ألووو ؟؟!!! ساكت كن ماني احاكيه

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. الاطلال
      21-05-2009, 10:59 PM

      ألووو ؟؟!!! ساكت كن ماني احاكيه

      ألووو ؟؟!!! ساكت كن ماني احاكيه





      الوقت مايعرف حبيبي ولا جاه ..
      والناس ماتدري عن الصدر وش فيه


      أكذب وأقول اني معزم وبنساه ..
      وأكذب على نفسي إذا قلت: مابيه


      والاه فيني خاوت الاه والاه ..
      لامن تعمد عاذل القلب يطريه


      وأتذكره وأتذكر يساري بيمناه ..
      وأنا مغمض عين قلبي على يديه


      قلت أتصل ..؟ لا لا ماتصل بترجاه ..
      وأسرح الين أصحى بضحكة غناويه


      من غير ماشعر كيف وشلون ابداه ..
      ألووو ؟؟!!! ساكت كن ماني احاكيه


      ألووو ؟ مابي غيرها وأتفداه ..
      ورغم اني ماني مزعله قمت أراضيه


      دوم أتسائل ليه يسكت وأنا معاه ..
      واثره يبيني أنتبه لجل أناديه


      عشان يسمع قلب تشهق خلاياه ..
      لاقلت: (يافلان) وجاني الرد لبيه


      وأتعمد أتبعثر اذا كنت وياه ..
      وماهو مقصر جعلني فدوه لكفيه


      أدري ويدري كم أحبه وأهواه ..
      وأشتاق له حتى وأنا بين ضلعيه


      ويتعمد الحيرة أنادي ويرد هاه ..
      وإن عزم بيذبح يجي يقول لي: ليه...!!


      ساعات انا اتسائل انا ليه ؟ انا ياه ..
      اقسم بربي ارتبك لاهمس هيه


      لبيه كل مازم لي شفاه ..
      لبيه ماهي مثل مانقول: لبيه


      تشلع عروق القلب والله والله ..
      إلين النفس ماعاد ياناس يمديه


      وتضج في صدري من الشوووق ويلاه ..
      وأصرخ انا والقلب بالصوت نغليه


      يالبى كلي بضحكة ثناياه ..
      يومه تلفت شاف ماني بحواليه


      يعرف طريقه وسط صدري وممشاه ..
      تدلع وتتبع عروقي خطاويه


      الغيد بعيوني غدن جملة أشباه ..
      والحسن والفتان أول أساميه


      مو قلت: أنا أكذب لو قلت بنساه ..
      واللي خلقني ماتركه أو أخليه


      مما راق لي
      250*300 Second
    2. غلا الرياض
      22-05-2009, 12:16 AM

      ألووو ؟؟!!! ساكت كن ماني احاكيه


      قصيدة جدا رائعة


      وذوق عالي من شخص راقي


      منقوول رائع


      لاهنت ع النقل


      تحياتي :)
    3. مشعل الحب
      22-05-2009, 12:24 AM

      ألووو ؟؟!!! ساكت كن ماني احاكيه


      الأطلال ..
      اشكرك اخوي على نقلك الجميل
      تحياتي ..
      :
    4. صبيه شقيه
      22-05-2009, 02:46 AM

      ألووو ؟؟!!! ساكت كن ماني احاكيه


      متميز الاطلال في ابياتك دائما

      طبت وطاب منقولك

      يعطيك العافيه
    5. بعدهم كلهم
      22-05-2009, 10:45 PM

      ألووو ؟؟!!! ساكت كن ماني احاكيه


      أكذب وأقول اني معزم وبنساه ..
      وأكذب على نفسي إذا قلت: مابيه


      الله يعطيك العافيه عالأتخيار الراقي

      تقبل مروري
    6. قلب طفله
      23-05-2009, 04:29 PM

      ألووو ؟؟!!! ساكت كن ماني احاكيه


      روووووووووووعه

      يسلموووووووووووووووووووو
    7. ملكه الحب
      06-07-2009, 11:18 PM

      ألووو ؟؟!!! ساكت كن ماني احاكيه


      قصيدة جدا رائعة