انا يعجبني الرجال الاصيل الشهم عالي الشأن

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. سعوديه ومايهزني مخلوق
      18-05-2009, 11:56 PM

      انا يعجبني الرجال الاصيل الشهم عالي الشأن

      انا يعجبني الرجال الاصيل الشهم عالي الشأن


      أنا يعجبني الرجال الأصيل الشهم عالي الشان
      عزيزالنفس ,, كسب الطيب عاده ما يخليها

      وأحب اللي بوقت اللازمه يصهل صهيل حصان
      وتعجبني رجاجيل بعيدات هقاويها

      واحب اللي ليا منه علا في جوه الدخان
      يوردها حياض الموت روحه ما يداريها

      الا منه قعد سلطان والا منه ركب شيطان
      قوي الباس عرب الساس خيله ما يعفيها

      واحب اللي ستر وجهه شراه بغالي الأثمان
      الا من باعو الشيمه بغالي الروح يشريها

      واحب اللي يخاف الله يجيك من العقل رويان
      شير بخير وأهل الخير للخيره يدليها

      واحب الشهم ممدوح السجايا صافي الوجدان
      الا من جوه ضيفانه على نفسه يبديها

      وأعز اللي يهلي بالضيوف ويشعل النيران
      وأبي قولة هلا من قلب والعشيات ما ابيها


      ابي الدله وابي الفنجال ابي الترحيب بالضيفان
      ابيجلسة نشامى راعي المجلس يقهويها

      ابي لي سالفة عدله معاها من الشعرقيفان
      تشدك حكمة الأجداد يشدك صوت راويها

      ابي النخوه وابي الفزعه واحب مجالس الشجعان
      هل العادات والفزعات نعم لا حل طاريها

      هل الشيمه هل القيمه هل المعروف والاحسان
      هل التقدير والتأثير واللي بيض اياديها

      واحب اللي ليا جوه النشامى يفتح البيبان
      كريم من قديم الوقت ليا صكت لياليها

      احب المرجله واصحابها واقدر الفرسان
      بخيص في معانيها قبل لبحث خوافيها

      واعرف اللي يخوض المعركه لا صاربالميدان
      يمشيها على رايه وياخذها ويعطيها

      واحب اللي سوالفهم ذهب موزون بالميزان
      مهو خبل يخم السالفة بعدين يخطيها

      واحب اللي رفع نفسه وجنبه مجلس الحقران
      حشيم ما لقى حشمه تركها ما يدانيها

      عرف نفسه لزم حده ولا هاين ولا ينهان
      الى من زادت اللجه يجنب عن بلاويها

      واحب من الرجال اللي يسمى شمعة الديوان
      الامنه تحدث كل كلماته ينقيها

      ولا احب اللئيم اللي تصيد زلةبلسان
      الى منه سمع زلة رفيقه ما يغطيها

      واحب اللي ليا سوى غلط قال العفو غلطان
      [حلاة الرجال لا منه جرح روحن يداويها]

      ترى اللي يشد في رايه على طول المدى خسران
      يضيع ولا يطيع ولا بغاها مايلاقيها




      منقوووووول
      250*300 Second
    2. • عنآقيد تۈت •
      19-05-2009, 02:06 AM

      انا يعجبني الرجال الاصيل الشهم عالي الشأن


      يعطيك الف عافيه

      سلم نبضك واحساسك

      لاعدمناك
    3. $$ لحظه شموخ $$
      19-05-2009, 02:51 AM

      انا يعجبني الرجال الاصيل الشهم عالي الشأن


      قصيده قمه صراحه ولها احساس وتاثير في قلبي وكلماتها لها مواقف


      وعبر $$ مواقف تمر علينا ولاكن لاتتكرر بالدنيا وماصعبها من مواقف $$


      من القلب اختارت واطربت قلوبنا بكلمات لها ميزه تحياتي وتقديري .. تميزتي..


      تقبلوا مروري اختكم.. $$ لحظه شموخ $$
    4. صبيه شقيه
      19-05-2009, 12:50 PM

      انا يعجبني الرجال الاصيل الشهم عالي الشأن


      عرف نفسه لزم حده ولا هاين ولا ينهان
      الى منزادت اللجه يجنب عن بلاويها


      يعطيه العافيه سعووديه رائع
    5. لحن المشاعر
      19-05-2009, 02:26 PM

      انا يعجبني الرجال الاصيل الشهم عالي الشأن


      ياسعووديه والله إنك ذوووووق

      تسلميين على ها الطرح يالغلا

      وربي يسلم ايدياتك

      تحياتي

      خيتك لحن ...
    6. *مزون شمر*
      19-05-2009, 06:24 PM

      انا يعجبني الرجال الاصيل الشهم عالي الشأن


      منقول جميل
      ولكن الاجمل كتابة اسم صاحبها او منقول للامانه الادبيه
      عزيزتي
      اتمنى تتقيدين بالقوانين
      او اي مشاركه لك مامكتوب فيها منقول حسب القوانين
      مسموح لي انقل للمحذوفات
      دمت بخير
    7. رعبوب شمر
      19-05-2009, 08:14 PM

      انا يعجبني الرجال الاصيل الشهم عالي الشأن


      تسلمين ع النقل الجميل
      ولكن يوجد بعض الأخطاء المنقوله
      مثل:
      صهيلحصان
      سلطانو
      بغاليالروحيشريها
      ...
      إلى اخر من الأخطاء

    8. King-10
      19-05-2009, 09:27 PM

      انا يعجبني الرجال الاصيل الشهم عالي الشأن


      سعوديه وقصيده مرصعه بالمعاني الجميله والامنيات الغاليه التي لاتخصها وحدها مثل يعجبني واحب ... الخ

      تسلم يدينك .. وصح الله لسان شاعرها

      لاتحرمينا من تواصلك

      شكرا