قالوا إنك تحب وقلت ليه السؤال ؟

الشعر, قصيدة , شعراء, القصايد
  • ارسال إلى Twitter
  • ارسال إلى facebook
  • ارسال إلى google plus
    1. المجنونة
      16-05-2009, 05:15 PM

      قالوا إنك تحب وقلت ليه السؤال ؟

      قالوا إنك تحب وقلت ليه السؤال ؟


      .:: يعجز الشعر .::


      قالوا إنك تحب وقلت ليه السؤال ؟
      كل شخص يحب وكل شخص يميل

      والهوى ديرة ما بين صد ووصال
      دوم فيها نزول ودوم فيها رحيل

      يا عرب والقلوب أشوفها بألف حال
      بين قلب جريح وبين قلب قتيل

      والا أنا لو باحب أحب بنت الخيال
      نادره ما لها بالناس شبه ومثيل

      فاتنة ناعمه فيها هدوء ودلال
      حاوية كل زين وكل طبع أصيل

      من يعرف الجمال يقول هي الجمال
      وصفها في قصيدي يشبه المستحيل

      كن في وجهها صبح ضحك لي وقال
      يا صباح المحبة من خليل لخليل

      وكن في عينها رمش ينادي تعال
      واعذابي من الرمش الكسول الكحيل

      شعرها ليل أسود فيه صمت وجدال
      إن تحرك يضيع الصبح بأطراف ليل

      إن تناثر جديله من يمين وشمال
      ضمني في بياض الصدر تحت الجديل

      والشفايف مثل جمر يزيد اشتعال
      ودي أضم جمره لين أشب الفتيل

      إن مشت كنها غصن مع الريح مال
      هزه الشوق من فوق خصر نحيل

      كن فيها رسوخ علمته الجبال
      وكن فيها شموخ علمته النخيل

      تجمع الكل فيها من جمال الخصال
      بنت قلب رشيد وبنت عقل ثقيل

      كامله والله اللي يستحق الكمال
      صورة كل ما فيها فريد وجميل

      يعجز الشعر عنها حتى لو في الخيال
      كنه يقول يا ناصر ترى مستحيل


      منقول
      250*300 Second
    2. رعبوب شمر
      16-05-2009, 05:18 PM

      قالوا إنك تحب وقلت ليه السؤال ؟


      مشكورة ودمتي بخير
    3. King-10
      16-05-2009, 06:37 PM

      قالوا إنك تحب وقلت ليه السؤال ؟


      مقتطفات جميله

      " المجنونه" حياك الله وحيا الله اهل البحرين

      الله يعطيك العافيه