12345678910111213141555 ...

للناس فيما يكتبون أشياء تشد الإنتباه/وأنا على باب الكتابه مهجتي شديتها

مدونتي, مدونة يوميات الأعضاء, دون ما ترغب به واسترسل في افكارك بدون ان يقاطعك الاخرون
  • ارسال إلى Twitter
  • ارسال إلى facebook
  • ارسال إلى google plus
    1. وزير السلطان
      31-12-2009, 04:19 AM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      للناس فيما يكتبون أشياء تشد الإنتباه/وأنا على باب الكتابه مهجتي شديتها


      أحساس غريب بداخلي
      يالله أشيل الجسد
      الدمعه محبوسه بوسط عيني لاهي راضيه تطلع وتريح حالي
      ولاهي تبي ترجع لمواطنها الأصليه وتكتم الحزن بوسط الصدر....مدري ماعرفت أوصف حالتي....!!!


      250*300 Second
    2. وزير السلطان
      01-01-2010, 11:20 PM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      للناس فيما يكتبون أشياء تشد الإنتباه/وأنا على باب الكتابه مهجتي شديتها


      أعظم ألم وأقسى لحظه من لحظاتي هي
      عندما أصرخ لأحاول أن أشعر من هم حولي بفدح الألم الذي يسكن
      بداخلي....ولكن
      يتوزع صدى الصراخات....وتتبعها الأهات
      ولم يشعر بي أحد....
      ساألتزم حالة من الصمت...وسأحاول جاهدا أن
      أكتم تلك الصراخات...إلى وقت أخر...

      ~ كتبتها وحبرها إحدى دمعاتي ~
    3. وزير السلطان
      02-01-2010, 11:07 PM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      للناس فيما يكتبون أشياء تشد الإنتباه/وأنا على باب الكتابه مهجتي شديتها



      لاتخبي شعورك....تعالي وصارحيني فيه.....
      ....كل هذا خجل مني وخوف....
      ....................لاتكتمي حبك بوسط الجوف...
      .....................................أعظم ألم على النفس.....كتمانها للإحساس...
    4. وزير السلطان
      04-01-2010, 09:54 PM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      ماني بحب أجلس على شكل معين...لازمن أغير من كل شيء حولي....مدري شسميها
      هالحاله....أهوى التغيير.....أعشق التبديل.....ماني بحب أخيس على لون واحد....بس تصدقون
      هالشيء أحسه يريح اللي بداخلي...كأني طلعت لحياه جديده....أحس بإحساس غريب
      بس فيه شيء أتوقع مايتغير مهما سوينا ومهما بدلنا ومهما لبسنا....اللي هو ماضينا....
      مثل ماهم يقولون اللي ماله ماضي ماله حاضر...اه اه لو يتغير الماضي.....كان غيرت كل هالمسار
      اللي أنا ماشي...فيه وبديت الحياه من جديد....ومامديت يدي لناس ودني أعطيهم خروج نهائي
      لكوكب الشمس...عارفين ليه الشمس..مايحتاج أوضح لكم....عارفين..مقصدي...
    5. وزير السلطان
      06-01-2010, 01:17 AM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      للناس فيما يكتبون أشياء تشد الإنتباه/وأنا على باب الكتابه مهجتي شديتها



      إن حكوا فيني بوجهي او حكوا بي من وراي
      مالقوا غير البياض اللي قهر سود الظنون

      ................................................................هيبتي حتى فغيابي تحشم النفس بقفاي
      ................................................................والله اني مرعبهم يزعلون ويقعدون !

      نبشوا مامن خطيه بس انا ادرى بخطاي
      عيبي اني ماعرفت اساير الغير واخون!

      ................................................................عيبي اني ما أمن ولا أذل أحد بعطاي
      ................................................................وعيبهم ان الذيابه تعجز تدك الحصون

      برجي العاجي بنيته بالشرف حتى هواي
      لو بحب احب لكن مازل ولاهون

      ................................................................مايدير الراس مدح ولا رقصت لكل ناي
      ................................................................الثقل ماهو تطبع طبعي والكل يشهدون

      لاذكرت ابوي واميللناس فيما يكتبون أشياء تشد الإنتباه/وأنا على باب الكتابه مهجتي شديتها وعالم الجهر وخفاي
      هانت الدنيا بعيني لانعيم ولاهم يحزنون


