حكايتي بمطعم ماك

اجمل نكت مضحكة - اضحك على سوالف الشباب والبنات
  • ارسال إلى Twitter
  • ارسال إلى facebook
  • ارسال إلى google plus
    1. منتهى الرقه
      02-07-2009, 01:55 AM

      حكايتي بمطعم ماك

      حكايتي بمطعم ماك


      السلام عليكم ..

      حكايتي مع مطعم ماك جابت لي الصداع .. اي واحد يروح مع بزران ل مطعم مايحصل له خير ابد ..

      قررت عائلتي الموقره تغير الجو قبل ايام الاختبارات <- على قولتهم ..

      فقالو نوديكم ل ماك تغيرون الجو قبل ايام الاختبارات .. وقبل الحبس بالبيت

      قلنا اوكي .. مشششينا .. طبعا رحنا ومعنا مية بزر ورانا

      المهم اول مادخلنا التفت ورا ماألاقيهم ياربي وينهم .. الاقيهم رايحين لمكان الالعاب ..

      اروح لهم مسسرعه .. واقولهم يلعن ابليسكم شوي شوي فشلتونا اللي يشوفكم يقول هذولي ماشافو خير <<< - طبعا لاحياة لمن تنادي .. لأني اكتشفت اني اكلم نفسي

      رحت وانا اهلي واخذنا طاولتين وحده لنا والثانيه لبزران قريح

      يوم جينا نطلب .. مالقينا منيو ع الطاوله ولا احد من الوظفين فكر يعطينا .. رحت للموظف ..

      انا : لو سمحت عطني منيو
      هو: ............
      انا :
      هو: شو اختي << - لبناني لابارك الله فيه <- قاهرني
      انا: لو سمحت ممكن تعطيني المنيو .. <<

      المهم اعطانياه واروح لأهلي .. ومن صلت عندهم .. وادور المنيو اللي كان بيدي ..؟ ياربي وينه ؟ والتفت والقاه معاهم وكل واحد يتهاوش مع امه .. والتفت والاقي وحده من الجميلات هي وولدها يتهاوشون ( ولدها : والله انا ابي هذي الوجبه ماعلي منك .. الام : لا مافيه بأطلب لك مثل اخوك هالوجبه .. ولدها : والله ماكلها كليها انتي وولدك ال ..... الام : انطق والله لأكلم السواق يرجعك للبيت يلا طس عن وجهي )

      انا :

      طبعا انا على مايطلبون العائله الكريمه قلت اروح اشتري ايسكريم ( احب ايسكريم ماك اللي فيه اوريو <- ناسيه اسمه ككك ) رحت وطلبت وجلست اكل بأمان ..

      التفت علي وحده ثانيه من الجميلات ,, : الله يخليك ايش رايك تروحين تطلبين لنا .. ؟

      انا : اوك ايش تبون ..

      هي وهي 2 وهي 3 وهو1 وهو2 وهو3 ..... الخ .. : نبي ............................................... الخ ..

      انا : شوي شوي علي مو كذا بأضيع

      المهم رحت وطلبت وساعه افهم هالهندي وهو يتفلسف علي بالأنقلش وانا مادري وش يقول

      وانا جالسه اطلب واحس احد يسحب عباتي <<

      والتفت والاقيها وحده من البزران ,,

      هي : اقول لاتنسين طلبي وابي ايسكريم مثلك
      انا : ماراح انسى والايسكريم قلتي لأمك انك راح تطلبين ؟
      هي: لا بس ابي
      انا : اجل طسي عن وجهي .. روحي قولي لامك اول ..
      هي : مو على كييييييييفك .. والله بأكل ايسكريمك تشوفين ..
      (( توني بأمسكها وراحت ترررركضضضضض قهرتني وربي هالنقطه تنافخ علي قدام الناس ))
      طلبت ورجعت للمكان اللي فيه اهلي .. وادور ايسكريمي .. ياربي وينه لايكون هالدوبا اكلته صدق ..
      والتفت على اهلي ..
      انا : وين ايسكريمي ؟
      هم : يؤ ماخلصتي منه ..
      انا : لا توني حتى ماكلت شي توني باديه بسم الله
      هم: اجل حطيناه بالزباله
      انا: خيييييييير
      هم: على بالنا خلصتي
      انا :

      ::

      جلسنا شوي واروح اشوف الطلب جهز ولا لا .. واخذ معي نفرين كككك وياليتني ماخذتهم
      وألاقي الطلب جهز واروح اشيله انا وهاللي معي يوم وصلت وكل واحد بدا ياخذ وجبته ..
      وكل بزر يتهاوش مع الثاني ..

