سؤال كاد ان يدمر حياتي؟؟؟

‏الإمبراطوره

Well-known member
سؤال كااااااد ان يدمر حياتي؟؟؟

بسم الله الرحمن الرحيم
؛
؛

السلام عليكم شخباركم



المهم خلونا بالزبده واقولكم موضوعي


مادري صراحه شلون ابدا موضوعي او شلوون انهيه
<<اجل كلي هواء وطسي


بس بحاول افهمكم واقوول سالفتي من النص وللي فهم كان بها
واللي مافهم عسى عمره لايفهم


صديقاتي اصدقائي انا يومني صغيره كنت بزره<<
تكفين لاتسولفين مره ثانيه


وكنت وحده غبييه وعله ومهبووله ومؤدبه
وحلووه وغثيثه ومن كثر غثاثتي اهلي طلبوو لجووء سياسي
للاستغناء عني للاسر الفقيره


ولاكن جدتي الحنوونه هي من عطفت علي صح

انها كانت تضربن وتلعن من عقبن لاكن

لم تكن تكررشني عندما اجلس بجانبها وهي تعطي

جدي قبله حتى يبدا يومن جميلا وحافلا

ويذهب ويشغل مووتره ويذهب الى المزرعه وهوو

في قمة سعادته من بعد قبلة جدتي

كان يووم الخميس من اجمل ايام الاسبووع عندي

ولادعه يذهب الا وانا محللته

<<لحد يعلق تكفون من زمان نفسي اتكلم بالفصحى
اصحى الفجر واذهب لا العب مع بنات خالاتي واخووالي

ونلعب ونلعب
نلعب حرريم ونعلب سيارات ونلعب فتاحي ياورده

ونلعب ياعمال العماليه ((كنت اضيق اذا ماختاروني الفريق اللي يبون العروسه

)) ونلعب سلوى ياسلوى<<اقول اخلصي
ومرره وانا العب معهم


فجأه وبدوون سابق انذار جلست بعييد عنهم

وقمت امارس هواياتي وهي ان اضع اصبعي بانفي

حتى يصل الا مخي ويصير مخي يدوور ويدوور

وافكر وافكرر واسال نفسي اسأله واجده جدا

ووقف مخي عند سؤال

فرجعت ثم وقفت وقلت كييييف؟؟

لا بجد كييييف لازم اعرف كييييف

شلوون يعني يصيير كذا اكييد بوه سبب

والسؤال هوو((كيف يتم الانجاب ووشلون جينا انا وبنات خالاتي للدنيا))

