الكلمه الجارحه

الشعر, قصيدة , شعراء, القصايد ارسال إلى Twitter ارسال إلى facebook
  1. السحاااااااااااب
    08-07-2009, 11:36 PM

    الكلمه الجارحه

    الكلمه الجارحه


    الكلمه اللي قلتها لي جارحه

    ...............أخطيت فيها وانت عارفٍ درب الصواب

    ماني بناسي ويش سوّيت البارحه

    .....................أسألك ومارضيت تعطيني جواب

    خلاص انا عرفت وين كنتي رايحه

    ................وأيقنت إنه مايملى عينك غير التراب

    إعتبري إنك من إعيوني طايحه

    ......................وماعاد عندي لك لوم ولا عتاب

    اللي بلاني فيك الله لايسامحه

    ..................خلاّني أضيّع معك عمري والشباب
  2. قلم عابر
    08-07-2009, 11:59 PM

    الكلمه الجارحه


    السحاب


    اولاً صح لسانك .. فكره راقيه بمعناها


    ثانياً اخوي ابيك تقبل ردي بكل سعة صدر


    لاني والله ماقوله لك إلا من باب الفايده لا اقل ولا اكثر


    وإنه نقد بناء وليس هدام


    اخوي


    ابياتك ينقصها الوزن ، فلو لاحظت ان بعض الابيات على بحر المسحوب


    وبعض الابيات على البحر الهلالي


    ومحد انولد من بطن امه عالم


    انا ويشهد علي الله اني ماكنت حتى اسم البحر اعرفه من فتره ماهي بعيده


    وانت واضح إن عندك الفكره ، وهذي تُعتبر موهبه اللي هي الفكره


    وانت تملك هالموهبه ، ف أنا قبل فتره والله ماكنت اعرف وش البحر .. وحتى وش معنى البحر ماكنت اعرفه


    لكن كانت عندي موهبة الفكره ، فتسهلت الامور علي والحمدلله من فضل ربي سبحانه كل شاعر ويضرب لي حساب


    ومو غرور ولا كبر ، الكبر لله وحده سبحانه


    لكن الدليل على كلامي ان اسمي وارد بقوقل


    وماظن ينقصك اي شيء .. هو فيني


    موهبه .. اي تمتلك موهبه


    وكنت مثلك ما املك غير الموهبه .. لكن بس يبي لك وقت تتقن الوزن


    ياليت اخوي ان صدرك يكون وسيع وتتقبل نقدي / كنقد بناء وليس هدام


    ويعلم الله اني ارد عليك واكتب لك ، والاحراج متملكني


    رغم ان غيري يحبطك .. وإن شاءالله ماكون سبب احباط


    تقبل مروري
  3. السحاااااااااااب
    09-07-2009, 12:28 AM

    الكلمه الجارحه


    مشكور اخوي فهد على المرور الغالي وصح بدنك وعادي اخوي تنتقدني انت أوغيرك أهم شئ عندي أنا أكون مقتنع بقصائدي

    حتى لو الغير إنتقدني يعطيك العافيه تقبل تحياتي وتقديري
  4. فيجيتا
    09-07-2009, 04:10 AM

    الكلمه الجارحه


    والله قصايدكم عجيبة كيف اكتب وحده؟
  5. السحاااااااااااب
    10-07-2009, 07:34 AM

    الكلمه الجارحه


    المشاركة الأصلية كتبت بواسطة فيجيتا
    والله قصايدكم عجيبة كيف اكتب وحده؟
    الله يعطيك العافيه على امرور تقبل ودي
  6. طير القوافي
    09-09-2010, 07:23 AM

    رد: الكلمه الجارحه

    الكلمه الجارحه



    صح لسانك


    خالص ودي
    طير القوافي
  7. السحاااااااااااب
    22-09-2010, 10:15 PM

    رد: الكلمه الجارحه

    الكلمه الجارحه


    المشاركة الأصلية كتبت بواسطة طير القوافي
    صح لسانك


    خالص ودي
    طير القوافي
    صح بدنك اخوي الغالي تقبل خالص تحياتي وتقديري