      ...............................................................وش ابي بالكون كله باكر بيقرا عزاي
      ..............................................................اما في وسط الجريده ولا في دمع العيون

      إي وربي ماشقيت بضيقتي لكن شقاي
      لا نزلت فقبري اول ليلة وش راح يكون !
    6. وزير السلطان
      07-01-2010, 03:35 AM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      حديث الروح للأرواح يسري
      .............................................................وتدركه القلوب بلا عناء
      هتفت به فطار بلا جناح
      ................................................................وشق أنينه صدر الفضاء


      أحيانا نتقابل مع أناس نكون أول مره بنقابلهم بس
      بنشعر براحه وإحنا بجوارهم...وكأننا صار بيننا وبينهم مواقف كثيره...
      نستشف من قلوبهم الطيبه...وبعيونهم النقاء...وبتقاسيم وجوههم البراء.


      الجانب الأخر/....////....////
      أحيانا نتقابل مع ناس ينتابنا شعور بعدم الراحه لهم...
      ولالحتى القرب منهم....كأن هالشخص ذابح إخوانك وهلك كلهم...
      ماتحس روحك تتقبل تجلس معه..أو حتى تسمع منه أي كلمه...

      نستنتج من هالأحداث مقاله دائما دارجه على الألسن...
      بس لمن نتمعن فيها بنعرف حقيقتها...وخصوصا من عاش هالأحداث:-
      {الأرواح جنود مجندة فما تعارف منها ائتلف و ما تناكر منها اختلف}

      همسه بسيطه:
      ياترى هل هالقواعد..بنشعر فيها وإحنا بهالمنتدى...يعني هل فيه معرفات بنرتاح لهم...والعكس..!!!
    7. وزير السلطان
      08-01-2010, 04:51 AM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      كثيرا ماتصير لنا مواقف طريفه الواحد يضحك فيها بوقتها ....
      ممكن توصل لمرحلة الإسراف بالضحك....
      البعض من هالمواقف يترسخ ببالنا..ويبقى طول الزمن....
      نسترجع ذكرياته ولحظاته...متى مابغينا.....
      طبعا إنتم عارفين العروض المقدمه بالوقت الحالي من شركة الإتصالات...
      رسائل مجانيه لمدة شهر...طبعا الكل ماشاءالله مو مقصر يدف من ذا الرسائل....
      بعضهم ماقدر رسل لك رساله من ساعة ماطلع جواله.....
      بس يوم شاف هالعرض تذكرنا....اللي حصل..
      أنوه اليوم وصلتني رساله من شخص تزوج قبل سنه تقريبا....محتوى الرساله كان كالتالي:

      {السلام عليكم ..أبشركم رزقني الله بتؤام ..ولد وبنت...أسأل الله الكريم أ يجعلهما من عباده الصالحين...أمين}.....
      طبعا الرساله فيه جزء أسفل شيء من نفس الرساله وهذا نصه:-
      {هذه رساله مرسلها خوي خويي ...وخويي أرسلها لي...ونا برسلها لكم....حبيت تشاركونا الفرحه!!...مع تحيات اللي جاه التؤأم..!!}

      طبعا أنا على طول من يوم قريت النص الأولي من الرساله وشفت كلمة تؤأم..
      على طول دقيت على رقمه....
      وأجلس ابارك له...وأهنيه..وأدعي لهم بالصلاح....والهدايه....
      أستغربت الرجال فاطسن ضحك...ولاهو بيرد علي...
      .أثاريه....طايحن هو بنفسه بنفس المقلب...وأرسله لي...وصار لي نفس الموقف...
      معاه...كنت برسلها لكذا واحد...بس تذكرت إني لازلت عازب..
      ولابعدي تزوجت....قلت خلني أحتفظ فيها لكذا عام....يمكن نلاقي بنت الحلال....!!!





      للناس فيما يكتبون أشياء تشد الإنتباه/وأنا على باب الكتابه مهجتي شديتها
    8. وزير السلطان
      11-01-2010, 01:13 AM

      للناس فيما يكتبون أشياء تشد الإنتباه/وأنا على باب الكتابه مهجتي شديتها




      للناس فيما يكتبون أشياء تشد الإنتباه/وأنا على باب الكتابه مهجتي شديتها


      إتصدق إنه .. طاري الموت .. جا ... تو !
      ..... من يوم ... ماقلت : انتفارق ../ وبسكوت

      ...................................................................................تو .. الهوى يضحك ../ ويهنالي .. الجو !
      ..... وتو .. الشفايف ... غارقة باحمر .. التوت !

