قبض الريح

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. اميرة روحي
      26-05-2009, 04:07 PM

      قبض الريح

      قبض الريح


      إلى متى والوجد يحتل الاعيان

      وقلبي يسامح والخطايا تعادي

      يا بسط كلمات الوفاء بين خلان

      ويا صعب قبض الريح فوق الايادي

      باموت عقبك ما تعلقت بإنسان

      وباموت ما جيتك (معود) عنادي

      ادعي عليك ودعوتي زلة إلسان

      لو يلمسك حاجة تقطع فؤادي

      شتان بين العقل والقلب شتان

      العقل يبغى الدرب والقلب غادي

      أنا أتأثر وأخدعتني بالأحزان

      مازلت أصدق عايش فالمبادي

      بعد إحلفت باغلى ثلاثه بالايمان

      بالبيت والمصحف وأخوها عبادي

      وادموع فالمنديل عندي إلى الان

      فيها من الكحلة بقايا سوادي

      من غربتك في داخلي نزف وجدان

      عليك ياخذني شعور الحيادي

      جيتك يلاعبك الهواء فوق الأغصان

      حمامة ورقا على جال وادي

      ما خذت من ريشك لكن زدته ألوان

      ورجعت والصفحات بيض جدادي

      واليوم أنا في رحلة العمر حيران

      كان الغموض الشك وين الوكادي؟

      وإن كانت الطعنة تدورها الأكفان

      أنا القتيل وكل جرح ينادي

      خالد البقمي
      250*300 Second
    2. بوح شاعر
      26-05-2009, 04:10 PM

      قبض الريح


      صح ذووقك وإختيارك

      وصح لسان شاعرها

      تقبلي مرووري ..ولك تحياتي
    3. dheem
      26-05-2009, 04:50 PM

      قبض الريح


      وإن كانت الطعنة تدورها الأكفان

      أنا القتيل وكل جرح ينادي



      صح ذووقك وإختيارك

      وصح لسان شاعرها

      تقبلي مرووري ..ولك تحياتي
    4. اميرة روحي
      26-05-2009, 06:41 PM

      قبض الريح


      يعطيكم العافيه ع المرور والتعليق
    5. صنيتان العتيبي
      27-07-2009, 10:51 PM

      قبض الريح


      صح لسانك
    6. روح soso
      28-07-2009, 01:56 AM

      قبض الريح


      من غربتك في داخلي نزف وجدان

      عليك ياخذني شعور الحيادي

      جيتك يلاعبك الهواء فوق الأغصان

      حمامة ورقا على جال وادي


      يسلمووو خيتووو >> ذكرت أعز إنسان << أخوي
    7. روح مشرقة
      28-07-2009, 05:39 AM

      قبض الريح


      قصيده رائعه اختي اميرة لاهنتي على النقل المميز