قصيدة طيف الموده - محمد السديري

ديوان الشاعر محمد احمد السديري
  • ارسال إلى Twitter
  • ارسال إلى facebook
  • ارسال إلى google plus
    1. *مزون شمر*
      10-06-2009, 10:21 PM

      قصيدة طيف الموده - محمد السديري

      قصيدة طيف الموده - محمد السديري


      يا مل قلب كاوي الحب كاويه
      طيف الموده كل يوم يخمه

      لي صاحبن بيني وبينه منابيه
      يصعب علي الدرب وان جيت يمه

      اليا بغيت انساه واترك لطاريه
      زوله يصورلي على كل يمه

      عيني تبيه وقلبي الدرك يغليه
      هو منوتي من لابسات الازمه

      غلاي له محدن من الناس يحصيه
      يزيد عن زايد غلا ابوه وامه

      عليه قلبي يصطفق من محانيه
      كن الحنش يا عمير يسقيه سمه

      يا عمير والله ما نسينا حسانيه
      متى متى شملي لشمله يلمه

      عندي وكلن له دليلن يقديه
      لو هو يضر الحال يا خف دمه

      بعيد دار وعني البعد ناحيه
      واغليه لو الناس عندي تذمه

      عزي لقلبن داعي الحب داعيه
      ان هب ذعذاع الهوى زاد همه

      والدمع من عيني على الخد جاريه
      هجر النيا وان زاد يزيد غمه

      مكملن بالزين من فضل واليه
      وبالملح عن كل الغنادير عمه

      الزين في وجهه تجلت مواريه
      ورد على الخدين محدن يشمه

      ان جيت ابقطف زهرتن من نواميه
      يضحك وياعد والوعد ما يتمه

      لو طاعني يا عمير حبيت اشافيه
      ونذرن علي اني لصدري لضمه

      لو هو يبيع بالثمن كان نشريه
      سمته وعيا لا يبيع ابن عمه
      250*300 Second
    2. طير القوافي
      19-07-2009, 04:03 PM

      قصيدة طيف الموده - محمد السديري


      بعيد دار وعني البعد ناحيه
      واغليه لو الناس عندي تذمه

      عزي لقلبن داعي الحب داعيه
      ان هب ذعذاع الهوى زاد همه

      /////////////////////////////////////
      ان جيت ابقطف زهرتن من نواميه
      يضحك وياعد والوعد ما يتمه

      لو طاعني يا عمير حبيت اشافيه
      ونذرن علي اني لصدري لضمه


      صح لسان الامير