تدري بلاك اقضي ولا لي بقايا

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. بـــــــــرق
      04-06-2009, 03:45 PM

      تدري بلاك اقضي ولا لي بقايا

      تدري بلاك اقضي ولا لي بقايا


      تدري بلاك اقضي ولا لي بقايا
      واعلم بلياك القوافي تموتي


      وافهم واقوله لا خداع وحكايا
      اني بلاك اعلن لحكم السكوتي


      واعرف ترانا ماسلكنا الردايا
      يوم اننا نشكي لبعض فبيوتي


      وادرك بان اللي عرق بالطنايا
      محال يعدل عن وعود الثبوتي


      وانه يمثل صادقات النوايا
      وانه يفي لو كبلته السبوتي


      تعال يامشعل بجوفي لظايا
      تعال للوافي قبل فوت فوتي


      تعال واروي للعروق الظمايا
      تعال واشبع جايعات لقوتي


      تعال مافيها ذنوب وخطايا
      تعال جمع بي صوايح شتوتي


      انا بلاك الهم عتم سمايا
      وانا بلاك الحزن ثوبي وكوتي


      وانا الفقير اللي يفز العطايا
      وانا اليتيم اللي طفح من نهوتي


      دامك فهيم في دقاق الخفايا
      خل الحكي يقتل بقايا صموتي


      تعال ماغيرك سكن في دعايا
      حكمت لسكوتي ولصياح صوتي


      اسرتني يافاتني ياغلايا
      ملكتني في صحوتي وفسبوتي


      رددتك ابصوتي وباصدق ندايا
      وادخلتك بفارض لسنة قنوتي


      انك فلا تمنع مسار لخطايا
      وانك تقطع حاجزات البتوتي


      تقبل عليا من جميع الزوايا
      ولا يهمك حاجز فيه موتي
      .
      .

      بقلمي

      اورنس الشمري
      250*300 Second
    2. نوران العلي
      04-06-2009, 06:28 PM

      تدري بلاك اقضي ولا لي بقايا


      دامك فهيم في دقاق الخفايا
      خل الحكي يقتل بقايا صموتي

      تعال ماغيرك سكن في دعايا
      حكمت لسكوتي ولصياح صوتي
      \
      /

      \

      اخي اورنس الشمري

      دام الحكي يقتل الصمت ..
      فلتحكي .. وتبوح ..لنستمع لهمس القلوب
      تعال .. واجعل من حرفك ..همس سكوتك..
      وابياتك اشعارك ..تصيح ببوح صمتك

      صح لسانك .. ولا هنت

      بوح راقي .. رائع سمع صداه

      تحياتي لك

      نوران
    3. *مزون شمر*
      04-06-2009, 11:05 PM

      تدري بلاك اقضي ولا لي بقايا


      حي الله الشمر
      حي الله الشعر العذب
      والقصيد الراقي
      صح السانك ولاهنت
      وربي يعطيك العافيه
      الزين يستاهل التثبيت
      دمت بخير
    4. Ẳ£๓ỉяέќħĭά
      05-06-2009, 08:08 AM

      تدري بلاك اقضي ولا لي بقايا


      صح لسانك اخوووي


      لا هنت
    5. الهوجاس
      05-06-2009, 11:22 AM

      تدري بلاك اقضي ولا لي بقايا


      صج لسانك وعلاشانك

      وافيه من وافي
    6. جرح العراق
      06-06-2009, 10:11 AM

      تدري بلاك اقضي ولا لي بقايا



      وانه يمثل صادقات النوايا
      وانه يفي لو كبلته السبوتي


      تعال يامشعل بجوفي لظايا
      تعال للوافي قبل فوت فوتي



      يسلمو اورانس كلمات ولا اروع

      الصمت خير رد على الجروح

      دمت مبدعا