مطلوب منك وجهة نظر .. ؟؟؟


السلام عليكم ورحمة الله وبركاته

شاهد خطاب اوباما على اليوتيب من هنا


مطلوب منك وجهة نظر .. ؟؟؟

انا عاوز ياريت كل واحد يقول وجهة نظره وايه الى هو شايفه من خطاب أوباما لللعالم الاسلامى من جامعه القاهره .

لان فى كتير جدا مؤيد أوباما ومعارض له .

وشكرا ليكم


اقول انا وجهة نظرى .. يمكن تكون غلط .. ويمكن تكون صح .. ومستنى ردكم والنقاش حول هذا الموضوع .


أولا : العرب عموما متعاطفين مع الرئيس أوباما لحجتين اول حاجه انه من أصول مسلمة وافريقية .. والحاجه التانية انه بدأ الخطاب بتحية الاسلام واشار ببعض من ايات القرأن لكريم فى خطابة .

أقول انا ده كلام كويس .. بس هو لا مسلم حاليا ولا افريقى هو أمريكى 100 فى المية .. وجاى عشان مصلحته وبس هو كان مسلم والان غير مسلم وغير افريقى .. وكمان فى كتير بيستند بأيات القران وهو اصلا مش مسلم ولا بيعمل بأيات القران انا شوفت فى مرة واحد بهائى بيستدل بأيات من القران فى برنامج الحقيقة على دريم .. هل هو كيدا مسلم هل هو بيعمل بالاية الى قالها .. طبعا لاء

ثانيا : خلاصة كلام أوباما فى وجهة نظرى فى حاجتين

1- بصوا يا جماعه اسرائيل حبيبتى والى هيكلمها مش هيحصله طيب ولا هيشوف خير .. فاهمة يا ايران واخدة بالك يا لبنان .

2- احنا لازم يا جماعه نشارك بعض عشان انا بمر بأزمة اقتصادية قوية ومن الاخر مش معايا فلوس ومحتاج الفلوس الى عندكم عشان اشتغل بيها والى مش هيجيب هخربها عليه (( دول الخليج الى هما حاليا أغنى دول العالم وبالاخص السعودية )).


ثالثا : ليه أخر جندى أمريكى يخرج من العراق سنة 2012 مع انها اصلا حرب فاشلة وكان اختيارية على حد قوله . كان المفروض يسحب قواته بالكامل لثبوت حسن النية .. ودلوقئتى العراق افضل من حكم صدام (( كلام بالعقل .. طبعا لالالا .. واسأل المصرى الى كان شغال فى العراق )) .

رابعا : واحد جاى يبدأ صفحة جديدة معانا ويقول يا جماعه امريكا بتحب المسلمين وبوش كان غلطان فى حقئكم ... فين محاكمة بوش فى حرب العراق وجرائم الحرب الى عاملها هناك ... وهو فين اصلا دلوقئتى هو وحكومته ... ليه مرفعش الحصار من على غزة ووقف العدوان على غزة وفتح المعابر وطالب بحقوق الفلسطنين واللاجئين منهم .. وحاكم اليهود وجرائم الحرب الى عملوها فى غزة .. على الاقل فى الفترة الاخيرة من الحرب الى هو عاشها .


أسف على الاطالة وشكرا