قصيدة عيد الامارات - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    02-06-2009, 09:33 PM

    قصيدة عيد الامارات - فزاع

    قصيدة عيد الامارات - فزاع


    عيد الإمارات المجيده زاد «حمدان» انشراح
    وخلاه يكتب من جزيلات البيوت جزالها

    ما راح (زايد) صانع النهضه وطاريه ما راح
    سبع الإمارات انحتت حبه في روس جبالها

    حلق بها يا هاجس الشاعر ولو ما لك جناح
    ترى الإمارات العزيزه في السما منزالها

    أحبها.. إماره إماره.. وشوق الصدر فاح
    و(دبي) أم المجد وانا واحد من عيالها

    في عرقي الأيمن جرى مكتوم والأيسر فلاح
    نا اشهد انه اولى لها.. أنا اشهد انه اولى لها

    القلب بهو الأرض لا من صارت سهول وفياح
    والناس مهما تتفق .. ما يتفق منزالها

    المسلم ليا منه لبى صوت حي على الفلاح
    تراه راح يدور الحسنه بعشر امثالها

    (دبي) دار المعجزات ومركز اصحاب النجاح
    أبوي (زايد) قبلنا ما اقولها.. قد قالها

    ألله عطاها سحر لكن سحر مفعوله مباح
    تحت أشعة شمسها أو تحت نور هلالها

    هي أمنا اللي من على يدها تعلمنا الكفاح
    حتى صنعنا مجدها في البحر قبل رمالها

    وهي أمنا اللي علمتنا للخطا نلقى سماح
    وضيوفها من طيب فال (دبي) طيب فالها

    وهي أمنا اللي أمنها في الليل سولف للصباح
    عن راحة الزاير تحت شجرة يظل ظلالها

    صحيح ما يحمي قصار الخيل في يوم الصياح
    إلا طوال الخيل واحنا اللي نحوز طوالها

    النصر حققه العقل .. والحكم ثبته السلاح
    ثنتين والثنتين وحده، ما تصير لحالها

    من كف (راشد بن سعيد) معمر الحزم البراح
    لكف (مكتوم) الكريم اللي نظر لاحوالها

    تعب على تطويرها (مكتوم).. عيا ما استراح
    لين ودعها وهي تبكي عليه بحالها

    قالت من اللي لي بعد فرقاك وايامي شحاح
    وقف لها (محمد إبن راشد) وقال: أنا لها

    وخلا لها اللي ما يتاح بحنكته أمر متاح
    وحقق لها في وقت قياسي جميع امالها

    يا شيخنا يا للي يمينك غيم براقه لا لاح
    أحيا الديار الميته سيله لى منه سالها

    (دبي) نقطة وصل ما بين الوعي والإنفتاح
    تسمو.. ولكن السمو ربي خلقه إلا لها

    مكانها البارز في حاضرها رغم كل الجراح
    يعكس تراث جدودها الشامخ وعز رجالها

    مهما ملكت من الزمن.. والا بلغت من النجاح
    ما زالت ام المجد.. وانا واحد من عيالها
  2. أروى
    29-06-2009, 08:27 PM

    قصيدة عيد الامارات - فزاع


    ثانكس