وأتمنى الصبح يغفى يمكن إيجيبك مساك !

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. ¬•,أنثى إستثنآأإئيه }
      03-07-2009, 02:38 PM

      وأتمنى الصبح يغفى يمكن إيجيبك مساك !

      وأتمنى الصبح يغفى يمكن إيجيبك مساك !





      واتحرى ( الصبح يصحى ) ..... وأبتديه بركعتين ..!
      وامتطي صهوة سكوتي ........ واتطأطأ لك ( هناك )


      يصطفق ه ( التيه ) وجهي ، وإيتساقط لك أنين ...
      ممتلي جوفي ( غيابك ) ...... جيتك أملاني / أناك !


      لامتى ( والصبر شيخن ) .. ملتحف ( ثوب الحنين ) ؟
      لامتى ( والشوق طفلن ) ..... محتضن ( همه ) يباك ؟


      جيتلك والقلب يصرخ .. ل ( اخرك ) ياهيييييه لين !!
      طالبك تضوي شموعن ...... ذابت / ( إبحروة لقاك )


      ماتشوف ( الغيم ) ذايب .. في ( زهور الياسمين ) ..
      يعشقة !
      يخشى ذبولة !!
      يفتدية إمن الهلاك !!!


      ماتشوف ( الليل ) يسهر ... في لقا ( صبحه ) سنين
      ينطره !
      يلبس نجومه !!
      يحرسة كنه ( ملاك ) !!!


      ماتشوف الشمس ( ليلى ) ... ( قيسها ) بدر حزين ،
      تشرقة !
      تعشق ضياءه !!
      تختشي هذا وذاك !!!


      كنت اهز الغيم ( يغرق ) .... من هماليك // جبين !!!
      كنت اغيض الشمس لانك .... بس تمنحني ( دفاك ) ،


      كنت احب ( الصيف ) لاجلك .... واتمنى توت / تين !
      كنت تسقيني ( وصالك ) .... يثمر بروحي ( غلاك ) ،


      من سنه ( والغيم ) يسقي ( وحدتي ) بالحزن / دين !
      شوفني ( لازلت صحرا ) ( كيف ترضى لي اذاك ) ؟؟؟


      يعني : هذا اللي ( بغيته ) .... تترك الحسرة ( تبين )
      شوفني بعدك ( اعاني ) .. وانت ( مهملني / وراك ) .


      عاشقك ( حلمه ) تضايق .. لاغرق بالدمع / عين ..!
      مغرمك ه ( الوقت شحة ) .. ( شاخ ) ليله ماغفاك ،


      عاشقك ( صدره بدونك ) .. صار ( للضيقه سجين ) ..
      ينطرك والدهر عدى ...... وانت تلحقة / إب جفاك ..


      دام ناوي في ( بعادك ) .... خلني أو ( قووول وين ..
      راح تاخذني بدوني ../ ثم : ترحل بي معاك ) ؟؟؟


      و ...... اتريق ( عشق ذابل ) .. وابني الاحلام / طين ،
      واتمنى ( الصبح ) يغفى ... يمكن ... إيجيبك مساك !


      ابتديت الدرب ( رحلة ) ..... وانتهيت / إب خطوتين ..
      وامتطيت الصمت .. وابقى .. ( ريح تاهت في مداك )



      الشاعر المبدع :: ناصر بن حسين
      250*300 Second
    2. *مزون شمر*
      03-07-2009, 06:40 PM

      وأتمنى الصبح يغفى يمكن إيجيبك مساك !


      قصيدة في قمة الروعه
      صح السان الشاعر
      وتسلم يمينك عالنقل الراقي
      كوني بخير
    3. Ẳ£๓ỉяέќħĭά
      04-07-2009, 02:37 AM

      وأتمنى الصبح يغفى يمكن إيجيبك مساك !


      ولا ارووووع هدوووش


      لاهنتي ع النقل ..
    4. ¬•,أنثى إستثنآأإئيه }
      04-07-2009, 04:51 AM

      وأتمنى الصبح يغفى يمكن إيجيبك مساك !


      المشاركة الأصلية كتبت بواسطة *مزون شمر*
      قصيدة في قمة الروعه
      صح السان الشاعر
      وتسلم يمينك عالنقل الراقي
      كوني بخير

      يسعدلي قلبك عالمروور وربي ...

      ودي عزيزتي
    5. ¬•,أنثى إستثنآأإئيه }
      04-07-2009, 04:52 AM

      وأتمنى الصبح يغفى يمكن إيجيبك مساك !


      المشاركة الأصلية كتبت بواسطة بنت المريخي
      ولا ارووووع هدوووش


      لاهنتي ع النقل ..

      تواجدك الاروع فديت حضورك ياقلبي انتي ..

      ودي
    6. روح مشرقة
      04-07-2009, 05:55 AM

      وأتمنى الصبح يغفى يمكن إيجيبك مساك !


      الله يعطيك العافيه اختي
    7. ¬•,أنثى إستثنآأإئيه }
      04-07-2009, 06:19 AM

      وأتمنى الصبح يغفى يمكن إيجيبك مساك !


      المشاركة الأصلية كتبت بواسطة اخت الجروح
      الله يعطيك العافيه اختي

      منوووره ياقلبي .. يعافيك رربي دووم ..

      ودي