      .............................................................................توي أعرف...... إن الامل مصدره ..... ضو !
      ..... وتوي أعرف ......إن المشاعر لها ... /... قوت
      ..........................وش فايدة ......غيمة نسى حضنها .. النو !
      ..................................................................وش فايدة قلبي ! اذا رحت ... ب سكوت !
      لو نفترق ..أفهم ! أنا قلت لك ... " لو " !
      ..... اسأل علي ..! كانك تشوقت .. هالموت !!


      *
    9. وزير السلطان
      13-01-2010, 03:24 PM

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      اليوم كنت داخل في أحد المراكز التجاريه...وجالس أتجول بالسوق لوحدي طبعا...فتفجأت بصراخ ذاك الرجال..اللي أعطيه عمر50-55سنه...(وين مدير السوق)...أنا توقعت أنه يواجه مشكله كايده...اللي حصل وصله مسؤل الأمن بذا السوق....وجلس يسأله وش مشكلته....طلع في الأخير يبغى مسؤل خدمات البيع بالجمله....يالله السيكورتي تفاجأ بذا الصراخ وأخرتها يدور له على شخص...ممكن يكون طالع يجيب طلب؟.....ممكن أنه حصل له ظرف يستحتم عليه الخروج...من مكانه....طبعا شوي إلا وموظف العملاء راجع للمكتب الخاص بالعملاء.....جلس يهزائه..ويحاسبه وكأنه هو صاحب المجمع...كنت قريب منهم على أساس بطلب لي كذا طلب بالجمله.....فشوي إلا يدق تلفون خوينا هالرجال أبو الخمسين سنه...كان يرد عليه ويجلس يصارخ بهالعباره ...(بعدين أكلمك...قلت لك خلاص بعدين بكلمك...ماتفهمين ....أنا كلمتي وحده..)...معاه ولده أعطيه عمر15سنه..ذا الولد المسكين والله رأفت بحاله...وجه تقلب له 77لون..خجلان بقوه من تصرفات أبوه...حسيت كأن نظراته تقول::ياناس لاتلوموني هذا هو القدر....وهذا الطبع متأصل في أبوي....!!

      أحيانا الشيطان يتملك أعصابنا...ويعمي بصايرنا....فيصيرهو المتسبب لنا بكل هالأمور...اللي صدقوني أنها ماراح تقدم ولاتأخر في أي شيء....بعض الناس يفكر أنه بهالصراخ والنياح..راح تتلبى أموره..وراح يفزله أربعين شخص....هالتصرف بصراحه أعتبره ماهو إلا نقص بشخصيته..وإن هالشخص مكبوب داخليا وحابب أنه يلفت الإنظار لكل الناس اللي حواليه...

      لورجعنا لزميلنا أبو خمسين سنه....وإفترضنا أنه نادى الموظف بكل هدوء...وخذا أموره بكل بساطه...ورد على إتصاله بكل رحابة صدر..وش راح تكون النتيجه....!!

      الوقت هو نفسه الوقت...وممكن لو ماصارخ....وزاعق...إستهلك وقت أقل بكثير....
      الهدوء صفه حلوه...واللي يضمنها من ضمن مبدائه اليوميه....راح يتلذذ فيها....وشعر باللذه الحقيقه للحياه....حتى يقدر يتصرف بكل أموره بكل عقلانيه...وراحة نفس....
    10. وزير السلطان
      18-01-2010, 12:30 AM

