مجنونك

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. قلم عابر
      08-07-2009, 02:02 PM

      مجنونك

      مجنونك


      السلام عليكم ورحمة الله وبركاته


      قصيده اتمنى تعجبكم .. رغم اني حذفت الكثير من الابيات


      عساني ماتعدى الخط الاحمر :)


      مجنونك


      .
      .
      .



      مساء الخير اقدمها مساء الخير لاعيانك
      صباح الخير ابحفظها صباح الخير لعيونك

      مساء الخير ياقوس مزج لونه من الوانك
      صباح ازرق فضاء لونه مزج لونه على لونك

      مساء اسود اخذ لونه جديل يلاعب امتانك
      صباح ابيض يشع نوره شعاع ابيض من متونك

      مساء ورقته تخجل من عيونك وسيقانك
      صباح يموت من حسنك صباح يموت مبطونك

      مساء اروع مساء انتي مساء من روعة اجفانك
      صباح احلى صباح انتي صباح يداعب جفونك

      مساء شاعر يجر القاف يموت بروعة اوزانك
      صباح اشعار لعيونك بناظر عين موزونك

      اجيب القاف لعيونك واسخرها على الحانك
      تجن كلمه / و يعقل حرف / واروضها على لحونك

      ابي انال اعجابك وابستحوذ على اذهانك
      اجيب الصدر في أنك ، واجيب العجز في أونك

      انا ماكنت مديونك انا اللي كنت ديانك
      انا ماكنت اصدق يوم يجي واكون مديونك

      قسم بالله انا عاقل قبل اشوفه اجنانك
      انا عاقل معا غيرك وفيك اموت مجنونك

      انا جنك ومجنونك انا هوسك وشيطانك
      وانا معلون في حبك وانا ساحرك ملعونك

      وانا كلي على كلي اجي وارجيه اوطانك
      على ماطاب سكينك ( فهد ) سميه مطعونك

      انا مبطي متيم بك وسكرانك ونعسانك
      ابي احياك واصحابك دخيلك قدم صحونك

      انا اسكرك واصحابك ومجنونك وسكرانك
      اموت بثقل اخلاقك واموت بروعة جنونك

      انا مدمنك ثملانك سكير بخمرة السانك
      وخمري اعرفه خمري تراه يذوب بسنونك

      دلع / فتنه / على طيبه / غنج / هاذول سكانك
      مقدس للجمال اسمك كان الحسن مسكونك

