ملكع في المطاإإر ..

ملكع في المطآإإر ..

هاي كيفكم اكيد تماموو


اللهم السلاموو عليكم ثم الله يعينكم على سماجت(ن) سوف تنهال عليكم من جميع الاتجاهات لكن على قول المثل –ماللمصايب الا الصبر
خخخخخخخخخخخخخخخخخخخخخ سوحقاً

ملاحظه: انا انسان اخاف من الطياره
الزبده هذي سالفت(ن) صارت في المطار ومعي اميمتي راجعين من جده الى الرياض وتاخرت رحلتنا حول ثلاث ساعات يقولون ان الطيار يلعب بليستيشن وباقي له ثلاث مباريات وياخذ الكاس قلنا الشكوى لله (ترى ماقلت الشكوى لله بس الكلام الي انا قلته ماينقال فسويت نفسي مؤدب معكم) خخخخخخخخخخخخ

الحاصل:-

دخلنا صالات الانتظار وراحت امي وقعدت واجي واشخص جنبها قالت خير هذي مقاعد الحريم (ترى انا داري بس ابي عذر عشان اقعد مع البنات) قلت طيب وين اروح اخاف اضيع ولا اروح في طيارت(ن) منتيب فيها وش اقول بعمري ذيك الساعه؟ انتي اسكتي ولاهوب منتبهين

<---- يتلكع على امه


المهم وانا قاعدن اهوجس واقرى الاذكار وشاري كتاب حصن المسلم وقاعد اسمّع ومن الخوف باغي اشتري مجلدات تفسير القران مير اني عقلت في اخر الدقايق .. يوم رفعت راسي واناظر الا ذيك المره الي اللهم ياكافي الظاهر العالم قاصين تذاكرهم ب200 ريال وهي قاصه ب2000 ريال وملزقين على كتفها ورقه مكتوب عليها عفش زايد.
يوم شفتها قمت ابلع ريقي قلت الحين ذا الشي بيجي معنا؟... قالت امي هذا مطار العالم رايحه وجايه تحسب كل هذولا رايحين للرياض .
وفي هذه البرهه (ركزو مع كلمه برهه) حسيت ان امي تخدعني.
والله واداهم المره قلت عفون يا بنات انتو رحلتكم على وين انشالله (طبعاً هي وحده بس يكلمونها بصيغه الجمع) قالت على الرياض ليه تسأل؟ قلت ابد بس عشان اعرف ادق على اخواني اوزع الورث ولالا!
والله وانا الي اقووووم وامي تمسك يدي اقعد وادحر الشيطان يابن الحلال وانا اقول وووووووخري بس والله ما اروح ومعنا هالباخره اصلا وين بيركبونها فيه .تصدقون اول ماشفتها احسبها كوكب اسلامي ملبسينه عبايه. مانيب رايح الا اذا كان هذي تركب على اساس انها كفر احتياطي للطياره ميخالف هذا ضروري لكن غير كذا مانيب .
والله وامي متمسكت(ن) فيني وتحاول تعقلني وتقولي شف لعن ابو شيطانك الحريم والبزران بيركبون وانت رجال هذا كبرك وخايف اسسسسسسسسسسسستح
قلت مانيب البزران مايدرون وينهم فيه يحسب انهم صكو الباب ثم فتحووه ولقا نفسه بالرياض مادرو انهم في ماصوره على ارتفاع 35 الف قدم لا وابشرتس تراهم قايسينها بقدم واحد امريكي نعلته مقاسها حول 65
لو يقيسونها بقدم سعودي جت فووووق 80 الف قدم . والله اني اموت من الجوع والعطش ما وصلت الارض لا ومع هذا حظي المخيس يرميني على الدريشه كل ماركبت طياره اقعد اطالع في هالجناح كنه بينحاش ولين شفته يتحرك تحركت مصراني . ابي انادي المظيفه وابي اعلم الطيار وابي اقرى قران واصلي ركعتين كله في نفس الوقت من الخوف

