كاع انكع

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. الصمـت الجـارح
    18-05-2009, 03:17 AM

    كاع انكع

    كاع انكع


    السلام عليكم ورحمه الله وبركاته

    اللي وراه شئ غير الموضوع هذا يروح يقفله وقبل ما تقرون افصلوا الاتصال

    مقدمة متعوب عليها ...

    مع اشراقة يوم جديد .. حيث كانت زخات الشمس تنهمر على وجنتي .. والنسيم العليل يعلعل في ارجاء الغرفه ويزقزق مسرورا .. لا تفهموني غلط ..!! ...ابتاهجا ببداية اليوم ... والعصافير تعصفر على شرفتي وتنظر الى وجهي وتنبح .. وكأني بها تقول .. هيا الى المرح ياهذا .. وانت الصادق .. هي ودهاتقولك .. هيا الى السجن .. يوم شافت وجهك ..!! .. فنهضت من سريري منتشيا .. واذا بالخدم والحشم يطرقون علي الباب ومعهم مالذ وطاب من طعام الافطار .. بدينا في الكذب انت فطورك سندويتش فيه رز من حق امس وعصير فول ...!! ثم تناولت افطاري بعجل .. وارتديت ملابسي ومن بعدها توجهت الى جامعتي الجميله ... وكان ذلك اليوم هو يوم النتائج ...

    وصلت الى الجامعه .. وأخذت اجول بناظري بين الاسماء بحثا عن اسمي الموقر .. ولكن لا جدوى من ذلك .. فأعدت النظر كرارا ومرارا لعلي اجد اسمي فلان ال .... ولكني لم اجده ... اخس يالزبال .. اجل مستريح ال ... اللي يسمعك هاللحين يقول ان اسمك فلان ال ابراهيم .. يارجال اتفل في وجهي اذا ماكان اسمك فلان ال تراب ...!! ... داهمني شعور غريب .. شئ من الترقب والخوف من المصير .. ما ودك تسكت بس ..!! .. وبينما انا واقف اداعب خصلات شعري ... ايه هين ..!! .. أتاني زميلي كاع إنكع .. وكان كاع إنكع عريض المنكبين احول العينين مروح الابطين كبير الاذنين لو تشوفه من بعيد تحسبه وحيد القرنين ... هي اصلا وحيد القرن .. بس عشان القافيه مشوها لي ..!! ..
    وقال لي كاع إنكع .. ماذا انت ناجح ام كلا يافتى ....!! مسوي نفسه لغه عربيه هو وجهه ..!! .. فقلت له .. لم ادري فلست أجدت اسمي مع الناجحين .. عداني هالخبل ..!! فقال لي .. وماذا يعني ذلك ..؟؟ فقلت له .. يعني ان أبي سوف يدوس في بطني ويلعن والديني حتى استغيث استغاثة الخروف في عيد الضحيه..!! فقال .. وانا مثلك وشرواك ايضا.. فأبي سوف يخربط وجهي لو علم برسوبي .. فقلت له .. اكتر من كدا ايه .. وجهك مخربط منذ ان ثكلتك امك ....!! فقال لي .. اذن دعنا نبحث عن حل لكي نتفادى المشكله ونسعد بالاجازه ... فقلت له .. حسنا ..!! ... وأخذنا نفكر ونفكر ..... وش رايكم في البدايه .. والله حسيت اني طه محفوظ على هالمقدمه ..!!

    الموضوع .....


    المهم عز الله مقامكم ... جلسنا نفكر... وقلت له .. تصدق اننا حمير ..!! قال لي .. ماجبت جديد بس ليش ..!! قلت له .. مفروض اننا دخلنا تخصص سهل .. موب انجليزي .. حنا يالله نتكلم عربي ونبي نتعلم انقليزي بعد.... قال لي .. طيب وش التخصص السهل ..؟؟ قلت له .. لو اننا داخلين مثلا قسم اثار .... قال لي .. قصدك اثار الحكيم ..!! قلت له .. الشرررهه علي اللي يكلمك انت وجهك اللي لاعبه فيه عوامل التعريه ...!!!