<<لاحظو بس انا وبنات خالاتي

قلت يمكن لاعرست ربي يعررف انا اعرسنا
وثم يخليني احمل وانجب الاطفال

ولاكن لم تعجبني الاجابه ولم تدخل مخي

وتاكدت اني صخله ولا اعرف افكر جيدا

قلت يمكن اذا صب المطر الحريم يحملوون

بس بعد مادخلت مخي هالاجابه

وفكررت ان ادخل لبيتنا لعل وعسى ان احصل الاجابه

فتحت الباب وادخل داخل وانا متجهه نحو امي الحنوونه


يمه يمممه يممممه لعنه ان شاء الله وش تبيين ياقلب امتس
<<يازين امي حنوونه

وين ابوووي راح عند صديقه الظهر يجي ان شاءالله ليه وش تبين فييه

مدري ليش صابني الخوووف ان اقول لامي ماذا اريد ان اسال ابي

لا لا مابي شي بس ابي اشوفه وينه اشتقت له مرره

واشتقت انه يعطيني ريال جديد((لان ماكنت ارضى بالقديم ابد

رجعت لبنات خالاتي ولكن السؤال كاد ان يدمر خلايا مخي ياربي
شلووون

الحرمه تحمل يارب ساعدني ابي اعرررف يارب خليني اعرف الاجابه

شووي جاء جد جيرانا بس كل الحاره كانت تناديه جدي

جد كل الناس ورحت لم موووتره جدي جدي

لاتمت ياجدي<<تحب عدنان ولينا

جدي انهبل يحسب صار شي
وش تبين

ابي اسألك سؤال
هاه اسئلي وش تبيين

جدي تكفى شلوون الحريم يحملووون؟؟

ضحك جدي ضحكه كادت ان توقف قلبه ووجه صار مثل الطماطم

وش هالسؤال الله ميير يصلحتس رحي رحي العبي وانا جدتس

لييش قوولي تكفى شلون تحمل الحرمه

رحي لامتس تعلمتس

ولايزال وجهه احمر وخدوده ورديه

تركني وهوو يضحك من سؤؤالي

وادخلت اصبعي بخشمي وافكرر

ياربي لييش جدي استحى وصرفني اكييييد السؤال

فيه انا انا لازم اعرف موب نايمه الا وانا عارفته

بنات خالاتي مززنه مززنه تعالي العبي محنا حريم يلا انتي راعي البقاله

نظرت اليهن بنص عيين<<تسمع بالعربجه

اغربووو عن وجهي مووب فاضيتلكم

تركتهم وانا اسمع صلاة الظهررر ودخلت الا بيتنا وكلي لهفه على ابي<<ايه هين الهفه

وكلنا على مائدة الطعام<<يحلفوون ان وقتها ماعندهم سفره وحاطين جريده

الكل ياكل الا انا افكر بسؤالي على نغمات اصوات اكلهم
فجأأه يبه يبه

هاه وش تبيين <<حسيت انه ماهوب وقتي ولا وقت سؤالي اللي جد جيرانا

من قوو السؤال وجه زرق وحمر
يلا امري لله ابي اعرف وارتاح
يبه كيف الحرمه تحمل؟؟

قامت امي بسرعه حسيت انه تبي تغيير الموضوع باي طريقه

وقالت لابووي تبي موويه

ايه ايه صبي

ونفسه انسدت عن الاكل

شووفي يابنتي الحرمه تحمل اذا اكلت اكل

موو زين وقامت تطرش يعني حامل

بس بعدين سكت و عطاني كف من بعده احس
اذني يقوول طووط يوم كامل وراح


قمت انا ومستانسه ومرتاحه

لاني عرفت الجواب ولا همني الكف كثر ماهمني

الجواب اللي ارتحت من عقبه

وكملت يووم الخميس اللي له نكهه خاصه عندنا

وطلعت الشارع وكملت لعبي

وجاء يوم الجمعه ورحت انام وانا ابي انام

دخلت اصبعي مدري ليه المهم قمت افكر

واحووس بصبعي لين ماوقف على سؤال مزدوووج

والسؤال هو((كيف تحمل الحرمه؟؟))

صح كييف تحمل الحرمه وابوي ليش فجأه

عطاني كف اكيد كان يصرفني

والاجابه غلط اجل اكل موو زين ومدري وشوو

خييير على كذا كل الناس تحمل

علينا يا ابي العزيز

واقعد افكرر وافكرر وافكرر كيييف كيييييف كييييييييف

ولا جاني النوم وبكره عندنا رياضيات

وابلتنا المصريه عصبييه

ياويلي ومن زوود التفكير والسهر اعد العنزات اللي فوق

راسي ومسكت عنزه قلتلها تكفين شلون الحرمه تحمل

موو شغلتس اسهرتينا معتس تقلعي ونامي جعلتس بقريح

وتركتها تروح هي وصديقاتها العنزات

ياربي ابي انام

ابد مافيه حل الا اني اطس واشرب هوستووب
اقوى مفعوول للنوم

والحمدالله هجدني ونمت

وصحتني امي قوووومي قووووووومي المدرسه الباص راح قووووومي

<<ياحليلتس يايمه تحب تسذب دايم على هالمووال
اخلص والباص باقيله ساعه ونص لين يجي

ورحت المدرسه عاد كانت الحصه الاولى علينا رياضيات

والابله مصريه عصبيه مررره واول ماتدخل مافيه صوت الا صوت المكيف والمروحه

والكل حاط اصبعه عند خشمه وفمه<<انا مرات اغلط من زوود انها هوايتي ادخل الاصبع

بس والله ماكنت يم الحصه ماغير مطيره وجهي للسقف واصبعي يشتغل افكر افكرر افكرر

شلوون الحرمه تحمل

المهم بدا الدرس والابله تشررح والكل متحمس معها ويشاركووون وهي متحمسه معهم

واصوات وحماس انا ابله انا ابله

انا شفت الكل رافع اصبعه ولا شعوريا وانا افكر

شلون تحمل الحرمه رفعت اصبعي

الابله قالت اه اه اه مزنه اومي قاوبي

<<استانست اني شاركت كسلانه

قمت هاه وشووو واقعد ارجف وركبي تطق وتطق وعرقي يصب

من الخوووف وانا ساكته عشرين ثانيه وماسمع الا صرخة الابله قاوبي ياحماره
ككك كككك كيف تحمل الحرمه؟؟