<------- من جد يووووعاني

قالت خلاص ماعاد الا خير لين ركبنا الطياره ارقد وفكنا شرك(تحسون امي توووبسط الامور بزياده) قلت اها!! اثره كذا اشوى انتس معي ولا كان مدري وش اسوي؟ ... اقول اعقلي اعقلي وش الي انام والله لو اني انام بزرار ضغطه وارقد (خربت الاخلاق)

والبلا توني قايم قبل لانجي للمطار بكم ساعه ....اجل تدرين خل اقول للعسكري يفتحلي الباب اروح اهرول في المدرج لين يجي موعد الطياره عشان ارقد اول ما اركب ( عز الله بيقولون انك مقضم مير اسكت)

المهم اثر امي وصلت للحد الاقصى واثرها مسلكه موضوع اني قاعد مع الحريم بمزاجها ..قالت اقول قم ظف وجهك عند الرجاجيل انا الشرهه علي الي مقعدتك معي

<----- امي زبدت لي

والله واقوم اجر اذيال الخيبه ولا امداني ارقم احد ولا افتح الضرس الازرق(يعني البلو توث بس بالعربي..يقالي مثقف) واروح اقعد عند الرجاجيل وانا اتحلطم واتحسر
لاني يوم قمت ولا ذيك الطخمه الي قعدت مكاني قلت ليتني ناسي(ن) شي فيذاك واروح اجيبه.... والبلا امي ملكعه لو استهبل بترصعني بشنطتها في مخي لين والله معاد ادل القبله.
عاد الله يهديها يحايلونها محايل الي عند الباب انها تحط شنطتها مع العفش وعيت والله يا معها شنطه كنها كرتون ثلاجة..استغرب انها تقول ما اقدر امشي وركبي توجعني ولين جينا نسافر شالت هالشنط؟؟؟ لكن البلا والله كله من مفتاح هالمستودع وطقم مواعينها خايفتن لا يضيعن حاطتهن بهالشنطه .خخخخخخخخخخخخخ

المهم يوم خزيت الشيطان وجلست اتفرج مادريت الا يوم قام يجيني رش كنه رش مطر وارفع راسي اشوف هو المطار له سقف ولا حاطين فيه رشاشات الرذاذ زي المقاهي

<-----يحاول يلقا تفسير منطقي ترا

يوم التفت ولا ذاك الي يتعصر يبي يطلع الكلمه الاولى ... قلت بغيت شي يا الشين قصدي يا الشيخ (تخبرون شكله لخمني) قال وين رحلتك انت؟ قلت على الرياض ..قال وانا بعد !!
عاد تصدقون اني فرحت!! قلتولي ليش؟ قلت عسى الله بقعدتي مع هالي ضروسه كنها عظام سيقان يكفر ذنوبي هههههههههههههههاي

قلت بالله كووووويس ممتاز ... واقعد اتغصب اني اطالع في وجهه ابي الله يكفر ذنوووبن واجد ههههههههههههههههاي
قال الا مشالله وش هالبنات اليوم كلهم طخوووم ... قلت اليوم ؟؟؟ يخوي انت تشتغل طياره في المدرج ولا وش ظروفك؟ وش الي يجيبك كل يوم؟
قال لا بس اقول انهم طخووم عن باقي رحلاتي اللي رحتها قبل ..قلت اها يركدون يا ابن بطوطه حدك رحلات تبوك وخميس مشيط

<----- لاني حسيت من وجهه انه جندي على رتبه سكيورتي في القاعده العسكريه فتوقعت يا تبوك ولا الخميس

قال اقول ودك نرقم؟ طبعا انا وفي ذهووول شديد ماقدرت اخفي اعجابي بثقه هالولد من نفسه.. قلت عفوا الاخ مافي بيتهم مرايات؟
وش الي ترقم وربي لو تطل في وجه بنت بيجيها شلل في العين ولو تجازف معها وتستخف دمك يمكن ينتشر الشلل في الصف الي هي قاعده فيه كله.. اقول اعقل بس