      أبوتركي ونقطة التحول في حياته

      للناس فيما يكتبون أشياء تشد الإنتباه/وأنا على باب الكتابه مهجتي شديتها


      أبوتركي...هذا رجال في الحي صار له نقطة تحول...
      تمنيت أن الأخوان يكتبون بموسوعة الغرائب والعجايب...
      حكاية ياطويلين العمر والسلامه...
      أن هالرجال عمره في ال48-50سنه تقريبا الموهيم..
      له بزارين صغار...راح أوصفهم وصف عام....
      الرجال معاه ونيت موديله قديم شوي...يعني له10سنين تقريبا....
      ملابسه دايم رثه...ماقد شفت عليه ملابس روعه إلا في الأعياد...
      ولا بس اليوم الأول..اليوم الثاني ...يرجع كما كان....
      بزارينه الصغار...دوم في الشارع..مغير مناطط بذا الأرصفه...
      لو ماأبي أبالغ لأقول أن أغلب وقتهم بذا الشوارع...
      في المدرسه....ولد عمي يدرسهم..يقول الواحد فيهم بوادي وكتبه بوادي ثاني...
      تصوروا يوم من الأيام كل واحد خذا شنطة الثاني ولاهم بعارفين.....
      طبعا راح تقولون وش لك بالرجال ياسيف...يمكن وضعه المادي مايسمح له...
      الرجال ماشاءالله تبارك الله عليه عنده عقارات...
      طبعن نسيت لأقول لكم البيت اللي ساكن فيه...لونه من أيام الأبيض والأسود....
      باب البيت دوم مفتوح....موكرم...لا من كثر مالبزارين طالعين داخلين....
      الموهيم...أبوتركي حب أنه يتزوج....كلم أبوصالح...بذا المشروع...
      أبوصالح دله على بنت الحلال....
      اللي على طول تقدم لها أبوتركي..وطلبها منهم وافقوا..الأهل.....
      طبعن هالمرأه اللي تقدم لها...مستواها التعليمي عالي.....
      تب تقولون ليش ترضى فيه...!!قسمه ونصيب..
      طبعا لحد هنا والأمور ماشيه أوكي...
      عارفين وش التغير اللي صار...بقول لكم...
      أبوتركي..رجع 20سنه وراء...يعني صار شباب...
      أعطيه في عمر الخمسه والعشرين...الرجال صار برستيج...
      إذا مر بالشارع نشم ريحة عطره وأحنا بوسط البيت...(باريس غاليري)...
      شرى له سياره للعائله أخر موديل...
      وشراء له هو سياره شخصيه أخر موديل....
      بزارينه مانشوف لهم أثر أبد....بس المسجد البيت....
      ولا ماشاءالله تبارك الله صاروا محافظين على صلاة الفجر....
      البيت إتغير فوق تحت...صار أروع بيت في الحي...
      بسم الله ماشاءالله عليهم...
      صاروا بجد روعه عياله...(نظافه - ترتيب - منطق - أدب)....
      عارفين وش سر هالتحول كله....الزوجه الدخيله الجديده..
      غيرت كل شيء بحياتهم....وزودن على هذا العيال..
      ماصاروا ينامون مع أمهم...ينامون مع زوجة الأب الثانيه (خالتهم)...
      أبوتركي يقول مره من المرات...
      بمجلس الوالد....توني ياخوي..أحس بطعم الحياه...
      مدري وش اللي كان مخفي هالشيء عني من زمان...
      بيني وبينكم الوالد يقول أخطب لي أختها إذا هي عندها أخت....بس طوالي قلت للوالده...بهالمشروع......وتم إتخاذ اللازم ...هههههه

      مما يستفاد :-
      - هناك من لهم تأثير واضح في حياتنا....إما صديق...أو الأسره بنفسها....أو حتى الزوجه...وهي الغالب...
      - الحياه حلوه بس محتاجه ناس يفهمونها....أتذكر مقوله عجبتني مره..تقول(جاور السعيد تسعد وجاور الحزين تحزن)..قريبه هالمقوله بحد كبير لهالمرأه اللي غيرت بحياة أسره كامله...عندها طموح -إصرار - عزيمه..وقدرت أنها تغير فيهم كلهم.
      - الأطفال محتاجين رعايه وأرشاد...وتوجيه..محتاجين إحتواء...وراح يمشوا عليه...وراح يفيدهم هالشيء في مستقبلهم الحياتي.
      - بعض الأحيان يكون بإيدنا ماده ..بس مانحسن التصرف فيها....أو بالأدق...مانعرف نفرق بين الأهم من الموهيم...

      نقطه أخيره:
      الجمال الحقيقي ليس جمال المظهرأو الملبس....الجمال الحقيقي هو جمال تلك الروح التي تسكن بدواخلنا....محتاجين نقاء...صفاء...من كل اللي حوالينا....حتى نحس بلذة الحياه الحقيقيه...
    12345678910111213141555 ...