قصيدة اتحلا - محمد السديري

ديوان الشاعر محمد احمد السديري
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      10-06-2009, 11:21 PM

      قصيدة اتحلا - محمد السديري

      قصيدة اتحلا - محمد السديري


      عمير شفت مخفرن يذكرونه
      ووقفت في خلق الكريم اتحلا

      قلت السلام وقال مالك مهونه
      ورديت له ثاني سلامي وهلا

      يا عمير صابت بالضماير طعونه
      طفلن على مكنون قلبي تولا

      له غرتن شقرا جذت عن قرونه
      ما هوب في زين الجواهر محلا

      قاموا هله بهروجهم يندهونه
      قلت اتركوه ابليس بعد وولا

      خلوه يالاجواد لا تبعدونه
      قالوا تعرفه قلت كلا وكلا

      بجاه ربن كلكم ترتجونه
      خلوه يقضي حاجته ويتسلا

      عليه قلبي كاثراتن غبونه
      كن الجراد بثومة القلب فلا

      وان قلت لي يا عمير وشلون لونه
      زينه على زين العذارا تعلا

      خده كما بدرن ظهر من مزونه
      عقب المطر عنه السحاب يتجلا

      حي نوده حيل دوني ودونه
      عليه قلبي بالموده تملا

      واحسرتي وان كان قفت ضعونه
      عن دارنا لديار حيه مجلا
      250*300 Second
    2. طير القوافي
      18-07-2009, 10:31 AM

      قصيدة اتحلا - محمد السديري


      عليه قلبي كاثراتن غبونه
      كن الجراد بثومة القلب فلا

      وان قلت لي يا عمير وشلون لونه
      زينه على زين العذارا تعلا

      خده كما بدرن ظهر من مزونه
      عقب المطر عنه السحاب يتجلا

      الله الله صح لسانك