    المهم .. انه قال لي .. شوف .. انا صراحه ودي انبسط في الاجازه .. ولو يدري ابوي اني رسبت راح يخربها علي ... قلت له .. طيب كيف تنبسط.. قال لي .. ياخوي نبي نسافر للخارج نشوف العالم ... قلت له .. انت يمكن ودك تشوف العالم .. بس العالم وده يتخلص منك ومن وجهك ...!! قال لي .. يالله عاد فكر معاي وين تبينا نروح ...؟؟ قلت له .. والله انا ودي اروح فرنسا .


    يتبع.......


    المهم انعم الله عليكم .. اننا اتفقنا اننا نصرف اهالينا ونسافر فرنسا .. ورحت للبيت ولقيت ابوي ينتظرني وقال لي .. هاه بشر عساك ناجح ..؟؟ قلت له .. ايه نجحت بس .. قالوا لي لازم اسافر فرنسا ... قال لي .. ليش ؟؟؟ قلت له .. يقولون لازم تروح فرنسا عشان تتعلم انقليزي زين بعدين ينجحوني ...!! يلعن ام التصريفه الغبيه ..!! .. قال لي .. خلاص موب مشكله .. بس خذ امك معاك قطها على طريقك عند خوالك ...!! قلت له .. وش تحسب فرنسا انت .. ترها ماهي بجنب عرعر يابوي .. هي صوب ابها ... من شابه اباه فما جاب شي جديد ..!! ..المهم انه وفق وعطاني دراهم ...

    ورحت لخوي كاع إنكع ولقيته ينتظرني .. وقلت له .. هاه بشر وش سويت ... قال لي .. تمام قلت لابوي باروح فرنسا .. قال لي ما يخالف بس لا تسرع .. وانتبه من البعارين في الخط .. وجب لنا تمر معك .. ياحليل ابوي .. والله ان ابوي اشوى ..!! .. المهم اننا رحنا وحجزنا تذاكر لفرنسا على طيارة اليوم الثاني ... وبعدها رجع كل واحد لبيته .. وتواعدنا اليوم الثاني في المطار ... ورجعت انا للبيت ونمت على طول عشان يجي بكره بسرعه ... وقمت اليوم الثاني وجهزت اغراضي وعزبتي واخذت معاي بطانيتي وفراشي والمعسل .. ياخوي انت بتروح لفرنسا ولا بتروح رحلة للبر ..!! ...وطقيت هاك البدله والبنطلون طالع كني مثل لاعبين المنتخب ... ورحت للمطار واجلس ادور خوي كاع إنكع ومالقيته .. وشوي الا واحد جنبي يسلم علي .. قلت له .. ما ابي لوموزين .. قال لي .. انا كاع إنكع ..!! قلت له .. وش هاللبس اللي لابسه .. والله اني احسبك سواق لوموزين ..!! قال لي .. عاجبك لبسك انت وجهك!! .. قلت له .. ياحبيبي اكشخ اثنين في العالم انا ومحيسن الجمعان ..!!


    .... ورحنا لبوابة المغادره .. وركبنا الطياره .. عاد ما شالله كل اللي معانا في الطياره محترمين .. والحريم متسترات ما شالله .. لدرجة اني سألت المذيعه ... قصده المضيفه .. بس مايعرف .. ماعمره ركب طياره ..!! .. اقول سألتها .. هذي الطياره رايحه مكه ولا فرنسا .. ولدرجة ان فيه حرمه امامي اشوفها لابسه قفازت ومحتشمه ما شالله عليها.... حتعيط من الايمان .. واتوقع لو ارفع غطوتها احصلها مربيه لحيتها من الورع والتقوى ... بس ما امدى الطياره تقلع .. الا انقلبوا كلهم وبدت الهيصه .. الحريم قطوا غطواتهم .. والرجاجيل بدلوا ثيابهم .. اثاريهم لابسين بدالهم من تحت الثياب ... وانواع المسخره في الطياره .. يوم شفت الدعوه كذا وانا اللي ادور كاع إنكع عشان لا يجيب العيد .. لانه ماعمره شاف خير .. وادوره مالقيته .. وشوي الا احصله يطارد المضيفه .. ويقولها .. .. ياسستر أنا فيه يبغى مويه ...!! وانا اللي اجره من شعره .. وقلت له .. وش اللي سستر انت وجهك .. في مستشفى حنا ..!! قال لي .. ياخي حبيتها والله .. قلت له .. اقول اجلس هنا ولا عاد تقوم ... قهررني والله .. لاني حبيتها قبله ..!!