      بزر 1 : هيييييه هيييه انت هات وجبتي شكلك ناوي تاكلها
      بزر2 : لا والله هذي وجبتي انا قايل لغلا تطلبها لي ..
      بزر1 : على كيف امك هو روح اسأل غلا وربي انا اللي قلت لها ابي هالوجبه ..
      بزر 1 أند 2 : غلا
      انا : نعم خييييير .. ؟ <<---- نفذ الصبر ..
      هم : من طالب هالوجبه بالله
      انا : وانا وش دراني كلو وانتم ساكتين ..
      هم : علمينا من وجبته
      انا : وش دراني خلوني اعرف وجبتي انا عشان اعرف ايش وجبت كل واحد فيكم

      جتني اختي ..

      هي : غلا الحين فيه وجبتين ماك عربي لمين .. ؟
      انا : مادري مين باقي ماخذ ..
      هي : محد الكل ماخذ شكلها زايده روحي رجعيها ..
      انا : طيب

      ::

      رحت ورجعت الوجبات ..
      البناني : اختي هاتي البطاطس والكولا .. عشان نرجع لك فلوسك ..
      انا : ايش حجمهم عشان احنا طلبنا كثير وماني متذكره ايش جا مع هالوجبتين ..
      اللبناني : حجم L
      انا : اوك ..

      ::

      رجعت لأهلي ..

      وجلست سنه على ماطلع هالبطاطس والكولا .. واخر شي لقيت بطاطسين L وواحد كولا M والثاني L .. قلت لهم .. : ياعالم هو يقول كلهم L مين اللي مبدل الكولا حقته بحجم اكبر ..
      الكل ساكت ..

      اختي : ماندري والله .. وديه عادي ماراح يقول شي ..
      انا : طيييييب ..

      ::

      رجعت له ولقيت عنده عجوز تصصارخ وتقول له عطني منديييل ماتفهم انت ماتسسسسسسمع ..

      الهندي : هنال المنديل شوفي هناك ..

      عاد جيت انا الملقوفه وتدخلت وياليتني ماقلت شي .. : لو سمحتي المناديل والكاتشب هناك هنا مافي شي ..

      هي : لاوالله .. هو يجيب لي برضاه ولا غصب عنه ..

      انا : ه ه ه اي صح <<< خفت منها هههههههههه

      المهم رحت للبناني واشرح له سالفة الكولا ... ألخ
      والحمدالله ماقال شي واخذهم

      يوم رجعت لأهلي توني بأجلس ..

      اختي 1 : يؤ يؤ الحين مو احنا طلبنا وجبتين سفري وين الكولا والبطاطس حقهم ..
      اختي 2 : دقيقه اكيد مع البزران ..<< وتروح تشوف .. وترجع .. : مالقيت شي .. اكيد انهم ماعطونا ..
      انا : لا اعطونا انا شايفتهم بعيني ..
      اختي 1 : يلا وينهم اقولك مافيه .. روحي شوفي ..
      انا : والله ماني رايحه ايش بيقول عني هبلا اروح واجي اوف
      اختي 1 : خلاص انا بأروح ..

      (( راحت وسوت سالفه ووو ألخ .. واخر شي جت .. ))

      هي : غلا امسكي الكولا على ماجلس ..

      انا : اوك هاتي .. (( ووقفت اخذه وتمسك عباتي بالكرسي وطرررررررررررراخ .. << طبعا مو انا اللي طحت .. نو .. الكولا اللي سوت سالفه اختي عشانه هههههههههههههههههههههههههههههه ))

      هي : يؤ يؤ وش سويتي ..

