قصيدة نحس - عبدالرحمن بن مساعد

ديوان الشاعر عبدالرحمن بن مساعد ارسال إلى Twitter ارسال إلى facebook
  1. *مزون شمر*
    04-06-2009, 12:22 AM

    قصيدة نحس - عبدالرحمن بن مساعد

    قصيدة نحس - عبدالرحمن بن مساعد



    يوم الاثنين اغتنى .. و صار بين الاغنيا ترتيبه الثالث
    يوم الثلاثاء الفجر .. مات في حادث
    فريق كورة .. دائما ترتيبه في الدوري الاخير
    و اذا لعبوا و استبسلوا .. قبل الاخير
    و بعد السنين الممحلة .. جاهم رئيس ثروته كثر التراب
    عين مدير .. عنده من الخبرة كثير
    شال الكبار ولعب شباب
    و جاب المدرب اللي له اسم مهاب
    و اتقدموا .. و صلوا للدور النهائي
    و يوم النهائي .. قبل المباراة بدقايق
    في البلد حصل انقلاب
    مسكين .. شين و فقير
    و في الدراسة حاول انه يستمر .. و ما استطاع
    وضعه صعب ..ابوه مات و هو صغير
    و ماترك له الا الفقر .. و امه و اخته .. و الهم من فوقه و تحته
    و مالقى لجل الهروب من الضياع .. الا انه يدور وظيفة .. أي وظيفة
    و لقى من ضيقته مخرج .. وظيفة دخلها معقول .. يمشي الحال لو اعرج
    و مرت سنة و سنين ..
    و المسكين .. صارت كل اماله زواج
    و اتزاحمت في داخله الاسئلة ..
    منهي اللي بتقبله ؟ .. و ليه ؟
    و في يوم ما مثله ابد .. شافها .. اجمل من اجمل ما رأى
    واضحكتله ... مستحيل ! ...اضحكتله
    و مشت من اول الحارة .. و لحقها
    و ادخلت في بيت جاره ..
    سأل عنها و عرف ... قنوعة و اسمها سارة
    تصير اخت لمرة جاره
    ارسل لها اخته .. تجس النبض
    جت البشاير
    راح لمه .. و فرحته كبر السما و الأرض
    و افقت ! .. ابشرك يمه .. لقيتها يمه
    سارة اخت حصة مرت منصور ..
    ابيها و هي تبيني .. و ابغى منك الشور
    خلاص يا يمه خلاص .. بقول لهمومي الوداع .. بقول لهمومي الوداع
    قالتله امه :
    يا ولدي .. بس هذي اختك في الرضاع
  2. ع ـزتي خلتني ـآم ـير
    04-06-2009, 12:28 AM

    قصيدة نحس - عبدالرحمن بن مساعد


    يسلموووووووووو



    تقبلي مروري المتواضع


    ننتضر جديدك
  3. أروى
    04-06-2009, 11:46 AM

    قصيدة نحس - عبدالرحمن بن مساعد


    الله يعطيك الف عافيه
  4. مناور
    30-09-2010, 02:03 PM

    رد: قصيدة نحس - عبدالرحمن بن مساعد

    قصيدة نحس - عبدالرحمن بن مساعد


    لوازم االحزن
    حدالضياع

    اخته .. ! من الرضاع
    ضاع..
  5. Loli.
    28-10-2010, 10:34 PM

    رد: قصيدة نحس - عبدالرحمن بن مساعد

    قصيدة نحس - عبدالرحمن بن مساعد


    وعليي مكسين
    تسلمي مزون ^.^

    ودي