    المهم شمال ما تشناكم .. اننا وصلنا لفرنسا .. وباريس بالتحديد .. واخذنا شناطنا ورحنا ندور فندق .. بس استغربنا من شي .. اللي هو ملابس الفرنسين .. تحس انهم جالسين على مسبح مو في الشارع .. وتحس انهم بايعينها بزنوبة .. المهم .. دخلنا فندق وسكنا فيه .. و أول مادخلنا غرفتنا حطينا شناطنا ونزلنا تحت للمرقص عشان نوسع صدورنا ونغسل كبودنا .. انت اغسل وجهك اول ..!! .. واول ماجلسنا صاح كاع إنكع .. بالله واحد خمر ..!!!!!!! وانا اللي ارفسه برجلي من تحت الطاوله .. وقلت له .. وش اللي خمر يالثور .. ترى لها اسامي .. اسكت انت وخلني انا اطلب .. وناديت الخدامه عشان اطلب .. قصده النادله .. بس ماعمره شاف خير ..!! ويوم جت قالت لي .. بنجور .. قلت لها .. خلاص جيبي اثنين بنجور وكاس مويه .. يحسبه نوع جديد ..!! وهي اللي تفغر ومقلبة عيونها .. قلت لها .. طيب عندكم عرق ..!!؟؟ وبرضه ماردت ... قال لها كاع إنكع .. ايس فيه مافيه معلوم كلام انتي ... وانا اللي اللطمه على جبهته .. وقلت له .. خلك ساكت وش دراك انت ..


    المهم كل عام وانتم بخير .... انها جابت لنا شراب مادري وش هو وشربناه انا وكاع إنكع الين قلنا للعنز ياخاله .. وبدا جونا يتغير ... وخشينا جو مع الاغاني .. والعالم حولنا مدهره رقص ... وانا اللي اقوم وانوع الرقص والترفيس والصياح مسوي فيها مايكل جاكسون .. وقفت الاغنيه وانا مواصل رقص وشوي واخذ المكرفون وقمت اصايح واقول .. فرنسا اقوى من امريكا ... ومادريت الا والأمن لاقطني وراميني برى .. وسمعت انه صار بعض الاصابات من رقصي ..
    --------------------------------------------------------------------



    المهم الله اللي يحيكم .... اني رجعت للمرقص ادور كاع إنكع .. وانا اللي احصله متكي مع واحد فرنسي وانواع السوالف .. لا ومتحمس وهو يسولف بعد .. والفرنسي تحسه متابع لكلام كاع إنكع .. المهم اني قربت منهم اشوف وش السالفه .. وجلست معاهم شوي .. وانا اللي اقوم واسحب كاع إنكع مع اذنه .. قال لي .. وش فيك خلني اسولف مع صديقي العزيز ... قلت له .. الله يرجك وش اللي صديقك العزيز انت وعيونك .. مسوي فيها لغات وانت يالله تقرى الكتابه اللي على كيس الرز .. ياخوي ترى الرجال أصنج ...!!!! قال لي .. كيف أصنج وهو يشوف ...!!!! قلت له .. ياخبل انا قلت أصنج مو اعمى ... قال ايه توني فهمت ...!! وجلسنا نتفرج على الرقص .. شوي الا وكاع إنكع يصيح ويقول .. وين تلعب علي انت وجبهتك ..!! قلت له .. ليش ..؟؟ قال شوف الرجال اللي تقول انه أصنج .. قلت له .. وش فيه ..؟؟ قال لي .. هذا هو يمشي عادي مافيه الا العافيه ...!! قلت له .. يادلخ انا ماقلت لك انه مشلول .. انا قلت أصنج .. يعني مايسمع ولا يتكلم ياعيني يابو المفهومية أنت .. تفهم من براطمك انت ... يالله قوم بس خلنا نمشي وامسح الملوخيه اللي في خشمك يارعامان ....!!!

