الشرنقه

عايشين جوه الشرنقه
والمخنقه شغاله
وجوه الطين
العيون متشاله
مستنيه الدرو
والدور بيدور
والسياف مسرور
بكلامه وهيمنته مغرور
وشايف الدنيا انها بتاعته
يطيح فى الخلق على راحته
ماهو حاططنا فى الشرنقه
لو حلمنا فى يوم
نخرج براها
باشاره منه
يرجعنا جواها
لايهمه الم فينا
ولاجرح منه
ينسينا الوجع
والاماره فى ايد
المتريشين
المتربعين على عرشها
ونايمين مرحرحين
على فرشها
واحنا جوه الشرنقه بردانين
ومتشوقين للحظه خروج
ولو على كفن
نبعد عن ريحه العفن
ونحلم فى يوم نعيشها بجد
ولا حد
يتحكم فينا
ولاحتى يواسينا
 
اطلالة جميلة

و كلمات رائعة

سلمت يداك

لكن أريد أن اتأكد اذا الخاطرة لك

المرجو اتباع القوانين .. اذا كان الموضوع من ابداعاتك اكتب بقلمي

و اذا كنت نقلته اكتب منقول


و لك تحياتي
 
كلمات جميلة

وقلم تحدث عن واقع نعيش فيه

سلمت يمناك عزف جميل

تحياتي

اناغيم الاحزان
 
لا ياسيدتى دى بتاعتى
ومن شعرى
والرد كمان مش عاجبنى
مثلا
رجل لايعبث بالتاريخ وهو مشرف لم يكتب بقلمى او ابداعى
ولم يوجه نظره لذلك
 
التعديل الأخير بواسطة المشرف:
عايشين ومحناش عايشين
اراده متصادره
عقول مشغوله
بلقمة العيش وقوت اليوم
ياترى امتى حنفكر بليله
نقضيها ويا النجوم
نحلم وبحلمنا
نحقق امانينا
حنقدر..؟؟
لا.. وليه ..؟؟
هي كده وهما كده
صادروا عقولنا
وأدوا أفكارنا
لهونا بلقمة العيش
عشان ما نفكرش
هما ليه بيعملوا كده وده..؟؟
سياسه..
جوع البطن
يتوه الفكر
ومالكش دعوه
الحيط الحيط
ويارب الستر
مش هوه دا الحال
ولا ايه..؟؟
واقع مر..
بس دي الحقيقه..
ومش حنهرب منها

عادل رستم

ابداع فكر
تحرر بالكلمه
حتى لو فضلت داخل الشرنقه
لكن العقل..
مش حيقدروا يسجنوا في الشرنقه
في حروف ترفض القيود
وحرفك هو احد تلك الحروف

تحياتي

نوران فلسطين
 
التعديل الأخير:
شكرا نوران
الرائع هو ردك المتأنق وانا اليوم سعيد برايك واتمنى ان تقرأى لى دائما

نوران
نور اطل ها هنا
ونور اضاء الكون برقته
وضياء العمر ينيره نور
فان اضاته نوران
فرح القلب
وتمتع​
 
لا ياسيدتى دى بتاعتى
ومن شعرى
والرد كمان مش عاجبنى


اخي العزيز

اولى يسعدنا ويشرفنا تواجدك بيننا

ولكن عزيزي رد الاخت دموع كان عادي ولا داعي لتحميل الامر اكثر من اللازم
وبالنسبه للرد فهي تذكر بالقوانين وليس الا وهذا واجبها ..

مثلا
رجل لايعبث بالتاريخ وهو مشرف لم يكتب بقلمى او ابداعى
ولم يوجه نظره لذلك


اخي العزيز اولا انا لست ملزم بالرد ولكن من باب العلم بان رجل لا يعبث بالتاريخ

حذف له خواطر كامله وكانت من اعز الخواطر على قلبي .. وعُدل له ونقل له

فانا لست معصوم عن الخطىء عزيزي وحتى لم تكن ياتيني التنبيه برساله خاصه

بالعكس كان يوضع رد علني كما هي القوانين ...

