12

فتاه ضحية زواج بنت العم لولد العم

قصة قصيرة - قصه جميلة - اجمل قصص وحكايات قصيرة منوعة مفيدة ارسال إلى Twitter ارسال إلى facebook
  1. خفايا الصمت
    22-05-2009, 03:25 PM

    فتاه ضحية زواج بنت العم لولد العم

    فتاه ضحية زواج بنت العم لولد العم


    مرحبا ؛؛؛؛؛
    انا اليوم يايبتلكم قصه واقعيه عن بعض العادات اللي للحين يمارسها البعض مع ان الجيل تغيرر يظلموون عيالهم عشان يحافظون على العايله ومايدرون انهم بهالقرار يحطمونهم ويسبب كره وحقد ....
    انا راح اقولكم قصة بنت اسمها (نوره) هذي قصة انا سمعتها من البنت نفسها كانت ضحيه زواج بنت العم لولد العم وصارت جسد من غيرر رووح فقدت كل شي بهالحياة صارت تتمنى الموت تقول الله ارحم من عباده
    بدت معاناتها بعمر 15 سنه احلى عمر للبنت مع رفيجاتها تعيش عمرها ومراهقاتها
    ييوها اهلها وبلغوها خطبتها لولد عمها(فهيد) اللي عمره 25 سنه كانت صدمه لها رفضت بس محد سمع لها راحت لامها ابوها اخوانها خواتها بس للاسف محد سمع لها قالوا مالج غير ولد عمج يعني ياولد عمج يالقبر
    <<<< ترا مابالغ كل كلمه اقولها فعلا صارت
    المهم تمت الخطبه والملجه واتفقوا الزواج بعد ماتتخرج البنت من الثانويه
    ووكان زوج نوره ( فهيد) يكلمها يوميا وبين حبه اللي كان كاتمه بقلبه طول هالسنين وبين لها شكثر هو متعلق فيها ولو ماخذها شنو ممكن يصير فيه وكان فعلا يعشقها يبوس التراب اللي تمشي عليه كان مدللها قبل لاتطلب يقول تم حاط لها الشمس بيد والقمر بيد
    اما نورره بعد ماشافت كل هالحب منه تعلقت فيه وندمت انها ماوافقت على طول وانها بجت ورفضته ندمت انها قالت كلمه مابيه كانت ماتشوف غير فهيد عشقته تعلمت الحب من عيونه تعلمت الشعر عشانه كتبت فيه قصايد كل قصيده احلى من الثانيه
    الكل يشوفهم مثل روميو وجولييت او مثل قيس وليلى حبهم كان شريف وبرئ
    لما وصلت نوره اخر سنه لها كانت بس تبي تخلص الثانويه عشان تتزوج حبيبها بس للاسف صارت مشكله بين هالعايلتين اللي فرقت بينهم
    اخو نوره طلق زوجته اللي هي اخت فهيد
    ومن القهر خوات فهيد وامه اصروا على اخوهم يطلق نوره وهم مالهم ذنب وللاسف العاشق الولهان
    طلع ماعنده شخصيه قدامه امه وخواته بسهوله نسى كل شي وطلق حبيبته وزوجته عشان شنووو مايزعل اهله
    وبعد ماطلقوه ر احوا بسرعه خطبوه له وحده ثانيه وحددوا العرس عشان مايرد لزوجته
    لما استوعب انه مايقدر يعيش من غيرها كان يدق عليها يبجي ويترجاها ترجع داق عليها قبل العرس بايام يقول رديلي
    نوره بعد ماطلقها عاشت بحالة صدمه يوم ماكانت تبيه غصبوه تتزوجه ويوم حبته وتعلقت فيه اخذوه بالغصب منها بس مادري شلون جتها قوة تحمل عشان ماتضايق امها المريضه مانزلت دمعه قدام امها كانت تسكت وتقول مافي نصيب وخيره ان شاءالله بس اول ماتدخل غرفتها تنهار وتبجي وتتعب
    هي تحبه وهو يحبها لما كان يدق عليها كانوا اثنينهم يبجوون ومابيدهم شي بس لازم تمالك اعصابها وماتنهار وماحبت تشمت العذال فيها اللي من تطلقت مافي كلمه وماقالوا عنها
    فهيد ترجا نوره انها تحضر العرس وفعلا راحت الصالون وقصت شعرها وصبغته وحطت مكياج اللي يقول هي العروس بس فرحتها ماتمت بنات عمها خوات فهيد كانوا موجودين بنفس الصالووون