    المهم .. اننا رجعنا غرفتنا في الفندق .. وطلبنا شراب وكملنا سكرتنا .. وشوي الا باب الغرفه يطق .. وكاع إنكع نط من الخوف وقام يشيل الشراب ويرش ملطف جو في الغرفه .. قلت له .. وش فيك ...؟؟ قال لي .. يمكن ان اللي عند الباب حكومه ..!! قلت له .. وين جالسين انت وجهك ترانا في فرنسا موب في السعودية .... المهم فتحنا الباب .. وطلعوا بنتين كل وحده احلى من الثانيه يطيحون الكلب من السما ... وحنا اللي ندخلهم ويجلسون معانا .. وقلت لكاع رح للمطبخ وجب لنا شي نشربه ... وجلست انا معاهم .. وطبعا انا وكاع إنكع فاقدين من الشراب .. وراح كاع للمطبخ وشوي الا وهو داخل ومعه دلة قهوه وفناجيل .. قلت له .. تستهبل انت تجيب قهوه.. في مضارب الباديه حنا ..!!! قال لي .. انت اللي تقول جب شي نشربه ..!! قلت له .. انا قصدي شي يفرفشنا موب قهوه .. عازمين راكان بن حثلين حنا .. تراهم فرنسيات ... روح جيب لنا بيره .... ورح كاع وجاب بيره وجا ... وقمنا نشرب


    .. وسألت انا البنات .. ماشالله الاخوات فرنسيات ..!! مسوي فيها اسلوب ..!! ... قالت وحده منهم .. نعم ..!! الا كاع ينفجع ويقول .. يلعن حياتها تعرف عربي بعد والله اللي فليناها ... وسألت البنت .. تعرفين عربي ..؟؟ قالت .. نعم لقد تعلمت اللغه العربيه من العرب الذين يأتون الينا ... افا .. الظاهر انها مرت على العرب كل ابوهم ..!! .. المهم .. ان البنات قاموا يشربون في هالبيره .. ومادريت الا كاع ناط عليهم وطاردهم .. قلت له .. خير وش فيك ..؟؟ قال لي .. ياخوي بيخلصون بيرتنا ...!! قلت له .. الله يرجك .. ياخوي خلهم يشربون اهم شي الوناسه ... قال لي .. لا انا اعرف هالاشكال زين .. هذولي يبونا نحبهم عشان بعدين يستفزونا ... قلت له .. وش لون يستفزونا ..؟؟ قال .. يعني ياخذون اللي ورانا واللي قدامنا .... قلت له .. قصدك يستبزونا انت وضروسك.. بعدين وش ياخذون منك انت وجبهتك ...!!! قال لي كاع .. شوف انا باقولك حكمه.. ترى الدنيا هذي مثل الجزمه ... قلت له .. كيف يعني .. قال لي .. انا اقولك كيف .. هالحين لو كنت مسافر وبنشر عليك كفر وش بتسوي .. قلت له .. باركب الاستبنه .. قال .. طيب لو كان مامعك استبنه ولا عفريته.. قلت .. بأوقف اي واحد واخليه يساعدني .. قال .. طيب افرض وقف لك واحد وطلع حتى هو ماعنده استبنه ولا عفريته وش تسوي .. قلت له .. باخليه يروح ..!! قال .. لا لا لا .. هنا فايده الجزمه .. افصخ جزمتك وافقع وجهه ليه يوقف وما عنده استبنه ولا عفريته .. قلت له: ايه والله انك صادق ...!! لا تدققون ترى الربع سكرانين .. ولا وش دخل هالكلام في الموضوع ...!! ..


    المهم انا لله وانا اليه راجعون .... ان كل واحد منا مسك زاويه وجلسنا نشرب .. شوي الا كاع قايم معصب ويسب ويلعن في محول الكهرب اللي في الجدار .. قلت له .. وش فيك ...؟؟ قال .. ياخوي من يوم جلسنا وهو يناظرني .. يشوف الفتحتين حقت المحول ويحسبه يناضره ..!! .. وانا اللي اسحبه للسرير واخليه ينام هالخبل .. ونمت جنبه .. وشوي الا هو ملتفت علي ويقولي ... من اقوى ماردونا ولا محمد عبده ..؟؟!!! قلت له .. نام احسن لك ..... قال لي .. طيب من اقوى ملك امريكا ولا قراندايزر ... وانا اللي ادخل رجلي في فمه وانام ... غثني هو وجهه اول مره يسكر.. اخسسسس ياحق الشراب انت ..!!

