قصيدة راس المال - فزاع

ديوان الشاعر حمدان ال مكتوم - فزاع ارسال إلى Twitter ارسال إلى facebook
  1. *مزون شمر*
    02-06-2009, 09:28 PM

    قصيدة راس المال - فزاع

    قصيدة راس المال - فزاع


    في الشعر للي مخيلته نظيف ومتنزه
    ينفرد م اللي سواه بفكرته والا كلامه

    يستفزون الجبل غيرالجبل وش يستفزه
    يالثماميين خليكم على عود الثمامه

    الذليل الله يذله .. والعزيز الله يعزه
    هب ياعذب النسيم وحن يارعدالغمامه

    والغلا لو انه ابره في الحشا ماهو يغزه
    يمنعه جرح الحبيب ولا نثر دمعه هيامه

    ياليونة غصن موز ويا طراوة ريش وزه
    إن رعت مع ظبي .. والا رعت مع حمامه

    مايفطر وصفك الصايم لو ان عينه تخزه
    إنت اصلا شي إيماني يكمل به صيامه

    انت محبوبي وانا ومعذبي في كل حزه
    وانت راس المال ويحيطك خفوقي بهتمامه

    مدري ليه اقدر على وصلك ولكن أتنزه
    هل اخاف من الهجر ولا أنا اخاف الندامه

    مدري ليه اشعر بأن الهجر من بعد المعزه
    يرسم فذهني علامه من علامات القيامه

    لاتهزه.. خل قلبي في مكانه .. لاتهزه
    سو ماتبغي تسوي فيه لكن باحترامه

    دامك مصمم على خنجر موادعك بتكزه
    في حنايا قلب عاشق ما جهل غيرك مقامه

    اثبت الطعنه على عرق شرب حبك ورزه
    وما يقول الا فمان الله خاوتك خاوتك السلامه

    كيف اكون انسان يستاهل يعزك او تعزه
    وانت تجرح كبريائي وتلاعب بالكرامه
  2. أروى
    29-06-2009, 08:33 PM

    قصيدة راس المال - فزاع


    كلمات رائعه