      انا : يوووووووووووووه عائله قلق .. الله يصبرني .. ووووو ألخ

      المهم جلسنا وكل واحد منطم .. خايف يتكلم ويجيه كف من اللي جنبه <<- كل العائله معصبه

      واحد من البزران : ماما

      امه : نعم وش تبي .. ؟

      هو : فيه 2 كولا زايده ماندري لمين .. ؟ ؟ (( كككككككككككك طلعت الكولا اللي نقول انهم ماعطوناها ورحنا سوينا سالفه عشانها واخر شي انكب .. موجود بس ماشفناه ههههههههههه))

      امه : يؤ يؤ لايكون حق وجبة السفري ..

      اختي : اييييييييييه ياويلي واحنا قلنا لهم ماعطيتونا ..

      انا : شفتو ماقلت لكم انا شايفتهم .. انا متأكده واحد من اولادكم ماخذهم ويوم شاف نفسه شبعان قال خلني اعطيهمياه

      ::

      (( طبعا بعد ماطاح الكولا .. قلت انا اوص لحد يدري اني انا اللي طيحتهم ) <- توني خلصت كلامي ..

      الا وحده من البزران .. :: ماما من طيح الكولا هاه

      انا : انتي هييييه اوووص ..

      هي : غلا انتي اللي طيحتيه <<< بأعلى صوت

      انا : يلعن شكلك كلي وانتي ساكته

      هي : <- ماتدري وش السالفه

      طبعا اول ماخلصو الصغار من الاكل راح يكملون لعب .. واحنا جلسنا نكمل اكل ..

      من بعد ماخلصنا .. وجينا نطلع من المطعم .. رحنا للألعاب بنطلع العلل من هناك .. ؟

      اول مارحت كل ماشفت واحد انا : يلا بنروح بسرعه تعالو اطلعو يلا ..

      هم :: < - ولا هاموهم ..

      انا : وووووووجع بسسسسسسرعه لا بارك الله فيكم ولا في ام جابتكم ..

      اختي : طرررراخ على راسي << تسبيني وانا موجوده ..

      انا :

      ::

      ومن بعد ماجمعناهم ... بالطقاق طبعا .. ورجعنا للبيت ..


      ::

      طبعا الكل لازم يستفيد مع اللي صار لي ..
      طلعه مع اطفال ملسونين لا
      تغير جو قبل الاختبارات لا .. لأن تكون النفسيات زفت .. وكل واحد يتهاوش مع الثاني ..

      وبصص ..

      يلا برررررررب ..
      250*300 Second
    2. منتهى الرقه
      02-07-2009, 02:48 AM

      حكايتي بمطعم ماك


      لذي الدرجه ماعجبتكم القصه
    3. انثى العنكبوت
      02-07-2009, 03:16 AM

      حكايتي بمطعم ماك


      يوووووووووووووووووووووووووه

      الله يعينك من جد بس الحمد لله مرت على خيييييير

      احنا قبل الختبارات بابا عزمنا على شامي بس الحمد لله ماعندنا بزارين

      اصغر واحد من اخواني 5 ابتدائي والحمد لله هادي

      وجلسنا ناكل بهدووووووووء

      يعطيك الف عافيه على القصه
    4. منتهى الرقه
      02-07-2009, 03:44 AM

      حكايتي بمطعم ماك


      تسلمين خيتو ع مروورك
    5. وردة *-* حمرة
      02-07-2009, 08:29 AM

      حكايتي بمطعم ماك


      لاقلبوووووووووووووووووووووووووووووووووو
      كيف ماتعجبنا وهي بقلم انثى راقية جدا
      بصراحة ابدعتيييييي
      يسلموووووووووووووووووووووو يالغلا عالقصة اللي أحلى منها مافي
    6. القلوب الساهيه
      02-07-2009, 08:47 AM

      حكايتي بمطعم ماك


      هههههههههه
      حشى حلقة طاش ماطاش
      انا اخواني 2 ومطلعين عيوني بازعاجهم عاد كيف الدرزن الي عندك الله يعينك