    المهم حيا الله كل ن باسمه .. اننا قمنا اليوم الثاني حول المغرب ... وقال لي كاع .. اليوم نبي نروح نشوف برج بيتزا المايل ...!! قلت له .. اسمه برج بيزا موب بيتزا .. الظاهر انك جوعان ...!! قال لي .. اللي هو اهم شي نبي نروح نشوفه ... قلت له .. هذك في لندن موب في باريس ...!! الشرهه ماهي عليك .. الشرهه على اللي درسك جغرافيا يالحمار ..!! .. قال لي .. طيب اليوم نبي ندور البنات ... قلت اي بنات ..؟؟ قال البنات حقين اخت اخت زيغو زيغو ... هاللحين بينصادون الدشير ..!! .. قلت له ..طيب والبنات اللي انت طردتهم البارح .. قال .. قال لي .. لا هذوليك غير ...!! قلت .. طيب وين بنلقاهم هذولا ..؟؟ قال لي .. اللي يسأل مايتوهش ...!! ... ونزلنا للشارع نسأل .. وقفنا واحد وقلنا له .. انت فيه معلوم هازا بنت مال قناة فوكس فين يلقى ... وهو اللي يقول .. جغنغفو ... قلنا له .. عز الله مقامك والله ان ودنا بس مستعجلين شوي ... قلك فاهمين وش يقول ..!! .. المهم .. اننا قمنا نسأل العالم .. اللين طحنا في واحد عربي وصف لنا شاطئ عندهم ....


    رحنا للشاطي على الوصف واول ما وصلنا ..... يالللللللللللله وش ذا ... كلهم ربي كما خلقتني .. لابسين من غيررر هدوم ... كاع إنكع ما قدر يتحمل واغمى عليه .. واجلس ساعه اصحي فيه ... وقمنا نمشي على الشاطي وحنا مستحين منهم .. وهم يناظرون فينا بحقد .. كانهم يقولون .. الله يلعن هذولا اللي متسترين ... لا وعيونهم قويه بعد يناظرون فينا وكأننا حنا الغلطانين ... واللي قاهرني ان كل الفرنسين فيهم برص .. الظاهر منتشر هالمرض عندهم ... الأخ ماتعود على الصفران ..!! ... وطلع هذا شاطي العراه الله يعريهم دنيا واخررره ... يمديكم على الدعوه ..!! ... المهم .. ان اللي صار في الشاطي مشفر يبيلكم كرت عشان تقرونه ... بس اقولكم انهم في النهايه قلبوا الشاطي محل كل شي بريالين بسبب البلاوي اللي سويناها .. ويكفي انهم شافوا سروال كاع إنكع القصير اللي كاتب فيه من ورى بقلم ابو نص .. الحب عذاب .. ...


    المهم... اننا طلعنا من الشاطي ورحنا لشارع عندهم اسمه الشانزليه .. لا تدققون في الاسم .. مدري هو صح ولا لا ..!! .. ولقينا كل الخليجين في هالشارع يتميلحون ... وحقين الخليج تعرفهم على طول في فرنسا .. تلقاهم يمشون ويتلفتون يمين وشمال مايبون شي يفوتهم ... بس اني اكتشفت شي .. اللي هو ان الله ساتر علينا ... والله لو تشوفون الخليجيات هناك وهم كاشفات .. يالله وش هالشين .. اللي خشمها كنه واحد ماد يده بيصافحك .. واللي وجهها مسطح كنه طايح عليها السقف وهي نايمه على ضهرها .. واللي واللي .... وتحصلهم اذا دروا انك خليجي مثلهم تغطت وقالت .. ياخزياه رجال ... يلعن ابو جدك اجل الباقين وش هم دواليب ولا بيبان .... لا وتحصل بعضهم يقولون ان الحجاب يقيدهم .. لعن ابو داركم والله ان الحجاب ساتر عليكم .. وطبعا هذا كله كوم والرجاجيل كوم .. تشوف الرجال مسوي فيها براد بيت ولا توم كروز .. طاق السلسله في حلقه وهاك الجنز والفنيله البدي اللي ماتدري وش لون خشت فيه الظاهر انه داهن جسمه بفازلين اللين خشت هالملابس .. وتلقى جبهته واصله اللين عموده الفقري .. وحواجبه كنها الساعه ثنتين الا عشر من الفرحه .. يعني على وجهه حرام يلبس جنز مفروض يلبس خيشة رز اصرف له .. وتحصله يتميلح عند البنات ويغازل يحسب نفسه في الخليج .. مايدري ان فرنسا حامي حامي ماعندهم لعب .. عندنا في الخليج الغزل سفري .. يعني اذا غازلت البنت لازم تجلس سنتين اللين تتعرف عليها .. اما في فرنسا الغزل محلي .. كلها دقيقه بس الا وانتم في الشاطي اللي قلته لكم اول ... باختصار الخليجين في فرنسا ينطبق عليهم المثل اللي يقول ... تشتهر سيريلانكا بالشغالات والشاهي ... يلعن ام المثل .. الظاهر الحبيب مابعد فكت سكرته ..!! ...

