12

بنت الرجال

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. قلم عابر
      02-07-2009, 11:07 PM

      بنت الرجال

      بنت الرجال


      السلام عليكم ورحمة الله وبركاته



      اتمنى ان تجد مكانا لها في ذائقتكم


      بنت الرجال


      .
      .
      .



      اللي تغني بالقمر فوق مبناه
      وشلون لو يدري بالثراء فيه قمراء

      كمله خلاقي مع الزين واعطاه
      مالاق لي غيره مع الزين سمراء

      طيبه ، وحشمه / كل ابوها مزاياه
      من فعلها ياجاير الوقت ، تبراء

      تسقي عطاشا يبس الضيم اشفاه
      وتشبع جواعا مانوت يوم ، مسراء

      لو شافها طفل صغير بمرباه
      يجنبه جنه ، ويزداد عشراء

      زول الظبي لامن تباها بممشاه
      ربي خلقها بين الاشواك زهراء

      بنت الرجال اللي كريم سواياه
      اللي حظن صفر المعاميل جمراء

      لامن لفاه الضيف ينحرله الشاه
      يسبق سلامه ، ودلة السيف / تمراء

      ابوها اللي محلي الصيت ذكراه
      يارد على العطشان ويسقيه نهراء

      ابوها بير اعذب المي من ماه
      ابوها رمح للمعادين حمراء

      واخوها اللي مايحسب عطاياه
      له الكرم / والطيب / والعز ، اسراء

      هذاك اللي تفتخر فيه يمناه
      لامن عطت يمناه ، تحتار يسراء

      ومحبوبتي قلب كبير وابلجاه
      لامن لفاني من عناء الوقت عبراء

      احبها واحب امه مع اباه
      ياغيمة تسقي لي الارض خبراء

      وانا عضيده لانوى الوقت ينساه
      يدلني لامن غثاء الوقت عثراء

      ازرع بقلب الموت رعب ولو جاه
      شلفاي في يسراء ويمناي عجراء

      اكتب على لحن الطروق المغناه
      واحفظ بحور الشعر غيبا وجهراء

      اكتب قصيده شامخه قافها اه
      شاعر ويعرفني صغارا وكبراء

      شاعر غضب بركان في داخل احشاه
      لو ماسمعه البعض له البعض يقراء

      شاعر فخر / شاعر حزن ، والمعاناه
      شاعر ورمحه مستقر بظهراء

      واكبر دليلي بالشعر قبل لنساه
      هو انت ياللي بصفحتي الحين ، تقراء

      محبوبتي عمر طويل وابهناه
      والله ما انساه ولو طال دهراء

      انتي قمر خمسة عشر في حلاياه
      النجم نجمك وانت يالبدر بدراء

      انتي ضياع للوجيه المحلاه
      لولا حلا خدك غدا الكل غبراء

      انتي فخر لاهل الوجيه المغطاه
      ياتاج كل بنت / مسماه : عذراء



      .
      .
      .


      فهد خلف الشمري
      250*300 Second
    2. ألماس شمر
      02-07-2009, 11:11 PM

      بنت الرجال


      صح الله لسانك

      سلمت يمناك على هالكلمات الراقيه
    3. *مزون شمر*
      02-07-2009, 11:15 PM

      بنت الرجال


      الله الله
      حياك الله فهد
      وحي الله الشعر الراقي
      الذي نسعد به و بقرأته
      قصيدة رائعه بروعة حضورك
      صح السانك ولا هنت
      وربي يعطيك العافيه
      تقبل مرووري
    4. قلم عابر
      02-07-2009, 11:21 PM

      بنت الرجال


      الماس شمر


      مزون شمر


      ياهلا بنات شمر


      والله الذي لا إله إلا هو ان مروركم اسعدني


      ومصافحتكم تعني لي الكثير


      الف شكر على المرور


      والف شكر يا مزون على التثبيت


      لاهنت
    5. قرين الليل
      02-07-2009, 11:23 PM

      بنت الرجال


      ونعم اخوي فهد

      قصيدة جزلة من شاعر
      جزل

      الله يسلمك ويسعدك

      وصح لسانك ولا هنت


      تحياتي لك
    6. قلم عابر
      02-07-2009, 11:34 PM

      بنت الرجال


      اخوي قرين الليل


      ماعليك زود ياخلفهم والزود للرخوم


      لاهنت وصح بدنك ونبض قلبك


      والله يسمع منا ومنك ، ويرزقك الجنه


      شاكر لك مرورك الطاهر


      دمت كما انت
    7. فتى الظل
      02-07-2009, 11:48 PM

      بنت الرجال


      أخوي فهد ....

      صح لسانك قصيده جزله من شاعر جزل

      تحياتي
    8. لحن المشاعر
      02-07-2009, 11:52 PM

      بنت الرجال


      بصراحه يضيع الحكي

      لامن جيت ابعلق

      على ابيات جزيله

      تهز حتى لجنة التحكيم

      وصح لسانك وسلمت يمناك

      وشكرا لطرحك واتمنى انها تبقى مثبته

      تحياتي
    9. قلم عابر
      03-07-2009, 06:33 PM

      بنت الرجال


      فتى الظل


      صح الله بدنك ، ونبض قلبك


      وشاكر لك مرورك


      وبيض الله وجهك


      دمت كما انت
    10. قلم عابر
      03-07-2009, 06:34 PM

      بنت الرجال


      لحن المشاعر


      الله لايهينك على الاطراء


      وبيض الله وجهك ، وربي يسعدك


      صح الله بدنك ، ونبض قلبك


      شاكر لك مرورك واطرائك


      دمت كما انت
    12