غلطتي......................اني تخليت!!!!

الشعر, قصيدة , شعراء, القصايد ارسال إلى Twitter ارسال إلى facebook
  1. عاشقة الجهاد
    28-06-2006, 01:46 PM

    غلطتي......................اني تخليت!!!!

    غلطتي......................اني تخليت!!!!


    هذه الابيات اعجبتني احببت ان تقروها وتبدو ارائكم فيها
    وترى انا بصراحه اكثر ماعجبني فيها خاتمتها .........
    أترككم مع الأبيات ------------------>


    كانت غلطة ، و أكبر غلطة يوم اني تخليت
    غلطة عمري اللي انا للحيت عليها ندمان

    ما يمر نهار و لا ليل لما بروحي أبيت
    إلا و نفسي تلومني و تقولي:صدج انت خوان

    تركت أحب و أعز الناس عليك بالدنيا و مشيت
    ما ذكرت و لا تذكرت إلا بعد ما فات الأوان

    تقولي: انت تستاهل لانك بعيشة الوحدة رضيت
    ما هانت عليك نفسك لكن حبك الأول عليك هان

    ليه تترك و تهجر يد انت منها سقيت ؟؟
    و عيون شوفتها نورت عليك الدنيا و الدان

    بعت حبك رخيص و سيف الخيانة سليت
    و الحين جاي تندم ، تقولي: انا و الله ولهان

    أقولك انسى و اشرب مر اللي انت سويت
    ما راح تسامحك حتى لو جيتها منكسر، مهان

    قلت لنفسي : انا منج و من كلامج اللوام مليت
    الحبيب ما يرجع حبيبه لو جاه يطلب الغفران

    قالت لي: و الله لو ذبحت نفسك عشانها ما وفيت
    هي تعبت و حطتك على راسها و و انت هجرتها زمان

    و تبيها الحين تسامحك و تضمك تقولك نسيت
    نسيت اللي صار منك و نسيت كل اللي كان

    قلت لها : المهم اكون ارضيت ضميري و الجميل رديت
    لان جماسلها و عطاياها مالها عندي نكران

    و رحت ادورها و وقفت اطرق باب البيت
    لما فتحت و شافتني ابتسمت مثل بدر الزمان

    قلت لها:اشتقتلك يامنى عيني سامحيني اناعن غلاكي عميت
    ودي أعود لأحضانك الدافية اللي انحرمت منها حرمان

    انا في غيبتك كنت تايه و ضايع لاني ما دريت
    ان في بعدك الشقا و في قربك الامان

    قالت لي : سامحتك و أيام غيابك انا فيها ما حييت
    و ضمتني ضمة كلها حب و عطف و حنان

    قبلت ايدها و راسها و في احضانها استويت
    و قلت لها:احبج يا يمة و انسي اعود للهجران
  2. *مزون شمر*
    28-02-2009, 11:54 PM

    غلطتي......................اني تخليت!!!!


    طبتي و طاب منقوولك
    كوني بخير
  3. سااااكب الدمعه
    01-03-2009, 12:06 AM

    غلطتي......................اني تخليت!!!!


    الف شكر اخت عاشقة الجهاد بارك الله لك على هذي الابيات