وعقبها طابت نفسي قلت خلاص كفرت ذنوب بما فيه الكفايه خل اروح للكفتريا اصرف ...خخخخخخخخخخخخخخخخ

المهم واخيرا ركبنا الطياره واشخص انا وامي ومدري وش هي تقول الحاصل انها تقولي شي عن اني لا استخف دمي مع المظيفات
بلاها ماتدري اني اشوف العالم مربعات من الخوف.
والله ونقعد ومن يوم قعدنا وانا رابطن حزامي ومتلطم ومتمسك في مرتبه الي قدامي تقول اننا بنفحط مهوب بنروح للرياض.
وطارت الطياره واستوت في السماء وانا اطالع في السحاب والمناظر الخلابه ومندمج على اساس انه لو هذا اخر منظر اشوفه خل استمتع يلعن ابوها متعه يا شيخ اطالع السحاب والبراطم تنافض لكن خلوها على الله
اثر به سحابت(ن) قدامنا ولا شفتها الا يوم دخلنا فيها وقامت الطياره تهتز والحريم يصارخ(ن)... والتفت على امي اطالعها يوم شفت الا نقابها صار على شكل ( معين )من الخوووف باقي شوي ويطلع خشمها... وهالحركه ماتصير مع امي الا اذا جت في قمه الخوف

مثل مره كنا في السوق وبه واحد(ن) فيه شلل اطفال في عيونه وغلط ورقمها واشوفها تلحقه في السوق وهي فاصخه نعلتها بترصعه وهو يركض وانا جالس في محل قهوه .وكن مالي دخل !! جاني السكيورتي يقول تعال ظف امك ..قلت أي امي يا قليل الادب ؟ امي في باريس تكمل تعليمها ذي مانيب اعرفها
<------ جحد امه

المهم عقب ماشفت امي في هالمنظر داهمتها بسؤال قلت اقول صليتي العصر ولالا ..قالت لا؟ قلت يالله اقعديبها الحين لاصلاة ولا عباده ورايحت(ن) جده تتسدحين على هالبحر يقالتس تاخذين لون !! وتصيدين سمك ... اعقلي يا- رامي الصياد الصغير- والمصيبه اكبر ماصدتي طحلب في البحر وحصاه اقنعتيني انها قوقعه على الرغم اني شايف(ن) في الثمامه مثلها..
واني لا اعلم ابوي انتس تغازلين راعي الاسكريم والبليله ... قالت قصدك راعي الذره.. قلت ايه قصدي الذره والله ان اعلم

<------ من الخوف انا وياها انسبهنا
ثم انا قايل لتسسسسس خل نرجع مع كداد وانتي تقولين لا على الاقل لين صار شي لين حنا في الارض حولنا الناس لكن وش اقول.

ملاحظه: الكداد هو شخص يحمل الركاب من مدينه الي مدينه نظير اجر مالي متفق عليه في سيارته الخاصه ...يعني زي اللموزين اللهم انه خصوصي..وسمي بالكدّاد لانهوووو يكدّوووو على مووووترهيييييي

<----- ابووووك يا العلم

وعقب هالخضه حنا امورنا مهيب زينه ويالله الواحد يرد النفس لين وصلنا الرياض.. والله انها من يوم هبطت مع المدرج وانا باغي اطب مع الدريشه خخخخخخخخخخخخخخخخ

والله وننزل ومع الروعه بغينا ننسا لا ناخذ العفش وامي طبعا ماذكرتني اهم ما عندها هالمواعين ومفتاح المستودع وكلها معها في الشنطه والله من كبر شنطها بغينا نقص لها تذكره لحالها...

وفي النهايه يبقى الطيران اكثر طرق السفر اماناً في العالم (مايبي يخوفهم) لكن عن نفسي اقول التووووووبه



هذا والله الهادي الي سواء السبيل واسفين على الاطاله



ملتووش :k::k::k::k:
 
عودة
أعلى