      انا نورك وانوارك وانا عودك ودخانك
      وانا جمر احترق فيني كاني جمر غليونك

      انا مؤمن على دينك وبمحمد وقرانك
      وانا مؤمن بإن الخلق / جمال / وذوق / يدعونك

      وانا مؤمن بإنك شيء يمثل خير اقرانك
      تفرعن فيك فرعونك وانا مؤمن بفرعونك

      تخيلتك كما طفله وانتي بين خلانك
      وحسدت اللي لمس ايدك وصلصالك ومعجونك

      تبعثر كل مافيني رجيته رحمة إحسانك
      اجل وشلون لو شفتك نفختي فم بالونك

      دخيل اهلك وحق الله وحق امك واخوانك
      يبوسه الثراء ماطاك على هونك على هونك

      تعاطاك الضمير وصار مدمن جرعة ادمانك
      جنا قلبي على قلبي بسيف كان مسنونك

      ابي حق الضمير اللي ترك صدري لوديانك
      وابي حق العتاب اللي ملا صدري يلومونك

      ابي لاجيت من جوري ابي تشرعلي بيبانك
      واقول اني وحق الشمس وحق الليل مفتونك

      ابيك ابداخلي عذراء وابي اكون سجانك
      صبر اسف أنا اسف أبي اكون مسجونك

      ابي ابحر وسط قلبك وابي اكون قبطانك
      وابي ارضخ على امرك واطيع امرك وقانونك

      وابي اهيم في داخلك وابي اكون مليانك
      وابي احفظ لك اسرارك يصون الود مصيونك

      عجيبه لوحة وصوفك رسمك الحسن فنانك
      خضع شانه وإيمانه وتحسبلك من فنونك

      عطاك الله جمال الحور عطاك الله واعانك
      عطاك ولا بخل سواك دخيل الله يا عونك

      جميله بكل حالاتك وربي مذهل ازمانك
      وربي ماخلق ربي مثل زينك وفي كونك

      روايه من خرافاتي توحد بك وثم كانك
      امرك الحسن لبي له يبيك تكون ويكونك

      تعالي لي انا بيرك ابروي جوف عطشانك
      تعالي لي انا ارضك ابزرع فيك واكونك

      تعالي لي انا شعبك تعالي بكل سلطانك
      انا واحد لاجل غيرك ، وانا ثنينك ومليونك

      تعالي والعمر مره تعالي اعسف احصانك
      تعالي صدري اوطانك صعيبه دكة حصونك

      تعالي داوي اجروحي تعالي قلب تعبانك
      وانا والله وحق الله انا وكلي يطيعونك

      تعالي وافرحي فيني وخلي الكل غيرانك
      انا شاعرك سهرانك يموت الغير مغبونك

      وكل رجل بهالدنيا يجي عطشان ضميانك
      تعالي وامطري قلبي عسى تحييه مضنونك

      وقلبي وش ورى قلبي إذا ما مات باحضانك
      وش الدنيا إذا الطاري خلا منها ومن دونك

      وإذا تبغين ويش السر وليه اكتب علشانك
      شوفي بسمة اشفاهك وسحر الدمع بعيونك

      صحيح إني قبل يومين قلبي اذنب وخانك
      وانا حالف إذا غبتي معا طيفك اباخونك

      ولولا الخوف من ربي واخاف احط بإيمانك
      اقول إني انا وقلبي وكل مابي يعبدونك

      صدمتك روعة حروفي وطيب اعماق فتانك
      بلاش اشعار ياقلبي إلا انتي وشلونك

      يقولون إنك بإتم الحال سليم احوال وابدانك
      عساهم فدوة اقدامك عساهم دوم يفدونك

      ادري نلت إعجابك قولي صحة السانك
      واقول صح الله ابدانك مع التوقيع .. مجنونك ..


      .
      .
      .


      فهد خلف الشمري
      250*300 Second
    2. طير القوافي
      08-07-2009, 03:46 PM

      مجنونك


      مساء شاعر يجر القاف يموت بروعة اوزانك
      صباح اشعار لعيونك بناظر عين موزونك

      اجيب القاف لعيونك واسخرها على الحانك
      تجن كلمه / و يعقل حرف / واروضها على لحونك









      يقولون إنك بإتم الحال سليم احوال وابدانك
      عساهم فدوة اقدامك عساهم دوم يفدونك

      ادري نلت إعجابك قولي صحة السانك
      واقول صح الله ابدانك مع التوقيع .. مجنونك ..

      صح لسانك وعتلا شانك نص مميز وجميل ماشاء اله عليك
      يعطيك الف الف الف عافيه
      مودتي
    3. ( كل ** الغلا )
      08-07-2009, 03:56 PM

      مجنونك


      تخيلتك كما طفله وانتي بين خلانك
      وحسدت اللي لمس ايدك وصلصالك ومعجونك

      يعطيك العافية
    4. رعبوب شمر
      08-07-2009, 06:16 PM

      مجنونك


      وقلبي وش ورى قلبي إذا ما مات باحضانك
      وش الدنيا إذا الطاري خلا منها ومن دونك

      يعطيك العافية ودمت بخير
    5. ضمي المشاعر
      08-07-2009, 10:39 PM

      مجنونك


      صح بوووووووووووحك

      تميز وابداع

      اقف عاجزه عن شكرك .

      بحق مبدع يالغلا

      في انتظار جديدك ..

      //

      كل الود
    6. *مزون شمر*
      09-07-2009, 12:07 AM

      مجنونك


      فهد
      ماشاءالله عليك
      رائع بكل معنى الكلمه
      قصيدة رائعه
      صح السانك ولاهنت
      وربي يعطيك العافيه
      تستاهل التثبيت
      دمت ودام نبضك
      ولاعدمناك
    7. السحاااااااااااب
      09-07-2009, 12:46 AM

      مجنونك


      صح لسانك أخوي الغالي والله يعطيك العافيه تقبل مروري مع تحياتي
    8. دنياالوله
      12-07-2009, 11:52 AM

      مجنونك


      دامت المحبه
      ودام عشقك المجنون
      يجر القاف بأحلى الالحان
      ابدعت
      صح لسانك