    ويوها قدام كل اللي بالصالون وتهاوشوا معاها وقالووا لها اذا ييتي العرس انتي والا احد من اهلج ياويلكم ندري تبون تخربون العرس والله اذا شفناج راح نطردج ومافي كلمه ************* موحلوه ماقالوها بس هي سوت نفسها ماهتمت طالعت فيهم وابتسمت وقالت حدكم ثقه بنحضر عرسكم انا معزومه على عرس بفندق********
    عرس ********* وانا مافكرت ايي عرسكم ومشت وخلتهم مقهورين منها بس
    <<<<<<<< ونوره كانت جميله جميله بمعنى الكلمه ماشاءالله
    بس اول ماطلعت من الصالون وركبت سيارتها انهارت تعبت ردت البيت وهي منهاره ماكانت تبي امها تشوفها بس ماقدرت طاحت بحضن امها وبجت هذا ابوها واخوانها واقفين شسوا لها ماقدروا يسوون شي والعادات والتقاليد وينها اللي تخلي ولد العم يطلق بنت عمه بعد هالسنين ويخلي الناس تتكلم عنها
    تخيلوا معرسنا فقدها ووماطول اخذ زوجته وطلع واول ماوصل شقته دق على حبيبته يسالها ليش ماحضرت ليش تفرح العذال
    بس قالت له وهي قلبها مجروح ::
    ( انت اللحين واحد متزوج واحنا انتهينا انت بتظل ولد عمي وبحسبة اخوي وانا بمشي بطريج انت حطيته بدايته ونهايته وانا احبك وعمري ماخالفت لك كلمه ولازم انفذ كلامك)
    قالهانا احبج وماقدر اعيش من غيرج
    قالت وانا بعد احبك واموت من غيرك وعهدن علي مايدخل قلبي شخص غيرك
    سكرت التلفوون وتعبت نووره
    كان فهيد دايم يدق عليها ويدز لها مسجات بس ماترد عليها مرت عشر سنين صار عنده عيال وقلبه متعلق مع نوره غسل ايده ترجع لها
    نوره ماتزوجت لليوم هذا وكل ماياها ريال قالت لاخوانها قلبي لغير فهيد ماينبض انا ماراح اتزوج لافهيد ولا غيره
    عاشت مع امها المريضه
    وقبل خمس سنوات توفت امها اما ابوها متزوج كان مطلق امها من كان عمرها 13 سنه،
    عاشت مع اخوها في بيت امها بس اخوها عايش حياته مع مرته وعياله وتعالوا شوفوا حالتها اللي يشوفها يعطيها اكبر من عمرها صارت ضعيفه حالها يصعب على الكافر
    شوفوا العادات وين وصلت نوره ابوها واخوانها اللي زوجوها عايشين حياتهم مرتاحين وهي عايشه بجسد من غير رووح
    تدرون شنو اللي يقهر اخوها رد زوجته اللي هي اخت فهيد واللي يقهر اكثر ساكنه معاها بنفس البيت ونوره هي اللي تدير بالها على عيال اخوها
    كان بودي انشرلكم قصيده من قصايدها بس انا عارفتها مستحيل ترضى
    ادعوا الله يوفقها ويعوضها بواحد احسن منه
    وحسبي الله على الظالم
    اتمنى الناس تغير نظرتها من هالناحيه ومايكون زواج بالاكراه ولايدخلون الاهل بمشاكلهم


    ويسلموووو ادري طولت عليكم شسوي قرقره ماخلص
    ياليت تعطوني ارائكم عن هالزواج ولا احد يقول مافيه احد جذي في حالات غير نوره
  2. shodi
    19-03-2013, 05:31 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    جميلة ممممممممممممممممممممممممممرررررررررررره
  3. فلسطينى وافتخر
    20-03-2013, 01:15 AM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    اشكر صاحب الموضوع على جهودك

    وقصة مؤثرة


    ينقل لقسم القصص
  4. الكاتبة ساندرا
    20-03-2013, 01:45 AM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم




    وعليكم السلام والرحمة ~
    يعطيك العافية ياعسل على جهودك بالطرح ,
    وطالمة طلبتي راينا بالمسالة , بوضح بعض الأمور =)
    لأني مطلقة عارفه شعورها ومجربة كل تجاربها ,
    أنو جبروها وصارت معي ..

