قصيدة لاهنت - طلال الرشيد

ديوان الشاعر طلال الرشيد - الملتاع ارسال إلى Twitter ارسال إلى facebook
  1. *مزون شمر*
    04-07-2009, 09:10 PM

    قصيدة لاهنت - طلال الرشيد

    قصيدة لاهنت - طلال الرشيد


    لاهنت...
    قل لي من انت ؟!
    يا اللي أعرفك وجه..
    وحروف ودار..
    يا اللي بعينك ثلج ..
    تدفي فيه نار!


    يا صاحبي الرحال..
    مايشبهك إلا الخيال !


    يا اللي أعرفك مثل اسمي ..
    مثل رسمي ..
    مثل إحساسي ونفسي !..
    يا اللي اجهلك ..
    مثل الأمل والغيب !
    ياصاحبي :
    لانت بعيد .. ولاقريب !
    يا انت غريب !..
    قاسي أبد مايوم لنت ...
    وباعرف من انت ؟!


    جيت لك مثل أمس،
    وجيتني مثل باكر !...
    قلت لك - لو كنت فاكر -
    إني بعمري عرفتك ..
    وإني ما عمري عرفتك!..

    جيتني مثل هم ،
    وجيت لك مثل نجوى !..
    قلت لك : والله ما اقوى ..
    إني أتحمل غموضك !
    صاحبي : من به يعوضك ؟!
    إنت السؤال...
    تنساه كل الأجوبة !...
    مثل الخيال..
    عجزت حقيقة تقربه !



    جيت لك يوم اللقا ،
    جيتني يوم الوداع !..
    قلت لي : فل الشراع ..
    رحلة ضياع !
    يا ديرتي اللي ادلها البارح...


    وضيعتها اليوم ،
    وضيعت معها النوم ،
    ولحاف روحي و الحلوم ،
    وبرد الشتا جارح !
    وكل العيون تلوم !



    يا الواضح الغامض ..
    يا العاذل الواعظ ..
    في يوم عرس الشمس ..
    كل الظلام اللي حضر مرفوض !
    أنا أكره اللي أكرهه فيك
    الغموض ،
    وأحب اللي ينوض ب مبسمك او بالنحر !
    وأحب اليم الأظلم ..
    في العيون ...وفي الشعر !
    وإن كان تسأل من أنا ؟!
    أنا اللي في دنياك أبد ماقد
    امنت !
    ويمكن ...
    أنا : أنت !!
  2. ع ـزتي خلتني ـآم ـير
    08-07-2009, 12:15 PM

    قصيدة لاهنت - طلال الرشيد


    مشكوره

    على الابيات الروعه


    تقبلي مروري

    الامبراطور @ وفيت @


    ننتضر جديدك
  3. الغامضة
    08-07-2009, 02:11 PM

    قصيدة لاهنت - طلال الرشيد


    مشكورة
  4. طير القوافي
    30-08-2010, 09:14 PM

    رد: قصيدة لاهنت - طلال الرشيد

    قصيدة لاهنت - طلال الرشيد


    صح لسانه وهنتم

    ثرايا وابداعات
  5. أنا وبس
    01-12-2012, 02:55 AM

    رد: قصيدة لاهنت - طلال الرشيد

    قصيدة لاهنت - طلال الرشيد



    لا هنت لا نت على الغموض ولا لنت

    قوية بما يكفي وجزلة

    رحمة الله عليك

  6. مهدي و
    09-09-2014, 04:24 PM

    رد: قصيدة لاهنت - طلال الرشيد

    قصيدة لاهنت - طلال الرشيد


    عاشت هل كلمات

    Sent from my GT-I9105 using منتدى عبير mobile app
  7. المريسي
    08-09-2015, 09:03 AM

    رد: قصيدة لاهنت - طلال الرشيد

    قصيدة لاهنت - طلال الرشيد


    شكرا عالكلمات

    تحياتي