1234

أسواق العثيم *_^

الشعر, قصيدة , شعراء, القصايد ارسال إلى Twitter ارسال إلى facebook
  1. غلا الرياض
    20-05-2009, 01:49 PM

    أسوآآق العثيم *_^

    أسواق العثيم *_^


    هذه القصيده إهداء لكل شخص عينه زايغه

    لأن هذي النهايه .... ^_*


    ::

    ::

    يجهل الجاهل على جهل الجهول

    ويتحمل من جهل جهل الجهال

    لا سقا الله ساعة بالعثيم مول

    رحت اودي حرمتي عقب الزوال

    واختبرت القلب في ساعة فضول

    كنت اظنه راسين مثل الجبال

    مادريت انه على الفلس محبول

    وقيده اللي مايرده والعقال

    جيت سوقن جامعن من كل زول

    الكداري والقماري والغزال

    قمت اطالع واتمشى في ذهول

    واتلفت من يمين ومن شمال

    وارتبشت وطحت في باب الدخول

    طحت مابين المحاسب والسلال

    والسبب من داعج العين البتول

    فوق رمشه حاجبه كنه اهلال

    سيف خشمه والوجن وردن ذبول

    ومن ورا الشيله لخديه اشتعال

    والثنايا في تبسمها الخجول

    ساطعاتن سابحاتن بالزلال

    وعنقها مفهوق والكتف مهدول

    والمشي مشي الرزينات الثقال

    والخصر ملهوف والردف معزول

    يابو نايف كنها بعض الدلال

    وصدرها مزموم والجيب محلول

    وان مشت جاني من الهز اختلال

    والردايف لامشت شي يهول

    من تحت ثوبه غدا لهن اجتوال

    كن ردفه بالطلوع وبالنزول

    لامشت يعطي دروسن للضلال

    او يحرج من يسوم وكم نقول

    او بروقن مرهشاتن في خيال

    وشفت شين بس ماودي اقول

    وشفت شين غير هذا مايقال

    اشهد انه سجلت بالقلب قول

    وكبرين بالكبد من تحت الطحال

    تلعب الفتبول وايضا الهارت بول

    مايجاريها النصر وإلا الهلال

    وارسل الشيطان من عنده رسول

    امتخصص في علوم الانحلال

    قال يالله قم تحرك ياكسول

    ماتلاقي غيرها في هالكمال

    وجيتها خايف ولا ادري ويش اقول

    واستحت هي وابعدت بنت الحلال

    وجيت اكلمها وإ يلا تقل إمغيول

    وراح صوتي وصار بالعين احولال

    واتشجع قلت يابنت إمعقول ؟

    كل هذا فيك من زين وجمال

    قالت ابعد قلت ماشين يحول

    بيننا واللي تبين بلا سؤال

    قالت اسمع مانت جاهل بالاصول

    ضف وجهك لافضحك بين الرجال

    قلت يالله بس هرجك لايطول

    وادفع فلوس المقاضي بالريال

    بالمرق وجهي مع الناس مغسول

    ماستحى قالت اجل قرب تعال

    واخطفت قوطي من الادراج فول

    المدمس العريض من الطوال

    وصكتن به صكت القرم الكتول

    وشقت الجبهه ودم الراس سال

    ثم قامت تضربن باللي تطول

    وافزعت معها علي ام العيال

    وافزعن كل الحريم بدون قول

    يضربنن بالقواطي والحلال

    وبالمكانس والصواني والسطول

    والعجايز يفزعن لو بالتفال

    اخلطني خلط عجان إمعمول

    واضربني ضرب قوات احتلال

    واطلعوني سحب مانيب إمحمول

    ساعتن بالشمس ماني بالظلال

    الشعر منحاس والوجه إمعفول

    والثياب امقطعاتن والنعال

    كني اللي اكلن كيلو هلول

    ريحتن ماهيب حتى بالخيال

    وعقب هذا صرت اذل من الذلول

    تركبن ام العيال بلا إحبال

    وكل يومن تركبن مثل الرحول

    مشيتي سيده ولا فيها ميال

    وقالت اركب واعتمر بي يالبطول

    واسأل الله يغفر إذنوبن إثقال

    وبالمطاف الناس يطافون حول

    بيت رب البيت ربي ذا الجلال

    إلا انا من بدهم تقل إمهبول

    ما أطوف امشي من الذله عدال

    ودق قلبي مثل دقات الطبول

    لا حكوا بالسوق او جا له مجال









    منتظرة ردودكم
  2. طير القوافي
    20-05-2009, 01:54 PM

    أسواق العثيم *_^


    وبالمطاف الناس يطافون حول


    بيت رب البيت ربي ذا الجلال


    إلا انا من بدهم تقل إمهبول


    ما أطوف امشي من الذله عدال

    صح لسانك ولسان شاعرها
    قصيده مكمله ومتميزة كثير

    احترامي
  3. غلا الرياض
    20-05-2009, 02:02 PM

    أسواق العثيم *_^


    طير القوافي

    الف شكر لمرورك الكريم
  4. هداج تيما
    20-05-2009, 02:30 PM

    أسواق العثيم *_^


    طاب منقولك وأشكرك ع النقل الرائع ويستاهل ماحصل تحياتي
  5. صبيه شقيه
    20-05-2009, 02:44 PM

    أسواق العثيم *_^


    وارسل الشيطان من عنده رسول


    امتخصص في علوم الانحلال


    قال يالله قم تحرك ياكسول


    ماتلاقي غيرها في هالكمال

    هذا البيت فيه دروس

    ههههههههههههههههههههههههههههههههههههه غلووو

    والله رووووووعه يالغلا

    امتعتينا بنقلك

    يعطيك العافيه
  6. غلا الرياض
    20-05-2009, 07:24 PM

    أسواق العثيم *_^


    المشاركة الأصلية كتبت بواسطة ترابي
    طاب منقولك وأشكرك ع النقل الرائع ويستاهل ماحصل تحياتي
    ترابي

    نوورت متصفحي بمرورك ومشاركتك الذووق

    الف شكر
  7. غلا الرياض
    20-05-2009, 07:25 PM

    أسواق العثيم *_^


    المشاركة الأصلية كتبت بواسطة صبيه شقيه
    وارسل الشيطان من عنده رسول


    امتخصص في علوم الانحلال


    قال يالله قم تحرك ياكسول


    ماتلاقي غيرها في هالكمال

    هذا البيت فيه دروس

    ههههههههههههههههههههههههههههههههههههه غلووو

    والله رووووووعه يالغلا

    امتعتينا بنقلك

    يعطيك العافيه
    صبوو

    دووم الضحكة يالغلا

    مرورك هو الاروع

    الف شكر
  8. فراشة الرياض
    20-05-2009, 09:45 PM

    أسواق العثيم *_^


    روووووووعه

    يسلمووو غلووو على هيك طرح
  9. ج عيگ
    21-05-2009, 12:51 AM

    أسواق العثيم *_^


    رووووووووعه

    يسلموو على القصيده
  10. King-10
    21-05-2009, 01:30 AM

    أسواق العثيم *_^


    منقول جميل


    الله يعطيك العافيه ..

    تحياتي
1234