الجنه تحت رجليني

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. قلم عابر
      25-05-2009, 06:26 PM

      الجنه تحت رجليني

      الجنه تحت رجليني


      السلام عليكم ورحمة الله وبركاته


      القصيده عباره عن مناجاة مني ل اب وزوج تلك المطلقه ، قد طلبت مني قصيده


      عل وعسى ان تشفع لها وتسترد ابنها بعدما اخذه والده لتقوم زوجته الجديده بتربيته




      الجنه تحت رجليني


      .
      .
      .




      طلبتك ياقلم مشكور وهم مشكور وهم مشكور
      طلبتك لين قليبه ابيه يحس ويليني

      طلبتك ياعشير اسنين نخيتك ثم جتك سطور
      امرتك ياقلم أكتب بكيت وصرت تبكيني

      طلبته قلبك الطيب وجيت وقلبي المكسور
      جيت ودمعتي بعيني وسيل الدمع يعميني

      طلبته قلبك الطاهر عسى متهني ومسرور
      ادري داخلك رجال عسى طيبك يداويني

      كريم وقدرك العالي كريم ولا عليك اقصور
      كريم وميزتك رجال ولو اطلبك تعطيني

      طلبتك خله بحظني عن ايام القهر والجور
      دخيلك جرهد غيابه يبعثر كل ما فيني

      كواني الهم والغربال كواني الخافي المستور
      كوتني سيرة الفرقاء فراقه حيل يكويني

      تغص ابعيني العبره وقلبي انكسر مفطور
      تعشاني الزمان وصد وبحر الويل يسقيني

      وقف قلبي ودقاته وشهق حلقي وشهق حنجور
      عطشت الضاميه والبير حفره اطراف ايديني

      احس سكينه المدمي واحس إن الجسد محشور
      وهم قالوا ليامن طحت تبي تكثر سكاكيني

      تكون داخلي رجال نما بي وعاش تسع شهور
      وهو رجال في عينك صغير اشوفه بعيني

      اشوفه نجمتن تضوي ويبرق في سماها نور
      اشوفه في عيوني نور وكل الناس من طيني

      أبي يكبر تحت ظلي ابيه الورد والبلور
      ابيه لصيفي النسمه ولبردي نار يدفيني

      ابيه الطالب الناجح ابيه بإول الطابور
      ابي عن شوفة الحساد ، يسد عنهم ويكفيني

      ابيه لدنيتي راحه ابيه الطيب المذكور
      ابي ليامن دعاه الجار ابيه يقوم ويعيني

      ابيه الصالح المهدي ابيه المخطي المعذور
      ابيه المهتدي للدين ابي خلفه مصليني

      ابيه لضيقتي دنيا وابيه لعلتي دكتور
      ابيه العز والهيبه ابي شوفته تحييني

      ابي كل البشر خلفه يابى مايرد الشور
      ابيه الزاد في جوعي وابيه البير يرويني

      ابيه البيرق الشامخ ابيه الباقي المنصور
      ابيه بوسط اعماقي ابي يسكن شراييني

      وانا امه نظر عيني وحقي مدون ومذكور
      وقال المصطفى الجنه تحت اقدام رجليني




      .
      .
      .




      فهد خلف الشمري
      250*300 Second
    2. *مزون شمر*
      25-05-2009, 06:48 PM

      الجنه تحت رجليني


      فهد خلف الشمري
      هلابك يالشاعر
      قصيدة في قمة الروعه
      صح السانك ولاهنت
      وربي يعطيك العافيه
      تستاهل التثبيت
    3. King-10
      25-05-2009, 09:51 PM

      الجنه تحت رجليني


      كعادتك "فهد" دائما متألق بجميع الاغراض

      قصيده جميله وغرض انساني اندمجنا في تفاصيله .


      صح الله لسانك ولا هنت
    4. Ẳ£๓ỉяέќħĭά
      26-05-2009, 08:15 AM

      الجنه تحت رجليني


      لا هنت على القصيده

      قمه بالروعه

      مودتي
    5. اميرة روحي
      26-05-2009, 06:39 PM

      الجنه تحت رجليني


      قصيده قمة في الروعه


      سلمت يمينك يافهد ويعطيك الف عافيه


      وتستاهل التثبيت
    6. حنووووووووون
      26-05-2009, 10:39 PM

      الجنه تحت رجليني


      صح لسانك أخي فهد

      قصيدة تحمل الكثير من سمو المعاني علها تشفي الغليل

      مروري
    7. طير القوافي
      27-05-2009, 12:14 PM

      الجنه تحت رجليني


      كريم وقدرك العالي كريم ولا عليك اقصور
      كريم وميزتك رجال ولو اطلبك تعطيني


      صح لسانك
    8. مشعل الحب
      27-05-2009, 09:45 PM

      الجنه تحت رجليني


      وعليكم السلام ورحمة الله وبركاته ..
      هلا بك يابو خلف ..
      قرأت العنوان وقلت موضوع يستاهل بكل تأكيد
      قرأت الأبيات .. وما شاء الله عليك
      ( صح لسانك مليون )
      لو ما لقيت هالموضوع مثبت كان ثبتته .. ويستاهل

      أشكرك ..
    9. نوران العلي
      28-05-2009, 05:24 PM

      الجنه تحت رجليني


      جنة تحت اقدام أم

      وجنات تحت أقدام الأمهات


      لهفة أم .. وحنين قلب مفجوع

      بشوق لضم ولدها .. لحضنها .. المشتاق


      اخي فهد الشمري


      وصفت حال الام وقلبها الرقيق الملهوف

      على ولدها بابداع...

      قصيده في قمة الروعه والابداع


      صح لسانك .. ولاهنت ..


      عافاك الله


      تحيتي وتقديري



      نوران
    10. قمر السعوديه
      28-05-2009, 06:07 PM

      الجنه تحت رجليني


      يسلموووووو ايديك حبيبتي وصح لسان شاعرنا