طرف السوووووق

الشعر, قصيدة , شعراء, القصايد ارسال إلى Twitter ارسال إلى facebook
  1. هداج تيما
    25-05-2009, 03:21 PM

    طرف السوووووق

    طرف السوووووق


    لجرح ماهو خاطر شوي ويروق

    الجرح حتى لو تشافى يعللك

    واذاك متحمس متاهات وطروق

    انا تعبت اشد حيلي واحاولك

    سماي ما شي شمس ورعود وبروق

    والريح ماهبت ولايجري الفلك

    والقلب ناشف بحر وشقوقه شقوق

    وشلون بيكون سحاب ويبللك

    يا ضامي انا الضما ومتشبع حروق

    واذاك ضامي للمواصل .. انا هلك

    هلك ووقف في وجهي الاصل والذوق

    والمجتمع والعرف والفقر واهلك

    متعومس وحزن النبلاء مرموق

    يعني لو احتاج الك ماجيتك اسألك

    اللي علي اشكي واعاتبك برفوق

    واقولك ودي ماعاد اتأملك

    من دورة الايام ياخوك مخنوق

    الوقت مشاني من السلك للسلك

    ازل خطوه .. بس ما ازل منطوق

    ولو صارت ابحب خشمك واجاملك

    يبقى البني ادم مجرد ومخلوق

    ملك .. ولكن في الحقيقه بلا ملك

    كذاب.. قايل كل مطرود ملحوق

    سنيييين وانا اطردك وازريت لا اوصلك

    كنك تطيش وكني ادور في طوق

    كل ما وصلت اخرك يطلعلي اولك

    ليت مافي خاطري شوق وحروق

    ماكان حسيت ان انا بس من كلك

    الشوق ماهو رعشه وقبضة عروق

    وماهو اللي من شينك فعينك يجملك
    وماهو شعور ياخالق الروح برفوق

    وماهو سحر ولا ادري والله شقول الك

    انا سحابة حلم وتطير بك فوق

    وتطير ولا ودك انها تنزلك

    الشوق هذا .. والا انا شوقي

    البوق ماقد حصل في شوق هذي ولا تلك

    تدري وش اسوي ليا اضناني الشوق؟؟

    اسوي بعيوني كذا واتخيلك

    واقربك واتوق واتوق واتوق

    واكثرك واحلف ماعاد اقللك

    واصورك في الموق وتكبر على الموق

    وتطيح مع دمعي على ايدي واقبلك

    هذا غلاي اللي مع الدم مدقوق

    ولا عاد تسأل عن شعوري وازعلك

    محبة ماهيب من طارف السوق

    لو انك توكل.. كان والله لاكلك

    جيتك حقوق ورحت ماعندي حقوق

    وان قلت ما احبك ابجحد مواصلك

    احبك .. الا يا بري حالي وعوق

    من كثر ما احبك اخاف اني اقتلك


    منقول
  2. الرحاااال
    25-05-2009, 03:34 PM

    طرف السوووووق


    الله الله


    يعطيك العافيه خيي الغالي على هذا التميز

    وسلمت اناملك بما حمت هذا القلم النازف

    دمت بالف ود


    الرحال
  3. غلا الرياض
    25-05-2009, 03:43 PM

    طرف السوووووق


    ترابي


    قصيده جدا رائعة ....نقلت فأبدعت


    لاهنت ع النقل....ذووق راقي جدا


    ننتظر جديدك....تحياتي
  4. هداج تيما
    25-05-2009, 03:44 PM

    طرف السوووووق


    صح بدنك يالرحال ولا يحرمني من مرورك العطر
  5. هداج تيما
    25-05-2009, 03:47 PM

    طرف السوووووق


    المشاركة الأصلية كتبت بواسطة غلا الرياض
    ترابي


    قصيده جدا رائعة ....نقلت فأبدعت


    لاهنت ع النقل....ذووق راقي جدا


    ننتظر جديدك....تحياتي
    يعطيك العافيه وما رائع الا مرورك الجميل الذي اتحفني للامانه
  6. الحلوة
    25-05-2009, 04:23 PM

    طرف السوووووق


    يسلموو