ماكدونالدز"
كلهم وافقوا ولبسوا عباياتهم وكل وحده بسيارتها ..
نجلاء بالاودي .. وريم باللكزس ..
ومشاعل بالرنج .. وديما ب بي ام
وصلوا ماك بحمد الله وسلامته ..
وطبعا اول ماجلسوا ..
نجلاء تقول لمشاعل : ميشو حالفه انك تغدينا اليوم
مشاعل : لا والله ماله داعي تتكلفين وتتعبين نفسك
نجلاء : لا والله علي الطلاق تغدينا
ديما : لا تختلفون روقوا ريمو اللي تدفع
ريم مسويه فيها : انا بصير احسن منكم وبسوي اكرام الضيف وبخلي ديوم هي اللي تدفع لان خاطرها من زمان تغدينا
ديما شهقت : انا ؟؟؟ متى قلت ؟؟؟
المهم وبعد جهد جهيد قرروا كل وحده تدفع عن نفسها مثل العاده بس لازم يسوون الفلم اللي قبل شوي الا احيانا ينزل الكرم فجأه على وحده منهم وتدفع لهم لوووووووول ..
وتغدوا وكل وحده ضفت عفشها وطست لبيتها ..!!

××××××××××××

[العصر الساعه 4 ونص في بيت أبو نواف]
كانت نجلاء في غرفتها وتعصر مخها وتفكر انها تطلع هي
وشلتها .. ودقت على مشاعل ..
مشاعل بهبالها : اهلن اهلن
نجلاء بملل : اهلين شخبارك ؟
مشاعل : بخير دامني بخير انتي كيفك اكيد بخير يوم سمعتي صوتي!
نجلاء : ايه مره المهم بسألك وش رايك نطلع ؟
مشاعل تستهبل : قدام
نجلاء : ههههههه انتي قاعده مع مين قبل شوي ؟
مشاعل : مع خيو سليطين
نجلاء : اها
مشاعل : المهم وين نطلع ؟!
نجلاء : اممممممم وش رايك نروح فانتزي ؟
مشاعل : اووكي بس قلتي للبنات ؟
نجلاء : لا قلتلك قبل
مشاعل : طيب دقي عليهم اجل
نجلاء : طييييب
مشاعل : يلا طسي بايو
نجلاء : وجع طسي انتي بايات