فلا داعي اخي الحكم المسبق للامور



وبالنهايه يسعدنا بل ويشرفنا تو اجدك بيننا اخ عزيز

تحياتي لشخصك الكريم
 
شكرا على ردك اخى العزيز
كنت اود فقط الاشاره الى شبئين هامين
الاول انه يمكن التأكد بوسائل اخرى ان الشعر منقول ام من ابداع صاحبه
الثانى علينا الاهتمام بتشجيع المنضمين الينا حديثا وخاصه من الاداره
واردت ان اطمئنكم بان ما اكتبه هو بقلمى بردودى على مواضيع وبشكل انتقائى
اما مساله انى احمل الموضوع اكثر من اللزوم ابدا علينا ان نتقبل كل الاراء وبصدر رحب طالما لم نخرج عن الاداب او ادب الخطاب
وقد يعيبنى ان اردتم صراحتى
وفى النهايه اشكر لك توضيحاتك وارجو ان لا اكون اثقلت عليك

وبعدين مقلتش رايك فى القصيده ماشى ههههههههههههههههه
 
لا ياسيدتى دى بتاعتى
ومن شعرى
والرد كمان مش عاجبنى
مثلا
رجل لايعبث بالتاريخ وهو مشرف لم يكتب بقلمى او ابداعى
ولم يوجه نظره لذلك





عفوا اخي عادل

انا مريت بالخاطرة

ولو ما لقيت دموع كاتبتلك

الرجاء التقيد

كنت انا كتبت

هذا القانون

انا تاكدت انها لك بس القارئ كيف يعرف

ضروري حتى يتمكنوا من الرد عليك

واعطاءك حقك من الكلمات التي تليق بابداعك

حصل خير

اهلا بك وبقلمك المبدع

تحياتي
 
وبعدين مقلتش رايك فى القصيده ماشى ههههههههههههههههه

ولن اقول

لاني اخجل من ان اضع خربشات قلمي امام رائعتك
كل ما يسعني قوله انك
م ب د ع
 
عفوا اخي عادل

انا مريت بالخاطرة

ولو ما لقيت دموع كاتبتلك

الرجاء التقيد

كنت انا كتبت

هذا القانون

انا غيم
كلكم عليا ولا ايه
هههههههههه
اقولكم الصراحه
ردودكم معناها انكم تهتمون بمنتداكم وتحافظون على قوانينه وعلى فكره انا عضو قديم هنا ولكن دخولى هو القليل
انا كمان على ان اقول اننى ممن يعتزون بما يكتبون ويؤمنون بان الملكيه الفكريه هى افضل ما يدافع عنها الانسان انها تجربته مع الحياه وخلاصه خبراته وثمار ما تعلمه --
واعجبنى اكثر انكم تعملون كفريق عمل كل يحافظ على الاخر

شكلكم كدا هتخلونى اقعد اكتر
بس كمان لازم تتحملونى
ههههههه
 
الامانى المبعثره
واظل ابحث
عن امنيه
عن اغنيه
عن شدو
لعصفور جريح
ويضيع العمر مع باقه
الامانى المبعثره


اشكر لك حرفك الرائع
 
يكفى انك رجل لا يعبث بالتاريخ
فانا عربى الهويه
افخر بخريطتى العربيه
بتراثها وثراها
وجغرافيتها الابيه
اشكر لك ابداعك
 


انا غيم
كلكم عليا ولا ايه
هههههههههه
اقولكم الصراحه
ردودكم معناها انكم تهتمون بمنتداكم وتحافظون على قوانينه وعلى فكره انا عضو قديم هنا ولكن دخولى هو القليل
انا كمان على ان اقول اننى ممن يعتزون بما يكتبون ويؤمنون بان الملكيه الفكريه هى افضل ما يدافع عنها الانسان انها تجربته مع الحياه وخلاصه خبراته وثمار ما تعلمه --
واعجبنى اكثر انكم تعملون كفريق عمل كل يحافظ على الاخر

شكلكم كدا هتخلونى اقعد اكتر
بس كمان لازم تتحملونى
ههههههه
[/QUOTE]



نحن سعيدين بوجودك معانا

خليك على قلبنا

معلش يا ارقى مبدع


هلا وغلا

حياك الله

لا تحرمنا من عزف قلمك

اناغيم الاحزان
 
عودة
أعلى