قصيدة اسابق الساعة - خالد الفيصل

ديوان الشاعر خالد الفيصل - دايم السيف ارسال إلى Twitter ارسال إلى facebook
  1. Dreamer
    26-06-2009, 12:20 AM

    قصيدة اسابق الساعة - خالد الفيصل

    قصيدة اسابق الساعة - خالد الفيصل


    أسابق الساعه


    أسابق الساعه و تسبقني الساعه
    تقضي و انا توني باول ثوانيها

    أبشتري وقت وين اسواق بياعه
    ياللي تبيع الدقايق حد و اشريها

    قلبي يبي وقت لو الوقت ما طاعه
    و عيني تبي شمس لو الشمس تعميها

    و نفسي مثل باقي الاجواد طماعه
    ابي اجدد على الفرحه لياليها

    لا شك الايام للفرحات مناعه
    لو نورت ليلة عشرين تطفيها

    يظهر ثبات الفتى و النفس مرتاعه
    خوف على اللي نحبه من بلاويها

    لو ان كل ينال مناه بذراعه
    خذيت حقي من أقصاها لدانيها

    المشكله انك يابو لحظين بتاعه
    تاخذ سلاحي من الكفين و أعطيها

    و انا ادري ان العيون السود خداعه
    لا شك ودي أصدق منك داعيها

    و المهتوي لاهتوا مايطوي شراعه
    يمشي على النار كنه ما وطى فيها
  2. طير القوافي
    24-09-2009, 01:16 PM

    قصيدة اسابق الساعة - خالد الفيصل


    لا شك الايام للفرحات مناعه
    لو نورت ليلة عشرين تطفيها

    يظهر ثبات الفتى و النفس مرتاعه
    خوف على اللي نحبه من بلاويها

    لو ان كل ينال مناه بذراعه
    خذيت حقي من أقصاها لدانيها



    صح لسانك