12

لعل دنيا غاب عنها قمرها ..تظلم لياليها على مر الايام

الشعر, قصيدة , شعراء, القصايد ارسال إلى Twitter ارسال إلى facebook
  1. طير القوافي
    24-06-2009, 02:36 PM

    لعل دنيا غاب عنها قمرها ..تظلم لياليها على مر الايام

    لعل دنيا غاب عنها قمرها ..تظلم لياليها على مر الايام


    لعل دنيا غاب عنها قمرها = تظلم لياليها على طول الايام
    ما أحد يميز يومها من شهرها = واللي يسافر لليمن ينحر الشام
    ولعل عين شح دمعة نظرها =عليك يانجلا تعثر بالاقدام
    غديت مثل ام الحوير قهرها = قيده وهي لحوارها ترزم ارزام
    اضيق واجحد عبرتي في نحرها = يردني عن بكوتي دين الاسلام
    عليك ياثومة فؤادي جمرها = موتن تخيرها بتدبير وحكام
    موت تخير وردتي من زهرها = وهي بقلبي منبته حب واريام
    موت معاليقي بصدري مزرها = حكم من المولى جرت بيه الاقلام
    توه على نبنوب عودي بذرها = عود تغريف بالروي والتنعام
    تسعة عشر عام لنجلاء غمرها = مع الحيا حشمة ومنطوق ولهام
    يوم القدر والعود غض هصرها = اخفت صواب ساطين بالحشا هام
    مايدري الغايب ولا من حضرها = ماغير في وجهه تشوف التبسام
    طلبت ازوره قالوا الربع زرها = بس اقصر الجلسه على موجب الزام
    فرحت وقالت ياهلا في سفرها = ابوي احبك بس ماطاب مادام
    دفنتها عقب استلامي مهرها = وأثر الليالي جاريات بالأقسام
    يومن حفار المقابر شبرها = زادت على الحفره بشبرين وابهام
    ياحفرة ضمت خصايل شعرها = عسى الحياء يسقيك عام باثر عام
    كيف القمر يدفن بلاجي حفرها = عقب الثياب الناعمة تلبس الخام
    عقب المعزه بين بر وبحرها = تدفن بقبر مظلم تحت رضام
    إذا دنت مافاد نفسن حذرها = يما ورى ولا تفاجيك قدام
    واللي دموعه تنطلق من بحرها = تصير فوق الخد للحزن مرسام
    أبكي وببكي والمحاجر ذعرها = اللي ذعر قبلي نمر وبن بسام
    أبكي ويبكي كل مسمع خبرها = أبكي نهاري وابكي الليل مانام
    واعيني اللي تستلذ لسهرها = على اللتي يبني بقلبي له خيام
    أشوفها حولي تقلب صورها = كنه تناديني على بر وإكرام
    واقلبي اللي كل مادله ذكرها = يزيد في نجلاء تخافيق وهيام
    للحل ياشمس البنات وقمرها = صلى عليك منزل اقرا والانعام
    للحل يانبنوب عودن هصرها = في عودها الناعم تباريح وسقام
    عفيفة ربي بفضله سترها = وثيابها ماد نستهن الاثام
    عساه بالجنه تقطف ثمرها = مع النبي ورحمة الله له أوسام
    صلاة ربي عد ماهمل مطرها = وماناحت الورقا على روس الاوجام
    على نبي للشريعه نشرها = صبر وصابر لين زالن الأوهام


    ما اقول الا :..
    الله يرحم اموات المسلمين جميعا
    مما راق لي

  2. صبيه شقيه
    24-06-2009, 03:04 PM

    لعل دنيا غاب عنها قمرها ..تظلم لياليها على مر الايام


    الله امين

    والله تقطع القلب قصيدتك

    رائع ماراق لك

    يعطيك العافيه
  3. ام غمازات
    24-06-2009, 04:25 PM

    لعل دنيا غاب عنها قمرها ..تظلم لياليها على مر الايام


    الله الله

    صح لسانك وعساك ع القوه

    تقبل ودي
  4. طير القوافي
    24-06-2009, 05:11 PM

    لعل دنيا غاب عنها قمرها ..تظلم لياليها على مر الايام


    صح بدنكم
    الله يعافيكم
    شاكر وجودكم المميز

    احترامي
  5. $$ لحظه شموخ $$
    24-06-2009, 05:38 PM

    لعل دنيا غاب عنها قمرها ..تظلم لياليها على مر الايام


    واللى دموعه تنطلق في بحرها تصير فوق الخد للحزن مرسام .. أبكى وببكى

    والمحاجر ذعرها أبكى ويبكى كل مسمع خبرها ابكى نهاري وابكى الليل ما نام

    عفيفه ربى بفضله سترها وثيابها مادنستها الاثام قصيده اكثر من رائعه

    وكلمات محزنه اثرت فيني جدا تحياتى وتقديري عالجهود الطيبه

    اختكم.. $$ لحظه شموخ $$
  6. طريحة سهام الحب
    24-06-2009, 06:22 PM

    لعل دنيا غاب عنها قمرها ..تظلم لياليها على مر الايام


    صح لسانك أخوي ..
  7. دلع ولع
    24-06-2009, 09:38 PM

    لعل دنيا غاب عنها قمرها ..تظلم لياليها على مر الايام


    مميز رائع دائما

    طير القوافي

    ماذا اقووول رائعه لا قمة الروعه

    هم لا كلمات لاتكفي لك

    طرح ولا اروع من هذا لمارى

    كلمات هكذا جذبتني

    فادئما تبهرنا بابداعك

    المميز والراقي

    وانا دئما

    بنتظار جديدك

    تحياتي

    دلع ولع
  8. طير القوافي
    25-06-2009, 12:50 AM

    لعل دنيا غاب عنها قمرها ..تظلم لياليها على مر الايام


    صح بدنكم
    اسعدني تواجدكم المميز والجميل
    وجودكم تتويج لصفحه المتواضعه
    مودتي وخالص احترامي
    طير
  9. سواها..قلبي!!
    25-06-2009, 01:18 AM

    لعل دنيا غاب عنها قمرها ..تظلم لياليها على مر الايام


    تسلم يمينك ويسلم لسانك عالطرح الراقي والذوق المميز وتقبل مروري..
  10. قرين الليل
    25-06-2009, 01:50 AM

    لعل دنيا غاب عنها قمرها ..تظلم لياليها على مر الايام


    أخي الغالي طير القوافي

    الله يعطيك العافية

    على حسن ذوقك الراقي

    تحياتي وتقديري لك
12