    المهم السلام تحيه ... أبلغت ..... اننا مادرينا الا والشرطه ماسكتنا في الشارع انا وكاع إنكع .. ولقطونا للقسم .. يقولون انهم مشتبهين فينا اننا ارهابين .. قلت لهم .. لا حنا وجيهنا كذا من الله .. ويطلع كاع البطل _ بكسر الباء ورفع السكون _ ويقوم يشرب ويقول .. يلعن ام الببسي بنطلع مشهورين ... قلت له .. اقول اسكت لا تنكبنا ... وقال لنا شرطي كبير واضح ان ماعنده يمه ارحميني .. انتم لكم علاقه بالقاعده ..؟؟؟ قال كاع .. القاعده ولا محمد عبده .. ادري انها ضايعه .. بس الرجال سكران ..!! .. قلت له .. والله مانعرفها وجعل الكذاب ربي يحطه في النار ... قلك اقنعتهم هالحين ..!! .. وفجأه بدى مفعول السكره في كاع إنكع .. وصاح .. انا أقوى من اسامه بن لادن ... ونناظر حولنا الا مافيه احد .. الناس شردوا .. والشرطي اللي ماعنده مزح يبكي ويقول .. خغنيفو فرانسو ميترا غنيجوا ... يعني والله ماعاد اتعودها .. طلعوا على حقيقتهم هالرمم ...... المهم انهم قاموا يحققون معانا .. وكاع على باله فاهم كل ماكلمه المحقق .. قال له .. شوف صديق ..هزا دنيا مافيه كويس وشيطان فيه شاطر ... يحسب اي واحد يلبس بدله انه هندي .... المهم بعد ما حشرونا بالسجن ... بس تبون الصراحه ان الشرطه عندهم اي كلام وماعندهم ماعند جدتي ... موب مثل شرطتنا .. لان شرطتنا ملكعين قسم بالله ليخلونك تعترف حتى لو انك ماسويت شي .. يعني مسجون مسجون الله لا يعوق بشر .. اجل مره ماسكيني ومعي سجارة حشيش وخلوني اعترف اني سبب الثمانيه اللي جت في منتخبنا من المانيا ...... المهم .. تدخلت السفاره حقتنا .. ورجعونا لديرتنا ...

    ---------------------------------------------------

    وطول رحلة الرجعه وكاع إنكع يدور في الطياره يدور المضيفه اللي في الطياره يوم جينا .. وكل ما شاف مضيفه سألها .. ياسستر وير از ماي صديقتي .. وانا اسحبه واقوله تحسب ماعندهم الا طياره وحده .. عندهم واجد وخويتك في طياره ثانيه .. قال طيب بسألك سؤال .. قلت تفضل ... قال لي .. من اقوى فرنسا ولا المريخ ...!!؟؟؟ وانا اللي امسكه واربطه في الكرسي اللين وصلنا ..... عاد كاع إنكع كان سكران ومهرب معاه بطل شراب مدري كيف هربه يقول انه دسه في سرواله القصير لانه ضامن ان ماحد يقدر يفتشه من ريحته المعفنه ...!!!