××××××××××××
ودقت نجلاء على البنات .. واتفقوا يطلعون
الساعه 7 المغرب ..
×××××××××××××
الساعه 7 طلعت نجلاء من بيتهم ومرت مشاعل اللي طلعت لها قرون لوووول على ماطلعت هالبارده .. وبعدها راحت بيت ديما واخر شي مرت بيت ريم ويدقون على جوالها ولا ترد!
وديما دقت على بيتهم وردت ام ريم وقالت انها نايمه !
نجلاء عصبت : عمى ان شاءالله هذا واحنا قايلين لها اجل لو ماقلنا لها..!!!!
مشاعل : روووقي خلاص الحين تصحى
ديما : والله ما اتوقع ريموه اذا نامت انسي تصحى
واخر شي اتفقوا انهم ينزلون بنفسهم يصحونها ..
دقت ديما على بيت ريم وردت امها : الو
ديما : اهلين خالتي
ام ريم : هلا والله حبيبتي شخبارك ؟ شخبار الوالده ؟
ديما : كلنا تمام انتي كيفك خالتي ؟
ام ريم : بخير الحمدلله
ديما : خالتي الله لايهينك عادي انا والبنات نروح
نصحي ريموه ؟؟
ام ريم : ايه هوو حياكم الله البيت بيتكم
ديما : تسلمين ياخالتي يلا مع السلامه
ام ريم : فمان الله
×××××××××××
ونزلوا البنات ودخلوا وسلموا على ام ريم ..
ورقوا فوق لغرفه ريم .. طبعا ام النذاله اللي هي
مشاعل قالت لديما ونجلاء : لازم نسوي لها شي يرد لطعتنا عن باب بيتهم..! [لطعتنا//قعدتنا!!]
نجلاء وديما بنذاله : طبعا طبعا..!!!
ودخلوا الغرفه بهدووووووووء .. وكانت بارده ومن جد الوضع يساعد انو الواحد ينام .. اول شي عملوه طفوا المكيف .. وجابوا شويه صابون ومويه وحطوه على الارض عشان اول ماتقوم تزلق .. طمرت نجلاء لسيارتها وجابت لهم ماسكات تخوف الواحد .. ولبسوا وقفلوا الباب وطفوا الانوار ومشاعل من وراها فتحت علبه مويه بارده وكبتها عليها ..
قامت ريم مرتاعه واستغربت الظلام ..! وغير كذا مين اللي كب عليها مويه وهي ماتشوف احد .. فجأه مشاعل من وراها مسكتها مع خصرها .. التفت ريم بسرعه تشوف مين ؟
الا صرخت صرخه الله لا يوريكم ونطت من السرير للجهه الثانيه .. مامداها تحط رجلها على الارض الا زلقت وبسرعه نطوا البنات عندها وصاروا يمسكون فيها ويستهبلون وريم ياحياتي تصارخ ومسكره عيونها واخر شي نزلت عليهم الرحمه وتركوها وبعدوا عنها .. وقامت ريم بسررررعه وهي تصيح وخايفه بتشغل اللمبه توها حاطه يدها الا ديما تمسكها وتسكر عيونها وهي تصارخ وتجي مشاعل وتمسكها معها ويسكرون
فمها .. نجلاء هبلت فيها واخر شي شغلت اللمبه وهم فكوا الماسكات ..
وقالوا مع بعض : تعيشين وتاكلين غيرها ههههههههههههههه
ريم لا شعوريا قامت تصيح زياده ..
المهم التزموا الصمت وقاموا يهدون فيها وباليالله هدت شوي وفجأه بوقت غير مناسب قامت مشاعل تضحك بقووووه لدرجه انها قامت تدمع عيونها ..
نجلاء : مشاعلوه وجع وش فيك ؟
مشاعل وهي باليالله تتكلم من كثر الضحك : امانه هههههه شفتوا شكلها هههههههههههههههه
وقاموا بالاخير يضحكون كلهم على شكل ريم ..
ريم عصبت وقامت تضربهم وبالاخير استسلمت
وقامت تضحك معاهم ..
ريم : ليش سويتوا فيني كذا ؟
نجلاء : هذا جزا اللي يلطعنا عند الباب
ريم : وش اسوي قلت باخذ غفوه ومسكتها نومه
ديما تتريق عليها : مره ثانيه لا تمسكينها
وبعد ربع ساعه طلعوا .. وتوهم بيركبون السياره الا ريم
وديما يتهاوشون مين يركب قدام ..!
مشاعل : لا انتي ولا هي انا
ديما : لا والله ؟
ريم : على كيفك هو ؟؟
مشاعل : ايه على كيفي اجل على كيفك !
نجلاء عصبت : اقول انتي وهي انقلعوا كلكم ورا
ريم : لا انا بركب قدام
ديما : لا انا
مشاعل : خلاص لا تصيحون علينا وحده في الروحه
ووحده بالرجعه
ريم : شايفتنا بزارين ؟
مشاعل : انتي وش شايفه نفسك ؟؟؟
نجلاء صرخت عليهم : وجع ان شاءالله خلاص ديموه الحين وريموه واحنا راجعين ولا يكثر انتي وهي
وركبت ديما قدام .. ومشاعل وريم ورا ..

××××××××××××××

وش تتوقعون يصير لهم هناك ؟
واي شخصيه تحسونها اعجبتكم ؟ وليش ؟
الرجاء بعد القراءة الرد بسرعة شكرا
مع تحيات محمود فطافطة (احلى حب )
 
مشكوووووووووووووووووووووووورة بس ليش مالخصتيها تعبت وأنا أطالع على العموم مشكووووووووووووووووووووووووووووووووووووووووووووووووووورة
 
عودة
أعلى