والكل سكت وطالبات التفتووو علي ويطالعووني حتى

المكيف ابو صووت سكت ويطالعني ويقول ياويلها

الابله طالعت وعيوونها حمررت وشووي تطلع من مكانها كانت تبي جواب وانا عطيتها سؤال

ولا سؤال مش زي اي سؤال سؤال دمار شامل

جاتني وعطتني كف ومسكتني مع مريووولي وتدووور فيني وتدووور وكفوف
وطق
والحمدالله تركتني ومامت وانا ملتقييه على الارض

و دايخه من كثرة الكفووف واطالع فيها

وهي تقول بتئوولي ايييه ياواطيه عوزه تعرفي الاقابه

تعاليلي لوحدك في مكتبي اخر الدوام وانا ائولك القواب يائليلت

الادب<<كانت تطالعني بخبث مدري ليش؟؟

انتهت الحصه وقمت جلست على كرسي وقمت افكرر

ياربي وش فيها تقولها لي بخبث وحقد كذا<<مسكينه على نياتها

وجووني الطالبات اللي توواسيني واللي حنت علي

وتتشتريلي عصير برتقال وتسالي حار

قمت قلت للي جنبي تعالي انتي بالله ارحميني وقوليلي شلون تحمل الحرمه

قامت قالت وجع قليلة ادب ماتستحيين

وانا استغرب ياربي وش هالسؤال الكل عصب جد جيرانا ضحك وقالي رحي لامك

وابوووي عطاني كف من قووه ماسمعت عشر ايام وصار ينزل

منه دم وصديد
والابله صح اني غلطت وسألت سؤال موو وقته

بس ليش كانت تنظر لي نظرات خبيثه

واللحجيه ليش عصبت علي

يارب يارب نزززل علي شي ابي اعرف الاجابه <<مسكينه بزر لاتلومونها

شووي تجي صديقتي يامهبووله بالله انك ماتعرفين الجواب

هاه لا والله ماعرف

ياخبله امك وابوووك احم واحم واحم وطوووط طووووط

ووصلت للعميق التسلبه قالت علووم وبلاوي موو لي وشعري وقف وجسمي وقف

وكنت بصيييح الا صحت شلوون ابووي يسوو في امي كذا لا مش معئووله

ابووي وامي موو قليلين ادب

ياخبله لو ماسوو كذا شلون تجين وكلنا نجي

الا كذا وانا عندي كتاب صرقته من اختي الكبيره

وجابتلي الكتاب وصرت كل ليله مانام الا وانا اقراه من الاول للاخيير

وعرفت ليش جد جيرانا ضحك وحمرت خدووده

وعرفت ليش ابووي عصب وعطاني كف

وعرفت ليش اللحجيه قالت لي ياقليلة الادب

بس اللي ماعرفته ليش الابله تبيني الحالي بغرفتها

وتوته توته خلصت الحتووته


المهم لحد يعصب على بثارتي وللي بتعصب بعصب عليها اجل اسكت

وانتم وشوو كان تفكيركم شلون الحرمه تحمل

هل كنتم اغبياء مثلي ولا فاهمييين كل ابوو شي؟؟؟؟؟؟؟؟؟؟؟؟










كتب من قبل مزنه بنت مايكل بمنتدى ثاني وانا اموووووووووت فيها واموت بهرجها فنقلته عشان تنبسطون
منقوووووووووووول
 
بالنسبه ليا انا كنت افكر ان الطفل يوجد باصبع البنت الي بالرجل ( الدبه)ويكبر معاها لكبرت ويوصل لبطنها وقتها طبعا تكون تزوجت وتجيب بيبي !!!!!!!!!!!!! ام الذكاء وابوه
وتوقع ثاني انه اذا الرجال نام جنب زوجته تحمل!!!!!!!!!!
واحتمال ثالث اذا باسها زوجها تحمل !!!!!!!!!!!!
براءة اطفال
 
ههههههههههه والله يافطست ضحك عليكي

حتى انا كنت افكر زي تفكيرك بعدين عرفت من صحبتي

اتصدقي حتى انا ماتوقعت

بس خلاص استحيت على وجهي وماراح اكمل :خجل"
 
حاشاك يا الغلا
بس ممكن اللهجه خاصه بمناطق معينه بالسعوديه والاسلوب ممكن مو متعوده عليه
على العموم منوررره يا الغلا:a::a:
 
عاد انا رومنسيه مرررررررررره كنت اعرف انها قبله وحده وتكفي
طلعت علوووووووووووووووم الشغله
بس انا نفسي اعرف سر الاصبع اللي في الانف ههههههههههه
 
خلي الطابق مستووور ياعسل بس مووو انا الي كاتبه الموضوع منقوووول----للعلم فقط
ياي رومنسيه فديتككككككك
منووووره يا الغلا
 
عودة
أعلى