    اني رحت للبيت ولقيت ابي وامي جالسين في الصاله .. وسلمت عليهم وسألني ابي .. هاه بشر عسى فرنسا ربيع .. وحيا ... ؟؟ قلت والله الربيع فوق راسك .. فرنسا كلها بيوت ماعندهم زرع ... قال ابوي .. الله يعز الحكومه ما قصرت علينا بشي .. ولا فرنسا اخبرها كانت كلها بيوت طين .. مسوي فيها انه يعرفها ..!! .... وقال لي ابي .. أبيك تحكم بيني انا وامك لاننا متراهنين .. هي تقول ان فرنسا شمال جده.. وانا اقول انها ورى الخرخير .. وانا اللي اناظرهم ولا ادري وش اسوي لهم ... المشكله انهم ابي وامي وانا احترمهم .. ورحت لغرفتي عشان انام .. شوي الا باب بيتنا يدق .. واطلع واحصل كاع إنكع عند الباب ودمانه تصب .. قلت له وش بلاك .. قال لي .. ابوي طردني من البيت ... قلت له .. ليش ..؟؟؟؟ قال .. يوم رحت للبيت كان مفعول السكره ما بعد راح مني ...وأول مادخلت البيت لقيت ابوي قدامي وسلمت عليه .. وقال لي .. هاه وش جبت لنا من فرنسا وانا ابوك .. قلت له .. وانا اقدر انساك ياأبي العزيز .. انت الذي تعبت علي في صغري وحملتني تسعة أشهر في بطنك فكيف انساك ... وانا اللي اطلع له البطل حق الشراب واعطيه ....!!! وهو اللي ياخذه ويكسره على راسي ويتوطى في بطني .. وهو يقول .. اجل ابي العزيز يالداشر هاه .. وطردني من البيت ..!!!

    المهم ... اني قلت له .. شوف يا كاع إنكع .. انا باخليك تنام عندي لان غلطتي في هالدنيا اني صادقتك ولازم اتحمل العواقب ... وقال لي .. شكرا .. انت احسن صديق عندي في الشرق الأوسط ... واخذته معاي لغرفتي عشان ننام ... وتوني بانام الا وكاع يقول لي .. تصدق اني كنت اسمع عن وفاء الكلب وماكنت مصدق .. كنت أقول انها اشاعه .. بس بعد موقفك معاي تأكدت ان الكلب وفي ...!!!! قلت له .. ماودك تعض على شحمه وتنام انت وخشتك ....!!! قال لي ... طيب ممكن سؤال ..؟؟ قلت له .. نعم وش تبي ..؟؟ قال لي .. هاللحين من اقوى ماردونا ولا مزعل فرحان ....!!!!؟؟؟ وانا اللي اسحبه مع ارجوله اللين باب الشارع وارميه عند الباب ..وقلت له .. انا من يوم شفت وانا ماشفت خير ....


    وكانت هذيك اللحظه اخر خبري بكاع إنكع .. وسمعت انه ترك الدراسه وتزوج المضيفه وهاجر معها لفرنسا .. وانا فصلت من الجامعه برضه واشتغلت غني .. يعني صرت رجل اعمال ... طبعا رجل بكسر الراء والجيم ..!!

    منقول
  2. تعذبت وتعبت بحياتي
    20-02-2010, 07:37 PM

    كاع انكع


    هههههههههههههههههههههههههههههههه

    يعطيك العافيه على النقل

    مشكور



    تحياتي
  3. MŊóōЯ
    21-02-2010, 03:12 PM

    كاع انكع


    يمكن شربت اكثر من كووب ماء ههههههههههههههها

    يسلمك ربي ع النقله ...
  4. مصطفى79
    22-02-2010, 07:14 AM

    كاع انكع


    هههههههههههههههه

    يسلمو
  5. تفكير قطة
    21-05-2010, 10:58 PM

    كاع انكع


    ههههههه يسلمووو ع الموضوع الرائع
  6. *عبير الزهور*
    30-07-2010, 10:02 PM

    كاع انكع


    الله يعطيك العافيه
    هبلان و راحو فرنسا مشاء الله هع
  7. بنت مطير
    30-07-2010, 11:06 PM

    كاع انكع


    هههههههههههههههههههههههههههههههههههههههههههههههههههههههاي

    اجل صرت رجل اعمال هاه .... بكسر الراء والجيم

    يعطيك العافيييه خيوووو ع الموضوع الخورافي
    قسم ضحكتاني .... احلفي
  8. ~× مخملية الروح×~
    31-07-2010, 12:05 AM

    كاع انكع


    ههههههههههههاي
    يسلموووززز خيال واسع هع هع