ما عرفتك والعذر أقبح من ذنوب الخطيه

الشعر, قصيدة , شعراء, القصايد ارسال إلى Twitter ارسال إلى facebook
  1. كويتيه و من قدي
    25-06-2009, 06:01 PM

    ما عرفتك والعذر أقبح من ذنوب الخطيه

    ما عرفتك والعذر أقبح من ذنوب الخطيه


    بسم الله الرحمن الرحيم



    مساكم \ صباحكم .. على ما تحبون !!





    ما عرفتك !! والعذر أقبح من ذنوب الخطيه
    حتى شكلك صدقيني ان قلت لك : بعضه نسيته


    اذكر اك حورها من الخجل زايد شويه
    بس هذا اذكره وغيره من الذكرى محيته


    لا بعد .. اذكرشعرك اللي يحب لعبة ايديا
    سالفه شعرك لحاله لو ابشرح ما وفيته


    واذكر ان طعونك اللي بالظهر كانت قويه
    ايه اعرفك بس اخاف الجرح يكبر لاطريته


    انتي كنتي شي ثاني .. كنتي شي مني وفيه
    اقرب انسانه لقلبي حطمت قلبي في بيته


    تذكرين : الورد " الاحمر " يوم جبتي لي هديه
    قلتي : تكفا لايموت الورد لك غالي شريته


    مات قلبي قبل يموت الورد وجروحه نديه
    في يديني جبت دم القلب للورد وسقيته



    كنت احس اني اضحي .. مادريت اني ضحيه
    كنت احسب ان العطى يثمر بعين اللي عطيته


    راحت احلام العمر .. روحه كذا من غير جيه
    حتى زرعي اللي زرعته .. ما توفقت وجنيته



    من عقب ماكان ليه .. صار له ماهو بليه
    من خذاه !! وقلبي يسأل عنه لكن ما لقيته



    دايم اسمع عن خوي (ن) خان في خوه خويه
    موقف (ن) يمكن كتبته بالشعر قبل وقريته


    المهم .. ماكنت احسه لين ماجتني بليه
    من يديك وحسستني وخاب كل اللي هقيته


    يا " بدويه" مو كذا رد الجمايل يا بدويه
    البداوه علمتني كيف ارد اللي خذيته



    في الزمن هذا .. محال الوافي يلقى له وفيه
    الزمن هذا خذلني في محبتك وبكيته



    كنت اقول : الطيبه احسن من علوم الرديه
    كنت اقول وكنت اقول ولا نفعني ما حكيته


    مابقا عندي كلام ولا بقا بصدري بقيه
    من تفارقنا بصدري هالعتاب ولا شكيته


    هذا كله اللي عليك .. وقولي انتي ما عليه
    بسمعك للصبح يمكن اسمع ما بغيته


    اما شكلك اعرفه عرف الموصى للوصيه
    قلت : ما اعرفه وفي قلبي اقول : اني فديته



    ايه اعرفك والعذر اقبح من ذنوب الخطيه
    انتي شكلك صدقيني راح اموت ولا نسيته








    من اجمل ما قاله الشاعر المبدع
    ثامر شبيب الدقباسي


    ود يكسوكم


    اتمنى ينال على اعجابكم

    السموحه ع القصور

    كويتيه ومن قدي
  2. نوآف بن عبدالعزيز
    25-06-2009, 06:47 PM

    ما عرفتك والعذر أقبح من ذنوب الخطيه


    ‏ قصيدة رائعة لشاعر لم اسمع به من قبل ولكن بعد هذا الشعر سأبحث عن قصائده
    جميل مانقلتي /دمتي
  3. *مزون شمر*
    25-06-2009, 07:31 PM

    ما عرفتك والعذر أقبح من ذنوب الخطيه


    مساك / صباحك جميل
    هلابك معنا
    ويعطيك العافيه عالنقل الطيب
    قصيدة رائعه لشاعر غني عن التعريب
    صح السانه ولاهنتي
    تقبلي مرووري
  4. }} حلاتي بشقاوتي {{
    30-06-2009, 01:04 AM

    ما عرفتك والعذر أقبح من ذنوب الخطيه


    يعطيج العافيه خيتووو
    لا هنتي
  5. ضمي المشاعر
    30-06-2009, 01:11 AM

    ما عرفتك والعذر أقبح من ذنوب الخطيه


    صح بووووح الشاعر ..


    يسلموووولي علي النقل الرائع يالغلا


    //


    كل الود
  6. $$ لحظه شموخ $$
    30-06-2009, 02:59 AM

    ما عرفتك والعذر أقبح من ذنوب الخطيه


    قصيده اكثر من رائعه صح لسان قايلها ثامر شبيب مبدع


    وسلمت يد نقلتها @@ هلا ومرحبا @@ فيج بالمنتدا

    بدايه مشرقه لكى بيننا @@ كويتيه @@ بنت ديرتي

    تحياتى وتقديري اختكم.. $$ لحظه شموخ $$
  7. روح مشرقة
    30-06-2009, 03:28 AM

    ما عرفتك والعذر أقبح من ذنوب الخطيه


    قصيده رووعه
    الله يعطيك العافيه