    ومعروف انو بدع الطلاق , أهل الرجال مهوب مادحينها أبد , لزوم يظهرون الغلط والعيب منها ,
    حتى العذال تتكلم ,
    ولكن ربك ما يسيب حد , وغلط أني أجلس كدا , على ذكر حد , جد قهرتني نورة ,
    للاسف هي أختارت طريقها بنفسها , لو أنها خذت واحد غيرها أمكن قلبها ينبض أكثر لغير فهيد .. !!

    الدنيا ما توقف على حد ..
    تعطي لنفسها فرصة ,
    ولو أنو يحبها بجد فهيد ما رضى أنو أهله يتدخلون ويتشرطون أنو يطلقها , نفس ما صار لطليقي ,
    لزموه أنو يطلقني , وقولت طلقني , وطلقني (
    رغبة من اهله ) ودحينه راحت ساندرا عليه ,
    ولاني بندمانه على هالتجرية أبد , فقد تغيرت ووعيت , صحيح تجربة قاسية ولكن تعلم بالأخير ,

    والسعيد هو أللي يتعظ من غيره ,

    صحيح اهلها غلطوا وعادتاهم وتقاليدهم غلط بغلط ,
    بس بعد هالتجربة , لزوم تشوف نفسها ,

    أنا بعد طلاقي نفسيتي زفت بزفت كل يوم أبكي , ماشفت يوم حلو ,
    بس مالي إلا الصبر ودعاء , ولو تريدين الجد ,
    ماهقيت أنو بنسى العذاب أللي عشته معهم ,
    فعلا الدعاء والصبر وكثرة الأستغفار تجيب فائدة ..
    الحمدلله و
    النسيان نعمة يا بنتي ,

    ولزوم تمضي بحياتها , ولا تجلس كدا ,

    والله يسعدها يارب وين ماتكون ,

    يعطيك العافية على سرد القصة ملاكي , وياليت لو توصلين كلامي لها , أمكن شويه تفيد من
    حياة مطلقة ~
    فحياتها وواقعها تهون على غيرها , الغير أسوا منها بكثير , لتنظر لنفسها قليلا , لأنها هي
    أيضا أساءت لنفسها ودمرت حالها ,
    بالتفكير بالماضي .. !!


    عافاك ربي |
  5. NORY
    21-03-2013, 08:36 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    الله يهديها ويصلح حالها

    اخوها مايستحي على وجهه

    يرجع زوجته وبسببه اهي تطلقت

    الله ياخذ حقها
  6. زهور و عطور
    22-03-2013, 06:14 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    مسكينة هي نورة
    تحطمت حياتها بسبب النزاعات العائلية
    فكانت هي كبش الفدا
    وبقيت تشرب المر لسنوات طوال
    نتمنى لها حياة افضل عن قريب
  7. لمسة حساسة
    25-03-2013, 01:35 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    الله يهدي
    تقبلي مروري
  8. ميمو البدويه
    05-04-2013, 09:46 AM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    قصه حلوه ومؤثره
    وان شاء الله تحصل الزوج المناسب لها والافضل من ولد عمها


    تقبلي مروري
  9. حلمي حلم الغروب
    06-04-2013, 02:26 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    قصةة مؤثرةة والله
    الله يعينها ياررب
    الله يبعتلها كل خييرر
    ربي يسعدك "
  10. مزمز
    06-04-2013, 09:25 PM

    رد: فتاه ضحية زواج بنت العم لولد العم

    فتاه ضحية زواج بنت العم لولد العم


    من جد قصه موثره
    يعطيك العافيه وربي يسعدك....
12