ارحبوا

الشعر, قصيدة , شعراء, القصايد ارسال إلى Twitter ارسال إلى facebook
  1. ظحكة حسين
    09-05-2009, 04:58 PM

    ارحبوا

    ارحبوا


    حرام أني ماذقت النوم عقب المغيب // وحرام اني عجزت اشيل هم الغياب
    ان كان لي خشمةٍ في خافقك يالحبيب // اقرب ترا قربك يزيل العنا والعذاب
    أنا ادري الحظ خايب / وياكثر مايخيب // لونه ليا من رما يصيب عين الصواب
    ماكان حالي برا ولا صار وجهي شحيب // حامل مواري العنا والحزن والاكتئاب
    ولا تهت وضيعت دربي وانا رجل(ن) لبيب // من كثر ما اطرد ورا حلم العمر والشباب
    وصحيت من صفعة الوقت العجيب الغريب // اللي بعدها اكتشفت اني اطارد سراب
    ارجوك ياصاحبي انت الحبيب القريب // اللي اعتبرته خليل القلب واغلى الصحاب
    لاتوهق القلب في هم الغياب الصعيب // ماعاد به حيله يشيل الهموم الصعاب
    ابيك يمي ليا مني دعيتك تجيب // واسمع نغم صوتك اللي فيه لحن العتاب
  2. King-10
    09-05-2009, 09:21 PM

    ارحبوا


    الكلمات جميله ومعبره " ظحكة حسين "

    بس ياليت توضح اذا كانت الكلمات لك أو منقوله.



    شكرا لك
  3. بوعبدالله
    23-07-2009, 01:46 AM

    ارحبوا


    كلمات حلوة مرة صح لسانك ضحكة حسين